Популярні біблійні вірші з Joon 3

Поділитись

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Wír wo wù wáy shilív e Wàn Nyùy wùn bòy ne fo lòn. Wìr wo wù tén fó way lì ne lòn, bìʼ fo wù leeyin wír wo dzəə̀n Wan Nyùy ntéŋ, a bó wùmòʼ yòʼ kfə̀n dzə̀.

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Vinyo və́ ví kér fó a dù fo mbìy, é vém ví wáa kfən fo bàm.»

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Kú a kiíy jii, mo Mooser‑iì koʼorin yó ye vé‑eè fèrìn e kisha ki é kici, e kirə̀ʼ ké woʼ kí, kù dzə̀ réŋréŋ mo á kér fó wìy koʼór sa ŋgaà wo yírí dzəə̀n Wanwìr e kici

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.