Популярні біблійні вірші з Yohane 1

Поділитись

Nakoso bɛ bɔ bɛlɛle ye, na benyane gyidie wɔ ye dumaa nanu ne, ɔmaa bɛyɛle Nyameɛ mmaa.

Ahyɛaseɛ ne, né Edwirɛ ne wɔ berɛ, né Edwirɛ ne né Nyameɛ yeɛ bɛwɔ berɛ ɔ, na né Edwirɛ ne te nyameɛ.

Kanea ne ta awosii nu, na awosii ne angora angata kanea naso.

Na edwirɛ ne yɛle anwoɔnaen ɔɔtenane yɛ nu, na yɛnwuni ye anuonyam, anuonyam bɔ baba fa ma ɔwa bɔ owole ye komapɛ ne, bɔ adom ne nahorɛ ayi ye tɛkyɛ ne.

Nningyein mukoraati nate ye so yeɛ ɔwale ɔ, na bammɔ nikye fee bɔ né ɔbokka so ɔ. Nikye bɔ ɔnate ye so wale yeɛ ole ngoa, na ngoa ne yeɛ ole mmenia kanea.

Kyẽa bɔ oli berɛ ne, Yohane nwuni Yesu kyɛ ɔba ye berɛ, na ɔhane kyɛ: “Ɛmɔnea Nyameɛ Boan Ba bɔ ɔye wiase bɔne fi berɛ ne!

Né ɔwɔ wiase, na bɛnate ye so yeɛ bɛyɛle wiase ne ɔ, nakoso wiase ne nze ye. Ɔwale ye bɔbɔ ye awuro, nakoso ye mmenia anne ye.

Nahorɛ kanea bɔ ɔta ma mmenia mukoraati ne, né ɔba wiase.

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ ɔwale ɔ.