Популярні біблійні вірші з GÉNESIS 28

Поділитись

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Jacobqa puñusqanmanta rijch'ariytawan, nerqa: Cheqamanta Señor kaypi kashan, noqaqa mana yacharqanichu.

Chaypi Jacobqa nerqa imatachus ruwananta: Sichus Dios pusaykachashawan, kay purisqaypi waqaychashawan; mikhuchishawantaj, p'achachishawantaj; sitajchus allillanta kutipusaj tataypa wasinman chayqa, Señorqa noqaj Diosniy kanqa. Kay rumita sayachisqayqa Diospa wasin kanqa. Diosníy, qosqaykipuni sapa chunkamanta ujta tukuy ima qowasqaykimanta.

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Chay cheqapi ñaupajta karqa uj llajta, Luz sutiyoj. Jacobtaj waj sutita churara, Betel sutiyoj kanqa, nispa.