TADPADBO 15
15
Mose Lui
1 #
Mad 15.3. Siga Mose nai Israel mainiu Rapiu khuga haibo lui thiu sude:
“Iniu Rapiu khuga chalui thiu-e, palamra paniu paken dibo charise ngam khaide;
paniu chaqondung nai paliutu tuangmaitu duipui lungga thonkhai mide.
2 #
T.Lui 118.14; Isa 12.2. Rapiu hai agu katanbo gukhaipiu-e;
paniu atu gukhai bide.
Pa haise a-Rawang-e, Iniu patu thuonne,
apiu Rawang kendise Iniu thuonne.
3 Rapiu hai riphenmai khatle; Rapiu chiubo hai pazan-e.
4“Paniu Egypt mai riphentu khatdi pagu chaqon-karitu duipuiga thonkhai mide;
pagu withubo chakampaodungse Hengbo Duipuiga kahakshat mide.
5Paliutu kasukbo duipui siniu gomnam mide;
tatukang kumjiu paliu pasinglam malimkiu mide.
6“Rapiu yo, naben majat lamse kapingbo pumtan siniu phui-e,
haisiniu mikremaitu kamtap-tap mide.
7Katanbo pumtan siniu nagu mikremaitu ngam lude;
nagu lungpom siniu paliutu magaorengtu kumjiu ruthon mide.
8Nangniu duipuitu mudkhaiboga duiliuse kujiu kadun khang mide;
haise singbeng kumjiu kukhang mide;
sukthubo duipui bam sidi pakang mawi mide.
9Mikremai siniu din-e, ‘Iniu paliutu hatadjiu minlu rabo-e;
Iniu paliugu senlanse sutlujiu njanlu rabo-e, sichiujiu Iniu lunibo hina daolu rabo-e;
Iniu aheng jusujiu paliugu kabam hina sutlu rabo-e.’
10Chiudi Rapiu yo, nasiu siniu Egypt maitu pijiu tadui kahak khai mide;
siga paliuse duipuiga chagikang kumjiu malimkiu mide.
11“Rapiu yo, chara ruangga nakumbo sao bamlo?
Nakumjiu masanboga maisuang habo sao bamlo?
Nagu kadibo tienkam khatdi maisuang habose saoniu kam ngam ralo?
12Nangniu naben majatlam khengkhangbo ga
kadih siniu aliu mikremaitu kajong lude.
13Nagu ladriatse nangniu chamchang khaijiu nangniu ranlumai situ jupad khai bide;
Nagu pumtan siniu paliutu masanbo kadih gase maluang khai bide.
14Jatdung siniu haise chiulujiu pingjiu kaphikdi-di bamme;
Philistia maidungse pingboniu phui mide.
15Edom maigu jupaodungse charen mide;
Moab gu katan-kahu maidungse kaphikrai-rai mide;
Canaan maidungse paliu hot hamide.
16Pingbo nai manangbo siniu phui mide.
Hey Rapiu yo, paliuniu nagu pumtanse ngaoboga pingboniu paliu-jeng hamide;
kavangthiu bambo namaidungtu khenrang thiukhaijiu
pi tadpad khaibo situ paliu suang hajiu phui bamme.
17Nangniu paliutu puiwang nagu maluong gase lingkhai-e,
Rapiu yo, naky leng kadakhaibo Raky,
napumsiakniu thiu khaibo gase puiwang khai bide.
18 Rapiu, nang hai tingtheng tingthengjiu chawang thiu bamrabo-e”.
Miriam Lui
19Israel mainiu duipui gase kasangbo kadihga tadpadle. Chiudi Egypt mai paliugu chaqon-kari nai chaqon tongmai siniu duipui lungga hangutboga, Rapiu niu taduise kumalan wangjiu paliutu naimide.
20Aaron tanpui, phaimiukakungpui, Miriam siniu pagu tarabung thinlujiu khatdi maipuidung siniu pasai suilujiu chalen len sude. 21Siga Miriam siniu paliuleng haichiu chalui thiu sude:
“Rapiu khuga chalui thiulo, palamra paniu chari kadibose ngam khaide;
paniu chaqondung nai sibo riga tongmai situ duipuiga thonkhai mide”.
Kakhabo Dui
22Sichiujiu Mose niu Israel maitu Hengbo Duipui gasu Shur ramjing lam jupad khaide. Ramjing gase paliu jeng sum tadkhang sude, chiudi tadui daomakge. 23Sibo sai paliuniu Marah kubo bamga wangde, chiudi siga taduise khajubo jengniu sise paliu sak daolak mide. Sijengniu sibo bam situ Marah#15.23: Marah: Haise Hebrew ladga “Kakhabo” chiubo-e. chiujiu kukhaide. 24Maidung siniu suini makjiu Mose khuga haichiu maniu sude, “Aliuniu degu sakralo?” 25Mose niu Rapiu khuga palai padjiu kakheng thiu sude, siga Rapiu niu tasing lip khat patu pi ngao khaide, sise paniu tadui lungga taliang khaiboga taduise saksui mide.
Paliuniu thin lungra Rapiu niu tacheng-tajaidung pikhaide, sichiujiu siga paniu paliutu madiu khai-e. 26Paniu din-e, “Naliuniu agu chamtan hai majaijiu alad piusai, Iniu Egypt mai riga pikhaibo raret siniu naliutu sajai pikhai lakge, I hai naliutu wikhai bibo Rapiu si-e”.
27Sibosai, paliu tadui-ruak kariu-je-niakiu khatdi kadanbang riak-chinnia bambo Elim ga paliu wangjiu tadui mungga rijiky thiukhaide.
