TADPADBO 8
8
Chagaodung
1Sibosai Rapiu niu Mose khuga din-e, “Chawang khuga tadlujiu Rapiu niu haichiu din-e chiujiu pakhuga dinbilo, ‘Atu kahumra, amaidungtu pijiu tadpad khailo. 2Nangniu suimaksai, Iniu nagu kadih pakhiangna chagaodungniu piphui khai bine. 3Sichiujiu Nile giuky hai chagaoniu phuimi rabo-e, siga paliuniu nawangkyga, naziga, nagu chakampaodung nai namaidung kyga khatdi nagu n-mang nai taruak khuakbo khangli katang phuimi rabo-e. 4Paliuniu nariga, namaidung riga khatdi nagu chakampaodung hina riga machak khangsu rabo-e.’”
5 Rapiu niu Mose khuga din-e, “Pathunse singgiu riga, ajai riga khatdi akhun hina riga khengkhang khaijiu Egypt dih pakhiangna pijiu chagaoniu phuimira Aaron khuga dinkhai bilo.” 6Sichiu Aaron niu pathunse tadui hina riga khengkhang khaiboga, chagao siniu kadih pakhiangna phui mide. 7Chiudi chamik thao kadadmai siniudi paliu siam kumjiu, chagaose kampad khaide.
8Siga chawang siniu Mose nai Aaron tu kulujiu din-e, “Rapiu khuga kakheng kamkhaijiu haibo gaodung haitu pitadmi khailo, sichiusai, Iniu namaidungtu pi tadpad lujiu Rapiu khuga charathiu khai bine.”
9Mose niu paokakge, “Naleng kakheng thiu khaira I achun wi-e. Sichiujiu Iniu naleng, nagu chakampaodung leng khatdi namaidung leng kakheng thiurabo wanse aleng pilo. Sichiusai chagaodungse naliu khugasu tadmine, Nile giukiga ronna bammi rabo-e.”
10Chawang niu paokakge, “Nsuannai aleng kakheng thiu khailo.”
Mose niu paokakge, “Nangniu dinbo kumjiu Iniu kamne, siga aliu Rawang, Rapiu kumbo katambo ra kaki ha-e chiubo nangniu sisune. 11Sichiujiu Nile giukiga makjiu, nakhugasu, nagu chakampaodung khugasu khatdi namaidung khugasu chagaodung hai tadmi rabo-e.” 12Sigasu Mose nai Aaron niu chawangtu phut lujiu tadmide, sichiujiu Mose niu chagaodungse chawang khugasu luthon khaira Rapiu khuga kakheng thiusude. 13Mose niu khengbo saisuijiu Rapiu niu kamkhai bide, sichiujiu chakyga, chakamkyga khatdi luzamga bambo gao hina shai mide. 14Egypt maidungniu sise pon kabao khaijiu paliu tenrai siniu manam phuimide, 15Chagaodungse shai mibo chawangniu ngaoluboga, Rapiu niu Mose nai Aaron khuga dinkhai mibo kumjiu, panai lad lukhai makjiu, palung tan palun mide.
Kaphaodung
16 Rapiu niu Mose khuga din-e, “Pathunse khoilujiu kadihga kakhiu khailo chiujiu Aaron khuga dinbilo, sichiusai tabui siniu kaphaodung mawi lujiu Egypt dih pakhiangna phuimi rabo-e,” 17Sigasu Aaron niu pathunse khoilujiu kadihga kakhiu khaiboga tabuise kaphaodung mawi mide, sichiujiu Egypt dihga bambo chakhao chamai hina riga kaphao siniu phuimide. 18Chamik thao kadadmai siniu paliu siam khoilujiu kaphaose kampadra kam sude, chiudi paliuniu kam ngamlu makge. 19#Lk 11.20.Pabam hinaga kaphaodung siniu phui mide, siga paliuniu chawang khuga din-e, “Haise Tingwang niu kamkhaibo gu-e.” Chiudi Rapiu niu Mose nai Aaron khuga dinkhai mibo kumjiu chawangse palung tan palun-e.
Tamangdung
20 Rapiu niu Mose khuga din-e, “Nsuannai nsuan kalu chawangniu singgiu lam tadbo tingga tadlujiu, Rapiu niu haichiu din-e chiujiu dinlo, ‘Atu kahumra amaidungtu pijiu tadpad khailo. 21Nangniu suikhai maksai, Iniu nagu chakampaodung nai namaidung riga tamangdung langkhaijiu naliutu sajai pikhai rabo-e. Egypt mai ky hina chalainiu piphui khaijiu kadih pakhiangna gomphui mirabo-e. 22Chiudi Iniu Goshen luongriang, amaidungniu lungbambo gara chalai situ piwang khai lakge. Iniu haichiu kambora, haibo kadihga Rapiu, Iniu tatien thiujiu bambo-e chiubo nangniu silura leng-e. 23Iniu amaidung nai namaidung kakga tamsinbo#8.23: tamsinbo: maksai amaidungtu rankhai birabo-e chiubo-e. kamkhai rabo-e. Tasibo haise nsuannai padrabo-e.’” 24Rapiu niu chalai dungdi hai chawangkining khatdi pagu chakampaodung kyga langkhai sude. Egypt dih pakhiangna tamangdung hainiu kam masa mide.
