Популярні біблійні вірші з Génesis 1

Поділитись

Tsaypitanam Dios Yaya nirqan: <<Kananqa runata kamashun kikintsik rikuqta. Noqantsiknö kananpaqmi payta kamashun. Paypa mandädunchömi kayanqa pescädukuna, päriqkuna, manshu kaq wätakuna, chucaru kaq wätakuna y lätaypa puriqkunapis>>. Kikin rikuqtam Dios Yaya runata kamarqan. Paynö kananpaqmi kamarqan. Ollqutapis warmitapis paymi kamarqan.

Tsaypitam bendicionninta churar nirqan: <<Kay patsaman juntanqanyaq wamraykikuna atska kayätsun. Qamkunapa mandäduykikunachö kayätsun pescädukuna, päriqkuna y llapanpis kay patsachö kawaqkuna>>.

Imapis manaraq kaptinmi ciëluta kay patsatapis Dios Yaya kamarqan.

Kay patsaqa manam kanan kanqannötsu karqan, sinöqa tutapay yakullaraqmi karqan. Tsay yaku jananchömi Dios Yayapa Espïritun tumaykarqan.

Tsaynam Dios Yaya nirqan: <<¡Atsikyay katsun!>> Niptinmi atsikyarqan.

Llapan kamanqankuna alläpa alli kanqantam Dios Yaya rikarqan. Soqta kaq junaqchömi tsaykunata kamarqan.

Atsikyayta kamaskirnam alli kanqanta rikar tutapaypita atsikyayta rakirqan.

Tsaypitanam nirqan: <<Mikuyänaykipaqmi kamashkä kay patsachö tukuyläya mikuna plantakunata y wayuq jachakunatapis.

Atsikyaypa shutinmi churarqan junaqta y tutapaytanam paqasta. Punta kaq junaqchömi tsaykunata kamarqan.

Tsaypitam Dios Yaya nirqan: <<Yaku ishkayman rakikarnin yaku chawpinchö azulyaraykaq katsun>>.

Wätakuna, päriqkuna y lätaypa puriqkuna mikuyänanpaqmi jachakunatawan qewakunata kamashkä>>. Ninqannöllam llapanpis karqan.

Tsaypitanam Dios Yaya nirqan: <<Ciëluchö atsikyaqkuna kayätsun junaqwan paqaspis kaman kayänanpaq, junaqkunatawan watakunata yupayänanpaq y muruyänanpaq cosechayänanpaq imay kanqantapis musyayänanpaq.

Tsaypitanam Dios Yaya nirqan: <<Allpapita jeqamur wiñäyämutsun tukuyläya plantakuna: muruyuq qewakuna y wayuq jachakuna karpis>>. Ninqannöllam llapanpis allilla karqan.

Ninqannöllam azulyaraykaqta kamarqan. Tsaynöpam wakin kaq yaku kay patsachö quëdarqan y wakin kaqnam azulyaraykaqpa jananchö. Ninqannöllam llapanpis allilla karqan.

Tsaymi jeqamur wiñäyarqan tukuyläya muruyuq qewakunawan tukuyläya wayuq jachakunapis. Tsaykunata kamaskirmi alli kanqanta Dios Yaya rikarqan.

Tsaynöllam rupayta, killata y qoyllurkunata kamarqan. Rupaytam kamarqan junaqpa atsikyänanpaq y killatanam paqaspa atsikyänanpaq.

Tsaypitam Dios Yaya nirqan: <<Tsaki patsa rikakänanpaq urachö kaq yaku juk patsallaman qorikätsun>>. Tsaymi pay ninqannölla karqan. Tsaki kaqpa shutinmi Dios Yaya churarqan patsata. Y qorikashqa yakupa shutinmi churarqan lamarta. Tsaykunata kamaskirnam alli kanqanta Dios Yaya rikarqan.

Tsaypitam bendicionninta churar nirqan: <<Lamarchö kawaqkunawan patsa jananpa päriqkunapis, maytsikaman mirayay>>.

Tsaypitanam Dios Yaya nirqan: <<Tukuyläya wätakuna kayätsun: manshu kaq, chucaru kaq y lätaypa puriqkunapis>>. Ninqannöllam llapanpis karqan.

Tsaypitam Dios Yaya nirqan: <<Yakuchö tukuyläya kawaqkunawan patsa jananpa päriqkunapis atska kayätsun>>.

Tsaynöpam Dios Yaya kamarqan tukuyläya manshu y chucaru wätakunatawan lätaypa puriqkunatapis. Tsaykunata kamaskirnam alli kanqanta Dios Yaya rikarqan.