TADPADBO 16
16
Manna Nai Akhoidung
1Israel mai hinase Elim gasu kensujiu, paliuniu Egypt dih phutbo chahiu niabogu jeng kariu-je-mangiubo naise Elim nai Sinai kakga bambo Sin ramjingga wangtangde. 2Sibo ramjingga paliu mathiuse Mose nai Aaron khuga suini makbo lad dinsude. 3Paliuniu haichiu din-e, “Rapiu niu aliutu Egypt dihga kamshat misai wirabo-e, Aliuniu siga bamsai, aliuniu tiu kani hina, chami-chakhadi ntao lujiu tiubam rabo-e. Chiudi nanainiu aliutu haibo ramjingga pijiu katiu makim shatra puipadbo-e”.
4 #
Jn 6.31. Rapiu niu Mose khuga din-e, “Tuhoira Iniu naliu mathiu leng katiuse tingpuk lamsu runkiu khai bine. Maidung siniu naimachang tadlujiu naikhat leng tiu kabuibo khoi rabo-e. Sichiujiu paliuniu aladse dejiukha piubamlo chiubo Iniu paliutu madiu lubui-e. 5Pacharukbo naise paliuniu dam nia thiujiu khoi kadenbo sui-e”.
6Sijengniu Mose nai Aaron niu Israel mai mathiu khuga din-e, “Thainai chawan wangsai Rapiu niu naliutu Egypt dih gasu maluang padbo-e chiubo naliu sisu rabo-e. 7Nsuan padsai, Rapiu gu kabenbo nbiuse naliu ngao sune. Naliuniu patu suini makjiu atung bambose paniu silude, yo, anaira paniu kadinbo ronna kamjiu bambo-e”. 8Mose niu dinlan-e, “Nsuan susai naliuniu tiu kanithen tiura taruak, chawan wangsai chami tiura naliuleng Rapiu niu pikhai sune, palamra naliuniu dejiukha patu suini makbo lad din bamlo chiubo pah silude. Naliuniu anaitu suini makbo hai pachangjiu Rapiu tu suini makbo-e”.
9Mose niu Aaron khuga din-e, “Maidung situ Rapiu masuangga wang chapra dinkhai bilo, palamra paliuniu suini makbose paniu chiulude”. 10Aaron niu maidung khuga dinkhai gapboga, paliuniu ramjing lam mariwang phuiboga Rapiu gu kabenbo nbiuse kamuangjiu gase ngaomide. 11Rapiu niu Mose khuga din-e, 12“Israel mainiu suini makbo khuanse Iniu chiulude. Tamiu-ham wangsai paliuniu tiura chami, khatdi nsuan padsai paliuniu tiu kanithen tiura taruakse paliuniu daorabo-e chiujiu paliu khuga dinkhai bilo. Sigasu I hai, Rapiu, paliu Rawang-e chiubo paliuniu sisune”.
13Chawanse paliu rijining kaphui akhoidung lenwang sude, khatdi nsuanse kajikdui phuijiu kiu sude. 14Kajikduise luangpad suboga, kadihma gase wakhatra ka-apiubo khuang padsude. Haise kajikdui khuang kumjiu manon-e. 15#1 Co 10.3.Israel mai haise ngaoboga degulo chiubo simakjiu khat-khat khuga maniu sude, “Haise degulo?”
Mose niu paliu khuga din-e, “Haise Rapiu niu naliuleng pikhaibo katiu si-e. 16Mai khatniu tiubui buibo ronna khoira Rapiu niu naliutu chamtan pibo-e, kikhun khat leng madadkad nia ronna khoi rabo-e”.
17Israel mainiu haise kam sude, khangsia mainiu khoi makeng-e, khangsianiu khoi matamme. 18#2 Co 8.15.Sichiujiu paliuniu sise madadboga, khoi makengmai nai khoi matammai guse wason makge, macham kamna-e. Paniu khoi lubose paleng buigapbo-e. 19Mose niu paliu khuga din-e, “Mai khatniudi nsuannai leng masiak khai mane.” 20Chiudi khangsia mainiu Mose kadin suimakjiu kasia masiak khai-e. Pasaibo nai nsuan sise tenjiu pakhaopui padmi-e, siga Mose niu paliutu palung pomme. 21Nsuan machang mai hinaniu paniu paniu kabuibo ronna khoi madui-e, n-nien tingphu khangboga kamasiakbo hinase kadihga tunmi-mi-e.