25Siga chawangniu Mose nai Aaron tu kulujiu din-e, “Haibo kadih gasu tadlujiu naliu Rawang khuga charathiu khai sulo.”
26Mose niu paokakge, “Sichiubora maji lakge, palamra aliuniu Rapiu, aliu Rawang khuga charathiu khai rabo khaoring siniu Egypt maitu kam masami rabo-e. Egypt maitu kam masa rabo khaoringse aliuniu thin lujiu, paliuniu ngaoboga charathiu khaisai, paliuniu aliutu tatuniu rotshatmi rabo-e. 27Paniu aliutu chamtan pikhaibo kumjiu, aliuniu jeng sum ramjing lam tadlujiu, Rapiu, aliu Rawang khuga charathiu khairabo-e.”
28Chawang niu din-e, “Naliuniu tad madiu makjiu ramjing gasu Rapiu, naliu Rawang khuga charathiu khai rabo-e sai, Iniu suikhaine. Alengdi kakheng thiu khailo.”
29Mose niu paokakge, “Iniu tadpad kaji-kari Rapiu khuga khengkhai rabo-e, sichiujiu nsuannai tamangdungse nakhugasu, nagu chakampaodung khugasu khatdi namaidung khugasu tadmi rabo-e. Chiudi nangniu aliutu kalik lanjiu Rapiu khuga charathiu khai rabo gasu, pijiu maidungtu khambo suilakge.”
30Mose niu chawangtu saokhai lujiu tadpad Rapiu khuga kakheng thiu sude. 31Siga Mose niu khengbo saisuijiu kamkhai bide. Tamangdungse chawang khugasu, pagu chakampaodung khugasu khatdi pamaidung khugasu wakhatdi masiak makjiu tadmide. 32Chiudi siga chawangse palung tanlan mijiu, maidung situ paniu pitad khai makge.
Поточний вибір:
TADPADBO 8: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 8
8
Chagaodung
1Sibosai Rapiu niu Mose khuga din-e, “Chawang khuga tadlujiu Rapiu niu haichiu din-e chiujiu pakhuga dinbilo, ‘Atu kahumra, amaidungtu pijiu tadpad khailo. 2Nangniu suimaksai, Iniu nagu kadih pakhiangna chagaodungniu piphui khai bine. 3Sichiujiu Nile giuky hai chagaoniu phuimi rabo-e, siga paliuniu nawangkyga, naziga, nagu chakampaodung nai namaidung kyga khatdi nagu n-mang nai taruak khuakbo khangli katang phuimi rabo-e. 4Paliuniu nariga, namaidung riga khatdi nagu chakampaodung hina riga machak khangsu rabo-e.’”
5 Rapiu niu Mose khuga din-e, “Pathunse singgiu riga, ajai riga khatdi akhun hina riga khengkhang khaijiu Egypt dih pakhiangna pijiu chagaoniu phuimira Aaron khuga dinkhai bilo.” 6Sichiu Aaron niu pathunse tadui hina riga khengkhang khaiboga, chagao siniu kadih pakhiangna phui mide. 7Chiudi chamik thao kadadmai siniudi paliu siam kumjiu, chagaose kampad khaide.
8Siga chawang siniu Mose nai Aaron tu kulujiu din-e, “Rapiu khuga kakheng kamkhaijiu haibo gaodung haitu pitadmi khailo, sichiusai, Iniu namaidungtu pi tadpad lujiu Rapiu khuga charathiu khai bine.”
9Mose niu paokakge, “Naleng kakheng thiu khaira I achun wi-e. Sichiujiu Iniu naleng, nagu chakampaodung leng khatdi namaidung leng kakheng thiurabo wanse aleng pilo. Sichiusai chagaodungse naliu khugasu tadmine, Nile giukiga ronna bammi rabo-e.”
10Chawang niu paokakge, “Nsuannai aleng kakheng thiu khailo.”
