TADPADBO 7
7
1 Rapiu niu din-e, “Chawang khugase, Iniu natu Chara kum pithiu khaine, khatdi nasingna Aaron situ nagu phaimiukakung pithiu khaijiu, paniu chawang khuga chalad dinrabo-e. 2Iniu nakhuga chamtan pikhaibo hinase Aaron khuga dinkhai bilo, sichiujiu paniu chawang khuga Israel maitu pijiu pagu kadih gasu phutkhaira dinrabo-e. 3#Tk 7.36.Chiudi Iniu chawang situ pijiu palung tankhaine, sichiujiu Iniu Egypt dihga wajiukha kapingbo kamkhai bamdi, paniu nanai kadin suilakge. 4Sichiujiu Egypt maidung riga wajiukha kapingbo sajai phungwang khai lubo sainiu, amaidungtu pijiu paliu kadih gasu jupad khai bine. 5Iniu aben khengsujiu paliutu atungjiu Israel maidungtu paliu kadih gasu puitad khai dasai, Egypt maidungniu I hai Rapiu si-e chiubo sisune.” 6Rapiu niu chamtan pikhaibo kum Mose nai Aaron niu kam sude. 7Panainiu chawangtu npao subo tingga hai Mose niu takum riaktachat, khatdi Aaron niu riaktachat-je-sumkiu mide.
Aaron Thun
8 Rapiu niu Mose nai Aaron khuga din-e, 9“Maisuang habo ngam kamjiu nanai hai maji-e chiubo kamlenno chiujiu, chawangniu dinsai, Aaron niu mathun kinbo thunse chawang suangga taliang khailo, sichiusai sise kaniu mawi mine.” 10Sijengniu Mose nai Aaron niu chawang khuga tadlujiu, Rapiu niu chamtan pikhaibo kumjiu kamsude. Aaron niu chawang nai pagu chakampaodung suangga pathunse taliang khaiboga, sise kaniu mawi mide. 11Siga chawangniu pagu ningtingmai nai chamik thao kadad maitu kulujiu, paliugu chamik thao kadad khaibo siam siniu machamjiu kamsude. 12Paliuniu paliugu singtangse taliang khaiboga, sise kaniu mawi mide. Chiudi Aaron thun siniu paliu singtang situ kajong lude. 13Rapiu niu Mose nai Aaron khuga chawang siniu panai ladtu lukhai lakge chiu dinmibo kum, chawangse palung tan palun bamme.
Egypt Dihga Wangbo Sansiat
Tazai
14Sigasu Rapiu niu Mose khuga din-e, “Chawang hai palung tanchang tan-e, sichiujiu amaidungtu tadpad khaira suikhai makge. 15Siniu nsuan paniu Nile giukiga tadbo lon tadlujiu patu adaolo. Kaniu mawi khaibo thunse thinlujiu chagiu chaphu gase patu khuanbam niulo. 16Siga chawang khuga dinlo, ‘Rapiu, Hebrew mai Rawang siniu pamaidungtu ramjing gase pitad lujiu, paliuniu Rapiu, patu kahumra suikhailo chiujiu nakhuga dinra atu langwangbo-e, chiudi tuhoi tangbo nangniu alad hai lukhai makge. 17#Mad 16.4.Tuhoira, paniu kambo ngamkam gasu, Rapiu hai saolo chiubo nangniu sisune. Phuilo, Iniu singgiu gahai tathun hainiu kakhiu khaine, sichiusai taduise tazai mawimi rabo-e. 18Chakhase shaijiu, taduise ten manam mine, sichiujiu Egypt maidungniu haise sakdao lulak mine.’”
19 Rapiu niu Mose khuga din-e, “Pathunse thinlujiu Egypt dihga bambo singgiu hina, ajai hina khatdi akhun hina riga khengkhang khai bira Aaron khuga dinbilo. Siga taduise tazai mawi mine, kadih pakhiangnase tazai mawijiu, tasing-bung, tatu-bungga bambo hinadi tazai mawikam mine.
20Siga Mose nai Aaron niu Rapiu gu chamtan saisuijiu kamsude, Chawang nai pagu chakampaodung masuangga, Aaron niu pathunse thinlujiu singgiu gase kakhiu khaide, siga tadui hinase tazai mawikam mide. 21Tadui jiuga bambo chakhase shai sude, siga katenbo raisiniu Egypt maidungse tadui sak lulak mide. Egypt dih pakhiangna tazainiu phuimide. 22Siga chawanggu chamik thao kadad maidung siniudi paliugu chamik thao kadad khaibo siam siniu, sise kumjiu kamluboga, chawangse palung tanbose palunjut-jutle. Haise Rapiu niu Mose nai Aaron khuga dinkhai mibo kumjiu, chawangniu panai ladtu lukhai makbo-e. 23Sichiujiu haisitu wajeng chakkhai makjiu pawangkining lam wang mide. 24Egypt maidung siniu singgiu gasu tadui sak lulak mibo jengniu, chagiu taphu gase akhun chu-karen sude.
25Singgiuse Rapiu niu kakhiu khaibo sai jeng chinnia chang mide.