22Pacharukbo naise paliuniu maluad nialeng thiujiu, khang khat leng kad madai khoi-e. Israel maigu jupaodung siniu wanglujiu haibo lamga Mose khuga paokhai sude, 23#Tad 20.8-11.siga paniu paliu khuga din-e, “Nsuannai hai masanbo mathakbo nai-e, siniu pakhuga kadkhailo chiujiu Rapiu niu chamtan pikhai-e. Naliuniu khuaknibo khatdi suangnibo hinase thainai kamlulo. Kamalibo hinase nsuannai leng khaidiak milo.” 24Mose niu chamtan pibo kumjiu kamalibose paliuniu pasaibonai leng masiak khai-e, chiudi sise samakge maksai tenmi makge. 25Mose niu din-e, “Haise thainai tiulo, palamra thainai hai Tabamnai-e, Rapiu leng kadkhaibo mathakbo tingmik si-e, sichiujiu naliuniu lenlam katiu wakhatdi daolakge. 26Naliuniu jeng charuk leng katiu phiu rabo-e, chiudi pachinniabo tingmik mathakbo naise wakhatdi daolakge,”
27Pachinniabo naise khangsia mainiu tadlujiu katiu phiu tadle, chiudi paliuniu wakhatdi daolu makge. 28Siga Rapiu niu Mose khuga din-e, “Dethengkha naliuniu agu chamtan hai suini makjiu bamralo? 29Rapiu, Iniu mathakbo tingmik hai naliuleng pikhaibo-e, sichiujiu charukbo nai hai Iniu jeng nia tiubui leng pikhai rabo-e chiubo hai maningtaolo. Chinniabo naira mai hina paky-kytu phutmakjiu bamrabo-e.” 30Sijengniu chinniabo nai hai maidungniu wakhat ngamdi kam makge.
31 #
Par 11.7,8. Israel mainiu katiu situ manna#16.31: Manna: Hebrew ladga “Haise degulo” chiubo-e, (ladkeng 15 ga phuilo). chiujiu ku-e. Haise wasipoina kakabo kumme, makhuiduiniu khuakbo taruak kum tiuwi-e. 32Mose niu din-e, “Egypt dih gasu paniu aliutu puipadbo tingga paniu aliuleng pikhaibo katiu, manna kasia, aliu tah-nah mainiu ngaotang luraleng baikhailo chiujiu Rapiu niu chamtan pikhai-e.” 33#Heb 9.4.Mose niu Aaron khuga din-e, “Wabung khat thinlujiu, manna dad-nia khailujiu Rapiu bambo bam gase, aliu tah-nah maidung leng baikhai milo.” 34Rapiu niu Mose khuga chamtan pikhaibo kumjiu Aaron niu sise khoilujiu Ladrian Bung suanggase baikhai mide. 35#Jos 5.12.Israel mainiu Canaan kadih wangtangjiu lungmak then takum atai manna hai tiukhang-e. 36(Sibo tingga wa kasangbo tu madadbose wadad makai kumboniu tadkinniu-e).
Поточний вибір:
TADPADBO 16: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 16
16
Manna Nai Akhoidung
1Israel mai hinase Elim gasu kensujiu, paliuniu Egypt dih phutbo chahiu niabogu jeng kariu-je-mangiubo naise Elim nai Sinai kakga bambo Sin ramjingga wangtangde. 2Sibo ramjingga paliu mathiuse Mose nai Aaron khuga suini makbo lad dinsude. 3Paliuniu haichiu din-e, “Rapiu niu aliutu Egypt dihga kamshat misai wirabo-e, Aliuniu siga bamsai, aliuniu tiu kani hina, chami-chakhadi ntao lujiu tiubam rabo-e. Chiudi nanainiu aliutu haibo ramjingga pijiu katiu makim shatra puipadbo-e”.
4 #
Jn 6.31. Rapiu niu Mose khuga din-e, “Tuhoira Iniu naliu mathiu leng katiuse tingpuk lamsu runkiu khai bine. Maidung siniu naimachang tadlujiu naikhat leng tiu kabuibo khoi rabo-e. Sichiujiu paliuniu aladse dejiukha piubamlo chiubo Iniu paliutu madiu lubui-e. 5Pacharukbo naise paliuniu dam nia thiujiu khoi kadenbo sui-e”.
6Sijengniu Mose nai Aaron niu Israel mai mathiu khuga din-e, “Thainai chawan wangsai Rapiu niu naliutu Egypt dih gasu maluang padbo-e chiubo naliu sisu rabo-e. 7Nsuan padsai, Rapiu gu kabenbo nbiuse naliu ngao sune. Naliuniu patu suini makjiu atung bambose paniu silude, yo, anaira paniu kadinbo ronna kamjiu bambo-e”. 8Mose niu dinlan-e, “Nsuan susai naliuniu tiu kanithen tiura taruak, chawan wangsai chami tiura naliuleng Rapiu niu pikhai sune, palamra naliuniu dejiukha patu suini makbo lad din bamlo chiubo pah silude. Naliuniu anaitu suini makbo hai pachangjiu Rapiu tu suini makbo-e”.
9Mose niu Aaron khuga din-e, “Maidung situ Rapiu masuangga wang chapra dinkhai bilo, palamra paliuniu suini makbose paniu chiulude”. 10Aaron niu maidung khuga dinkhai gapboga, paliuniu ramjing lam mariwang phuiboga Rapiu gu kabenbo nbiuse kamuangjiu gase ngaomide. 11Rapiu niu Mose khuga din-e, 12“Israel mainiu suini makbo khuanse Iniu chiulude. Tamiu-ham wangsai paliuniu tiura chami, khatdi nsuan padsai paliuniu tiu kanithen tiura taruakse paliuniu daorabo-e chiujiu paliu khuga dinkhai bilo. Sigasu I hai, Rapiu, paliu Rawang-e chiubo paliuniu sisune”.