Поточний вибір:
TADPADBO 15: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 15
15
Mose Lui
1 #
Mad 15.3. Siga Mose nai Israel mainiu Rapiu khuga haibo lui thiu sude:
“Iniu Rapiu khuga chalui thiu-e, palamra paniu paken dibo charise ngam khaide;
paniu chaqondung nai paliutu tuangmaitu duipui lungga thonkhai mide.
2 #
T.Lui 118.14; Isa 12.2. Rapiu hai agu katanbo gukhaipiu-e;
paniu atu gukhai bide.
Pa haise a-Rawang-e, Iniu patu thuonne,
apiu Rawang kendise Iniu thuonne.
3 Rapiu hai riphenmai khatle; Rapiu chiubo hai pazan-e.
4“Paniu Egypt mai riphentu khatdi pagu chaqon-karitu duipuiga thonkhai mide;
pagu withubo chakampaodungse Hengbo Duipuiga kahakshat mide.
5Paliutu kasukbo duipui siniu gomnam mide;
tatukang kumjiu paliu pasinglam malimkiu mide.
6“Rapiu yo, naben majat lamse kapingbo pumtan siniu phui-e,
haisiniu mikremaitu kamtap-tap mide.
7Katanbo pumtan siniu nagu mikremaitu ngam lude;
nagu lungpom siniu paliutu magaorengtu kumjiu ruthon mide.
8Nangniu duipuitu mudkhaiboga duiliuse kujiu kadun khang mide;
haise singbeng kumjiu kukhang mide;
sukthubo duipui bam sidi pakang mawi mide.
9Mikremai siniu din-e, ‘Iniu paliutu hatadjiu minlu rabo-e;
Iniu paliugu senlanse sutlujiu njanlu rabo-e, sichiujiu Iniu lunibo hina daolu rabo-e;
Iniu aheng jusujiu paliugu kabam hina sutlu rabo-e.’
10Chiudi Rapiu yo, nasiu siniu Egypt maitu pijiu tadui kahak khai mide;
siga paliuse duipuiga chagikang kumjiu malimkiu mide.
11“Rapiu yo, chara ruangga nakumbo sao bamlo?
Nakumjiu masanboga maisuang habo sao bamlo?
Nagu kadibo tienkam khatdi maisuang habose saoniu kam ngam ralo?
12Nangniu naben majatlam khengkhangbo ga
kadih siniu aliu mikremaitu kajong lude.
13Nagu ladriatse nangniu chamchang khaijiu nangniu ranlumai situ jupad khai bide;
Nagu pumtan siniu paliutu masanbo kadih gase maluang khai bide.
14Jatdung siniu haise chiulujiu pingjiu kaphikdi-di bamme;
Philistia maidungse pingboniu phui mide.
15Edom maigu jupaodungse charen mide;
Moab gu katan-kahu maidungse kaphikrai-rai mide;
Canaan maidungse paliu hot hamide.
16Pingbo nai manangbo siniu phui mide.
Hey Rapiu yo, paliuniu nagu pumtanse ngaoboga pingboniu paliu-jeng hamide;
kavangthiu bambo namaidungtu khenrang thiukhaijiu
pi tadpad khaibo situ paliu suang hajiu phui bamme.
17Nangniu paliutu puiwang nagu maluong gase lingkhai-e,
Rapiu yo, naky leng kadakhaibo Raky,
napumsiakniu thiu khaibo gase puiwang khai bide.
18 Rapiu, nang hai tingtheng tingthengjiu chawang thiu bamrabo-e”.
Miriam Lui
19Israel mainiu duipui gase kasangbo kadihga tadpadle. Chiudi Egypt mai paliugu chaqon-kari nai chaqon tongmai siniu duipui lungga hangutboga, Rapiu niu taduise kumalan wangjiu paliutu naimide.
20Aaron tanpui, phaimiukakungpui, Miriam siniu pagu tarabung thinlujiu khatdi maipuidung siniu pasai suilujiu chalen len sude. 21Siga Miriam siniu paliuleng haichiu chalui thiu sude:
“Rapiu khuga chalui thiulo, palamra paniu chari kadibose ngam khaide;
paniu chaqondung nai sibo riga tongmai situ duipuiga thonkhai mide”.
Kakhabo Dui
22Sichiujiu Mose niu Israel maitu Hengbo Duipui gasu Shur ramjing lam jupad khaide. Ramjing gase paliu jeng sum tadkhang sude, chiudi tadui daomakge. 23Sibo sai paliuniu Marah kubo bamga wangde, chiudi siga taduise khajubo jengniu sise paliu sak daolak mide. Sijengniu sibo bam situ Marah#15.23: Marah: Haise Hebrew ladga “Kakhabo” chiubo-e. chiujiu kukhaide. 24Maidung siniu suini makjiu Mose khuga haichiu maniu sude, “Aliuniu degu sakralo?” 25Mose niu Rapiu khuga palai padjiu kakheng thiu sude, siga Rapiu niu tasing lip khat patu pi ngao khaide, sise paniu tadui lungga taliang khaiboga taduise saksui mide.
Paliuniu thin lungra Rapiu niu tacheng-tajaidung pikhaide, sichiujiu siga paniu paliutu madiu khai-e. 26Paniu din-e, “Naliuniu agu chamtan hai majaijiu alad piusai, Iniu Egypt mai riga pikhaibo raret siniu naliutu sajai pikhai lakge, I hai naliutu wikhai bibo Rapiu si-e”.
27Sibosai, paliu tadui-ruak kariu-je-niakiu khatdi kadanbang riak-chinnia bambo Elim ga paliu wangjiu tadui mungga rijiky thiukhaide.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.