Популярні біблійні вірші з Zɛnɛse 35

Поділитись

Ɣâla è mò ǹyɛɛi, “Ńyãa ƃa Ŋ̀wála-wâla kélee Ɣalai. Ƃûu ƃó. Ísuui su a pâi kɛ̂tɛi. Da-ni da pâi kɛ̂i a kâloŋ-ŋa. Ǹɔii ŋá dɛ̀ɛ Eberaɣɛ̃ɛ da Aise pɔ́i, ŋa pâi dɛ̂ɛi ípɔ, ŋá dɛ́ɛ ísuui pɔ́ nyii-ŋai pâi kɛ̂i ípôlu mai.”

Kwa pâi kulâi ƃɛ́ kú lí Bɛtɛ kú sée naa. Ŋa pâi Ɣâla-teƃele tɔɔ̂i naa Ŋ̀âlai mî nyii ŋ́oo su tòo a tãi ŋá kɛ̀ la mɛni-kpɔlu sui, da nyii gáa ŋ́gɔlɛ ƃɛ́i kélee ŋa lì naai.”

Ɣâla è mò ma ǹyɛɛi, “Ílaa ƃa Zeeka. Ílaa fé ŋɔ́nɔ pâi kɛ̂i a Zeeka, kɛ́lɛ ílaa ƃé pâi kɛ̂i nâa a Eezuɛ.” Nya ƃe Zeeka láa è nâa kɛ̀ a Eezuɛ.

Nya ƃe Zeeka è mò ŋɔpɛ́rɛi mu-ƃelai dîa da diai kélee kɛ̀ gɔlɛ ǹyɛɛi, “Ka ŋɔ̃ya-ɣala-ŋai píli ká kákpîŋ maa wáa, ká káseɣe-ŋai maa fáleŋ.

Ɣâla è mò Zeeka ma ǹyɛɛi, “Ímu siɣe í lí Bɛtɛ í sée naa í Ɣâla-teƃele tɔɔ naa Ŋ̀âlai mî nyii kùla íŋɛi tãi í pù la í kúla ílîa Isɔɔ yêei.”

Tãi Leesɛ è kɛ̀ saa yee tɛ̂i lai, è ǹóŋ-kwatarai láa sèe a Bɛŋoni é lɛ́ɛ saâi. Kɛ́lɛ gwâtarai ǹâŋ è ǹáa sèe a Bɛŋsima.