Популярні біблійні вірші з Bikawi 1

Поділитись

Äini Asanh chang Khraw nangnih lukhru äng lo khaw a nangnih thayung nini büneyei awlaw Yĕlusalem, Yudia brat awlaw Samali a ha awlaw luhdül äng käh ujumtum täh nangnih Kei käh sawksi nini thäneyei.”

Yĕsu la anih a tak, “Paw kädäng la Ani tha äng ikhin la khomhnüp po bala loaih saw. Äi hngata ha hawu pek hmuei yah.

Hnüpak khaw a, Yĕsu la Ani tebeih tih ängtu ei ok tuna Anih a tak hüt, “Nangnih Yĕlusalem hlät chula chetai chu. Kei mongkhok känäng, Kei Paw la khawmei saw i nini yawkäm äidä chongei chula mäi khäl. Iyaäm Yohan la tuilüh pek hüt, äini hnüpak hnih pänäng pawla khawmei saw huih nangnih Asanh chang Khraw äng tuilüh nini büneyei.”

Yĕsu la dukhah khawm bala dü pänäng, Ani la tebeih khäla awdawnei awlaw tebeih khäla Ani eheng pe khäh ting awbawng ahmat la dawn. Khomhnüp hligip täh Ani la tebeih khäla äkräng kräng dawnei bala Mawng Hnadaga pre kheu tak.

Äi kheu hawu pänäng Yĕsu a teh hmueitih hmawi mawh a hawna khawi hmueyal awlaw kho hiyung hngat la Ani a ukhuih yal.

Yĕsu hawna kawyal tun khaw a teh hmueitih khälla tana hawn pawta so ula ini mäi. Äi khaw a täk ting awat bok wat tih khrawng pai hnih teh hmueitih kena aja häih la ihni tak, “Galil pre lekchaw a käh khrawng khälo, niya ja chula hawn pawta so chula iya nini mäi saw äm? Yĕsu ihuih hawn pre a kawyal äm, äi huih ani awlaw oloalai.”