Популярні біблійні вірші з GENESIS 24

Поділитись

Tin, “Aw LALPA, ka pu Abrahama Pathian, khawngaih takin vawiinah hian mi hlawhtlintîr la, ka pu Abrahama chungah chuan khawngaihna lantîr ang che.

tichuan, heti hian ni rawh se, nula tu hnênah pawh, ‘Khawngaih takin ka in tûrin i tui bêl kha han tihniam teh khai,’ ka tiha, ‘In rawh, i sanghâwngseite pawh hi in tûr ka pe ang e,’ titu apiang, chu mi ngei chu i chhiahhlawh Isaaka tâna i mi ruat chu ni rawh se; tin, chumiah chuan ka pu chungah khawngaihna i lantîr tih ka hre dâwn nia,” a ti a.

Tin, Isaaka chuan Rebeki chu a nu Sari puan inah chuan a hruai lût a; tin, Rebeki chu a nei a, a nupui a lo ni ta a; tin, amah chu a hmangaih hle a; tichuan, Isaaka chu a nu thih hnuah pawh chuan a lo thlamuang thei ta a.

Tin, Rebeki chu mal an sâwm a, a hnênah, “Kan farnu, nang chu sîng hlîra sâng tam tak nu lo ni la, i thlahte chuan anmahni hawtute kulh kawngkhâr chu neihsak rawh se,” an ti a.

tichuan, LALPA, vân Pathian leh lei Pathian chu chhâlin, ka awmna Kanaan-ho nula zînga mi hi ka fapa nupuia neihsak lo tûrin chhia ka chhamtîr dâwn che a ni; kan ram lamah, ka laichînte hnêna kalin ka fapa Isaaka hi nupui i neihsak zâwk tûr a ni,” a ti a.