Mose niu paokakge, “Nangniu dinbo kumjiu Iniu kamne, siga aliu Rawang, Rapiu kumbo katambo ra kaki ha-e chiubo nangniu sisune. 11Sichiujiu Nile giukiga makjiu, nakhugasu, nagu chakampaodung khugasu khatdi namaidung khugasu chagaodung hai tadmi rabo-e.” 12Sigasu Mose nai Aaron niu chawangtu phut lujiu tadmide, sichiujiu Mose niu chagaodungse chawang khugasu luthon khaira Rapiu khuga kakheng thiusude. 13Mose niu khengbo saisuijiu Rapiu niu kamkhai bide, sichiujiu chakyga, chakamkyga khatdi luzamga bambo gao hina shai mide. 14Egypt maidungniu sise pon kabao khaijiu paliu tenrai siniu manam phuimide, 15Chagaodungse shai mibo chawangniu ngaoluboga, Rapiu niu Mose nai Aaron khuga dinkhai mibo kumjiu, panai lad lukhai makjiu, palung tan palun mide.
Kaphaodung
16 Rapiu niu Mose khuga din-e, “Pathunse khoilujiu kadihga kakhiu khailo chiujiu Aaron khuga dinbilo, sichiusai tabui siniu kaphaodung mawi lujiu Egypt dih pakhiangna phuimi rabo-e,” 17Sigasu Aaron niu pathunse khoilujiu kadihga kakhiu khaiboga tabuise kaphaodung mawi mide, sichiujiu Egypt dihga bambo chakhao chamai hina riga kaphao siniu phuimide. 18Chamik thao kadadmai siniu paliu siam khoilujiu kaphaose kampadra kam sude, chiudi paliuniu kam ngamlu makge. 19#Lk 11.20.Pabam hinaga kaphaodung siniu phui mide, siga paliuniu chawang khuga din-e, “Haise Tingwang niu kamkhaibo gu-e.” Chiudi Rapiu niu Mose nai Aaron khuga dinkhai mibo kumjiu chawangse palung tan palun-e.
Tamangdung
20 Rapiu niu Mose khuga din-e, “Nsuannai nsuan kalu chawangniu singgiu lam tadbo tingga tadlujiu, Rapiu niu haichiu din-e chiujiu dinlo, ‘Atu kahumra amaidungtu pijiu tadpad khailo. 21Nangniu suikhai maksai, Iniu nagu chakampaodung nai namaidung riga tamangdung langkhaijiu naliutu sajai pikhai rabo-e. Egypt mai ky hina chalainiu piphui khaijiu kadih pakhiangna gomphui mirabo-e. 22Chiudi Iniu Goshen luongriang, amaidungniu lungbambo gara chalai situ piwang khai lakge. Iniu haichiu kambora, haibo kadihga Rapiu, Iniu tatien thiujiu bambo-e chiubo nangniu silura leng-e. 23Iniu amaidung nai namaidung kakga tamsinbo#8.23: tamsinbo: maksai amaidungtu rankhai birabo-e chiubo-e. kamkhai rabo-e. Tasibo haise nsuannai padrabo-e.’” 24Rapiu niu chalai dungdi hai chawangkining khatdi pagu chakampaodung kyga langkhai sude. Egypt dih pakhiangna tamangdung hainiu kam masa mide.
25Siga chawangniu Mose nai Aaron tu kulujiu din-e, “Haibo kadih gasu tadlujiu naliu Rawang khuga charathiu khai sulo.”
26Mose niu paokakge, “Sichiubora maji lakge, palamra aliuniu Rapiu, aliu Rawang khuga charathiu khai rabo khaoring siniu Egypt maitu kam masami rabo-e. Egypt maitu kam masa rabo khaoringse aliuniu thin lujiu, paliuniu ngaoboga charathiu khaisai, paliuniu aliutu tatuniu rotshatmi rabo-e. 27Paniu aliutu chamtan pikhaibo kumjiu, aliuniu jeng sum ramjing lam tadlujiu, Rapiu, aliu Rawang khuga charathiu khairabo-e.”
28Chawang niu din-e, “Naliuniu tad madiu makjiu ramjing gasu Rapiu, naliu Rawang khuga charathiu khai rabo-e sai, Iniu suikhaine. Alengdi kakheng thiu khailo.”
29Mose niu paokakge, “Iniu tadpad kaji-kari Rapiu khuga khengkhai rabo-e, sichiujiu nsuannai tamangdungse nakhugasu, nagu chakampaodung khugasu khatdi namaidung khugasu tadmi rabo-e. Chiudi nangniu aliutu kalik lanjiu Rapiu khuga charathiu khai rabo gasu, pijiu maidungtu khambo suilakge.”
30Mose niu chawangtu saokhai lujiu tadpad Rapiu khuga kakheng thiu sude. 31Siga Mose niu khengbo saisuijiu kamkhai bide. Tamangdungse chawang khugasu, pagu chakampaodung khugasu khatdi pamaidung khugasu wakhatdi masiak makjiu tadmide. 32Chiudi siga chawangse palung tanlan mijiu, maidung situ paniu pitad khai makge.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.