Поточний вибір:
TADPADBO 7: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 7
7
1 Rapiu niu din-e, “Chawang khugase, Iniu natu Chara kum pithiu khaine, khatdi nasingna Aaron situ nagu phaimiukakung pithiu khaijiu, paniu chawang khuga chalad dinrabo-e. 2Iniu nakhuga chamtan pikhaibo hinase Aaron khuga dinkhai bilo, sichiujiu paniu chawang khuga Israel maitu pijiu pagu kadih gasu phutkhaira dinrabo-e. 3#Tk 7.36.Chiudi Iniu chawang situ pijiu palung tankhaine, sichiujiu Iniu Egypt dihga wajiukha kapingbo kamkhai bamdi, paniu nanai kadin suilakge. 4Sichiujiu Egypt maidung riga wajiukha kapingbo sajai phungwang khai lubo sainiu, amaidungtu pijiu paliu kadih gasu jupad khai bine. 5Iniu aben khengsujiu paliutu atungjiu Israel maidungtu paliu kadih gasu puitad khai dasai, Egypt maidungniu I hai Rapiu si-e chiubo sisune.” 6Rapiu niu chamtan pikhaibo kum Mose nai Aaron niu kam sude. 7Panainiu chawangtu npao subo tingga hai Mose niu takum riaktachat, khatdi Aaron niu riaktachat-je-sumkiu mide.
Aaron Thun
8 Rapiu niu Mose nai Aaron khuga din-e, 9“Maisuang habo ngam kamjiu nanai hai maji-e chiubo kamlenno chiujiu, chawangniu dinsai, Aaron niu mathun kinbo thunse chawang suangga taliang khailo, sichiusai sise kaniu mawi mine.” 10Sijengniu Mose nai Aaron niu chawang khuga tadlujiu, Rapiu niu chamtan pikhaibo kumjiu kamsude. Aaron niu chawang nai pagu chakampaodung suangga pathunse taliang khaiboga, sise kaniu mawi mide. 11Siga chawangniu pagu ningtingmai nai chamik thao kadad maitu kulujiu, paliugu chamik thao kadad khaibo siam siniu machamjiu kamsude. 12Paliuniu paliugu singtangse taliang khaiboga, sise kaniu mawi mide. Chiudi Aaron thun siniu paliu singtang situ kajong lude. 13Rapiu niu Mose nai Aaron khuga chawang siniu panai ladtu lukhai lakge chiu dinmibo kum, chawangse palung tan palun bamme.
Egypt Dihga Wangbo Sansiat
Tazai
14Sigasu Rapiu niu Mose khuga din-e, “Chawang hai palung tanchang tan-e, sichiujiu amaidungtu tadpad khaira suikhai makge. 15Siniu nsuan paniu Nile giukiga tadbo lon tadlujiu patu adaolo. Kaniu mawi khaibo thunse thinlujiu chagiu chaphu gase patu khuanbam niulo. 16Siga chawang khuga dinlo, ‘Rapiu, Hebrew mai Rawang siniu pamaidungtu ramjing gase pitad lujiu, paliuniu Rapiu, patu kahumra suikhailo chiujiu nakhuga dinra atu langwangbo-e, chiudi tuhoi tangbo nangniu alad hai lukhai makge. 17#Mad 16.4.Tuhoira, paniu kambo ngamkam gasu, Rapiu hai saolo chiubo nangniu sisune. Phuilo, Iniu singgiu gahai tathun hainiu kakhiu khaine, sichiusai taduise tazai mawimi rabo-e. 18Chakhase shaijiu, taduise ten manam mine, sichiujiu Egypt maidungniu haise sakdao lulak mine.’”
19 Rapiu niu Mose khuga din-e, “Pathunse thinlujiu Egypt dihga bambo singgiu hina, ajai hina khatdi akhun hina riga khengkhang khai bira Aaron khuga dinbilo. Siga taduise tazai mawi mine, kadih pakhiangnase tazai mawijiu, tasing-bung, tatu-bungga bambo hinadi tazai mawikam mine.
20Siga Mose nai Aaron niu Rapiu gu chamtan saisuijiu kamsude, Chawang nai pagu chakampaodung masuangga, Aaron niu pathunse thinlujiu singgiu gase kakhiu khaide, siga tadui hinase tazai mawikam mide. 21Tadui jiuga bambo chakhase shai sude, siga katenbo raisiniu Egypt maidungse tadui sak lulak mide. Egypt dih pakhiangna tazainiu phuimide. 22Siga chawanggu chamik thao kadad maidung siniudi paliugu chamik thao kadad khaibo siam siniu, sise kumjiu kamluboga, chawangse palung tanbose palunjut-jutle. Haise Rapiu niu Mose nai Aaron khuga dinkhai mibo kumjiu, chawangniu panai ladtu lukhai makbo-e. 23Sichiujiu haisitu wajeng chakkhai makjiu pawangkining lam wang mide. 24Egypt maidung siniu singgiu gasu tadui sak lulak mibo jengniu, chagiu taphu gase akhun chu-karen sude.
25Singgiuse Rapiu niu kakhiu khaibo sai jeng chinnia chang mide.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.