Популярні біблійні вірші з Lúkási 18

Поділитись

Yɛɛ́so á zéŋ ndɔ̄k ashuŋne lepúʼ jʉɔ, ńzíʼne nnɔ yí páʼ á mbɔŋ leswīŋte Ndém efʉʼ metsem, té láʼ ŋká.

A á ké nzáʼ ntsaŋ mɛ́t páʼ lepé é si nzɛ́ttɛ, tɛ ŋgʉɔ shɔ́ʼɔ́, Ndém a te láʼ ezéŋ eghʉ azí épúp, á mbū epuɔ pí pīi, a lē ŋkaŋ á wɔ́p lɛ̄? Épuɔ pīi pɔ́ gɛ nzóko ndāa á mbū yí, é táŋ‑azokó pɔ́ ŋkɔʼɔ́‑atswɛt, éswíŋtɛ á yí ŋ́gɛ, a eshʉʼ ntswíte á wɔ́p. Afʉʼ mɛ́t á kuʼɔ, á zi nnáʼ ḿmīʼte á leghʉ épúp e? Pɛ ezhɛ́ á mbɔŋɔ́ á légɛ, afʉʼ mɛ́t á kuʼɔ, a á le zī nnáʼ ḿmīʼte á lezāʼ ntsaŋ zɔp ndeŋ ndeŋ ɛ́. Táʼ, afʉʼ mɛ́t zīi Méŋ‑Ŋiŋnɔŋ a fú eshʉ̄ʼɛ á ndo esī atsetsáʼ á nzáʼ ntsaŋ, a gɔ fú nzī njʉ́ɔ tsɔ ŋiŋ yīi, a zɛɛ́t ŋŋíŋɛ efíɛ́ nnɛ̄t zi, ŋ́gyáa á mbū Ndém m?»

Yɛɛ́so á pwɛt ŋ́gɛ: «Ajū mīi á gɔ etsyāa á ŋiŋnɔŋ, Ndém a ghʉʉ̄ áa aziɛ́. »

Ŋgaŋ asāʼ á lʉʼ lʉʼe. Á ké nzɛ́t eshʉ̄ʼ shʉʼe, á tsya á yí, á lé á ntē yí ŋ́gɛ: “Meŋ te á Ndém pɔ́k, ńzéŋ te lɔ̄k á ŋiŋ ntɔ́ŋ azō ɔ́. Ɔ táʼ, páʼ mpfók menzwí wuɔ, á si eshʉʼɛ mbáknɛ á gá efʉʼ metsem lāa, meŋ a záʼ ntsaŋ zi, páʼ lepé é si nzɛ́ttɛ, ḿbɔ́k á yí á lenāŋ ŋghʉ̄ɛ épúp efʉʼ metsem, tɛ ntɔ̄ŋ za é pék.”»

Meŋ shúŋɔ á wɛ́ á kwaʼ anuúnē, ŋiŋ a gɔ te véŋ páʼ méŋ agáʼ mɔ́ lā, ŋ́gɛ, Ndém mé ecʉ́ʼɛ esáʼa á yí í, mbɔ a te e láʼ ekó á ntē Lefɔ Ndém ɛ́. »

Táʼ, Yɛɛ́so á tswi mɛ́ lɔk ewɔŋkhʉ̄ eshʉ̄ʼ mé lezēŋ tsí, á lé á mbū nnɔ yí ŋ́gɛ: «Pɛ etshī ewɔŋkhʉ̄ nnéŋ, pɔ́ eshʉ̄ʼ á mbū meŋ, ndɛ́ʼ pɛ ezéŋ á wɔ́p ntɔ̄ʼ, melaʼ mīi, lepɔŋ ánɛ Lefɔ Ndém é mbū epuɔ pīi, é páʼ pɔ́p lā.

Yɛɛ́so á lé á mbū yí ŋ́gɛ: «Páʼ o ó fɛ́ nnɛ̄t ju ŋgyá á mbū meŋ lā, menēk mú e ezɛ́ʼɛ. »

Yɛɛ́so á zɛ́tte á yí ŋ́gɛ: «O tɔ́ŋɔ á gá lɛ ŋiŋ mbɔŋ melaʼ akɔ̄? Ŋiŋ mbɔŋ a te éwú ú, ńdaʼ Ndém yíléyī.