Популярні біблійні вірші з Kyenesis 39

Поділитись

Saate nwu lasiɛkoYosef, asaa lalɛ nwɔ ɔkyɛ, ni aasiɛ di saate nɔɔ Egipte otii nwu leyo nɛ.

Nioso Potifar layɔ lɛsaa biala niawɛ nwɔ ni aakpee di Yosef nnɛɛ. Atasin-yɔ nwu ole di lɛsalɛsaa kuninwii suoto dilenkee alesaa ya aatoole ni lete. Yosef nfɛ labawɛ suoto nwaa, aalɛ sekosopo.

Nioso leyo batentɛ banyuntɛ layɔ Yosef baase di leyo batentɛ bamuu kanya, baatɔɔ aayila di ɔkpɛ biala baatɔɔbla ni kanya ninfa.

Nkpo oso Yosef saate layɔ Yosef aalaatɛ leeyo, di lɛbale mantɛ ni ɔka leyo batentɛ. Kafɔɔ di Yosef lawɛ ni di leyo katenkɔ, Saate nwu lasiɛko nwɔ; aale nwɔ sifutulɛ, aata alɛ aabuo leyo batentɛ banyuntɛ anu.

Di obe owo sɛmaa, Yosef latɛ aatɔɔlɛ saate nɔɔ ɔsɔfɔ onyu, ni aatɔkɔ nwɔ alɛ, <<Wa faabatenkoe!>> Kafɔɔ Yosef lasĩ. Ni aatɔkɔ saate nɔɔ ɔsɔfɔ alɛ, <<Di ami nin-yɛ ni kaanya oso, saate nii diesin-yɔ nwu ole di lɛsalɛsaa kuniwii suoto di leyo le mmle kamɛ; ɛɛyɔ lɛsaa biala ninle nwɔ ni lele eekpee mi ninnɛɛ. Otii kuonwii diɛtaka katoo alenke mi di leyo le mmle kamɛ. Lɛsaa le lete di saate nii diɛyɔ akpee mi ni ninnɛɛ ninle afɔ, diekye ɔsɔfɔ nɔɔ fale. Ni lɛ nfɛ kabla lɛsaa kpile le mmle okle, mbla okpile di Yaa suoto?>>

Dii ninwii Yosef lakyɛ leyo kamɛ alɛ ɔɔlaabla ɔkpɛ nɔɔ, leyo nwu batii bakpɛmblatɛ kuonwii ditawɛ. Ni di ɔsanko nwu lamufũ Yosef di akpeele nɔɔ aatɔkɔ nwɔ alɛ, <<Wa faabatenkoe!>> Kafɔɔ Yosef ladiɛko nwɔ akpeele nɔɔ di ɔsanko nwu nnɛɛ, ni aatoso aadie leeyo nɛ.