Y Salmau LLYTHYR YR Arch-diacon PRYS
LLYTHYR YR Arch-diacon PRYS
At y Darllenydd ystyriol
Tri pheth a wnaeth, na chyfieithwyd y Salmau bendigaid ar yr un o'r Pedwar Mesur ar hugain.
Un yw, Am na allwn ryfygu clymmu'r Ysgrythyr Sanctaidd ar Fesur cyn gaethed; rhag i mi, wrth geisio cadw'r Mesurau, golli Deall yr Yspryd, ac felly pechu'n erbyn Duw, er mwyn boddloni Dyn.
Yn ail, Y mae Gair Duw i'w ganu mewn Cynnulleidfa sanctaidd o lawer ynghyd; i foliannu Duw yn un Llais, un Feddwl, un Galon; yr hyn a allant ei wneuthur ar y Mesur gwael hwn, ac ni allai ond un ganu Cywydd neu Awdl.
Yn drydydd, Pob Plant, Gweinidogion, a Phobl annysgedig, a ddysgant Bennill o Garol, lle allai ond Ysgolhâig ddysgu Cywydd, neu Gerdd gyfarwydd arall. Ac o achos bod yn berthynol i bob Cristion wybod Ewyllys Duw, a'i foliannu ef; mi a ymadawais â'r Gelfyddyd, er mwyn bod pawb yn rhwymedig i wario ei Dalent at y gorau. Hefyd, nid wyf fi'n cadw mo'r Mesur esmwyth hwn yn gywir ym mhob man, am nad oes dim yn ein Hiaith ni mewn Synwyr i seinio nac i odli â DUW. Am hynny, i roi iddo ef ei ragor a pïoedd y Gerdd, mi a rois amryw Ddipthongau eraill i gyfatteb â'r Gair hwnnw, yn nesaf ag y medrwn.
Поточний вибір:
Y Salmau LLYTHYR YR Arch-diacon PRYS: SC
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Cymdeithas y Beibl 2017
© British and Foreign Bible Society 2017