13Chawanse paliu rijining kaphui akhoidung lenwang sude, khatdi nsuanse kajikdui phuijiu kiu sude. 14Kajikduise luangpad suboga, kadihma gase wakhatra ka-apiubo khuang padsude. Haise kajikdui khuang kumjiu manon-e. 15#1 Co 10.3.Israel mai haise ngaoboga degulo chiubo simakjiu khat-khat khuga maniu sude, “Haise degulo?”
Mose niu paliu khuga din-e, “Haise Rapiu niu naliuleng pikhaibo katiu si-e. 16Mai khatniu tiubui buibo ronna khoira Rapiu niu naliutu chamtan pibo-e, kikhun khat leng madadkad nia ronna khoi rabo-e”.
17Israel mainiu haise kam sude, khangsia mainiu khoi makeng-e, khangsianiu khoi matamme. 18#2 Co 8.15.Sichiujiu paliuniu sise madadboga, khoi makengmai nai khoi matammai guse wason makge, macham kamna-e. Paniu khoi lubose paleng buigapbo-e. 19Mose niu paliu khuga din-e, “Mai khatniudi nsuannai leng masiak khai mane.” 20Chiudi khangsia mainiu Mose kadin suimakjiu kasia masiak khai-e. Pasaibo nai nsuan sise tenjiu pakhaopui padmi-e, siga Mose niu paliutu palung pomme. 21Nsuan machang mai hinaniu paniu paniu kabuibo ronna khoi madui-e, n-nien tingphu khangboga kamasiakbo hinase kadihga tunmi-mi-e.
22Pacharukbo naise paliuniu maluad nialeng thiujiu, khang khat leng kad madai khoi-e. Israel maigu jupaodung siniu wanglujiu haibo lamga Mose khuga paokhai sude, 23#Tad 20.8-11.siga paniu paliu khuga din-e, “Nsuannai hai masanbo mathakbo nai-e, siniu pakhuga kadkhailo chiujiu Rapiu niu chamtan pikhai-e. Naliuniu khuaknibo khatdi suangnibo hinase thainai kamlulo. Kamalibo hinase nsuannai leng khaidiak milo.” 24Mose niu chamtan pibo kumjiu kamalibose paliuniu pasaibonai leng masiak khai-e, chiudi sise samakge maksai tenmi makge. 25Mose niu din-e, “Haise thainai tiulo, palamra thainai hai Tabamnai-e, Rapiu leng kadkhaibo mathakbo tingmik si-e, sichiujiu naliuniu lenlam katiu wakhatdi daolakge. 26Naliuniu jeng charuk leng katiu phiu rabo-e, chiudi pachinniabo tingmik mathakbo naise wakhatdi daolakge,”
27Pachinniabo naise khangsia mainiu tadlujiu katiu phiu tadle, chiudi paliuniu wakhatdi daolu makge. 28Siga Rapiu niu Mose khuga din-e, “Dethengkha naliuniu agu chamtan hai suini makjiu bamralo? 29Rapiu, Iniu mathakbo tingmik hai naliuleng pikhaibo-e, sichiujiu charukbo nai hai Iniu jeng nia tiubui leng pikhai rabo-e chiubo hai maningtaolo. Chinniabo naira mai hina paky-kytu phutmakjiu bamrabo-e.” 30Sijengniu chinniabo nai hai maidungniu wakhat ngamdi kam makge.
31 #
Par 11.7,8. Israel mainiu katiu situ manna#16.31: Manna: Hebrew ladga “Haise degulo” chiubo-e, (ladkeng 15 ga phuilo). chiujiu ku-e. Haise wasipoina kakabo kumme, makhuiduiniu khuakbo taruak kum tiuwi-e. 32Mose niu din-e, “Egypt dih gasu paniu aliutu puipadbo tingga paniu aliuleng pikhaibo katiu, manna kasia, aliu tah-nah mainiu ngaotang luraleng baikhailo chiujiu Rapiu niu chamtan pikhai-e.” 33#Heb 9.4.Mose niu Aaron khuga din-e, “Wabung khat thinlujiu, manna dad-nia khailujiu Rapiu bambo bam gase, aliu tah-nah maidung leng baikhai milo.” 34Rapiu niu Mose khuga chamtan pikhaibo kumjiu Aaron niu sise khoilujiu Ladrian Bung suanggase baikhai mide. 35#Jos 5.12.Israel mainiu Canaan kadih wangtangjiu lungmak then takum atai manna hai tiukhang-e. 36(Sibo tingga wa kasangbo tu madadbose wadad makai kumboniu tadkinniu-e).
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.