KÜÜRORI 2
2
Kümtse Sietse Küru
1 #
Lev 23.15-21; Kho 16.9-11. Pentecost tsothowa ruju ünü mari aveh tü azhie küsü vü sehzhu kheh. 2Thinü zhürüluo akhi amürhü khieloti mürhü kütse kümüjie thajüwu vünüh ru nü mari nüh peküvehazhewa protewa. 3Thi anyih amizhi kümüjie küsa mari vü turu nü küsuoporie mari nyi küsüsü lü vü peh tewa. 4Jütisanü mari tü Kümtse Sietse nüh pro taji Sietse nüh sa kütsü kümüjie anyu küpapa zhü phra kheh.
5Jütiküsavü thajüwu kükhuvü kürho anyi müküzüküzü azhie vünüh Judahri künyitsari ru Jerusalem vü peveh ünü; 6anyi jümaritü akhi jüma thsüra taji ru kheh, thi mari tü mükümüshera sa, küpakenühnyunü anyi jümari tü mari azhü vünüh küphra kenüh. 7Thi mari tü krü thi ngo taji, azhü phraküveh hamari tü Galileeri nyu ülo? 8Thinü hiri tü mokümjie mari nüh hiri azhü küphra künara veh lo? 9Hiri wuori thuoüji Parthiari, Midiari, Elamri, thi wuori thuoüji Mesopotamiari, Judeari, thi Kapadokiari, Pontusri, thi Asiari, 10Frigiari thi Pamfiliari, Egyptri thi Siriari vü küpe Libiariwuori nga, thi Rom vünüh küruri nga, Judahri thi Judahmükünyuri luoveh khaphrü nü Judahri nale vü küruri nga, 11Kretri nga thi Arabri: thinü mari tü mokümjie Saküüwuowa küüro aküji hiri azhü vünüh phratehiri küüthsü veh lo! 12Thi mari tü ngo thi müsherüza taji küsü nüh küsüvü, “Hatü mowa thuoh lo?” ti sa.
13Thitü küpari nüh kütsotüri riesanü, “Mari thuoüji akha aji juh zhu tajinü müshevehthuoh,” ti küza.
Pitor nüh Zhüküüza
14Thitü Pitor tü türaluokeri sie süratsie nü ma jikhi rera taji nyiri vü, Judea nyiri thi Jerusalem vü kürhori, nohri hama thsü taji hiri zhü nohri khüna vü thse luo. 15Küpakenühnyunü nohri nüh müsheküveh kümüjie anyi hamari tü zhu müshemüveh, küpakenühnyunü khinyi tü rüne münühu küche mpawie; 16thitü hama tü setsaküthsüwa Joel nüh phrateke küsa:
17 #
Joe 2.28-32. Saküüwuowa nüh küüza,
“Wa tsotho sehkheri vü,
hi nüh eh Sietse nyiri aveh vü küshoketsü naveh,
thi nohri tsa nyimpari thi nyimzari nüh setsaküthsüzhüphra naveh,
thi nohri azhie vü vizari nüh kümohtsari ngu naveh,
thi nohri azhie vü nyikükhruori nüh amo mo naveh;
18jüüta sawie naveh,
thi hi nüh eh siepe nyimpawa vü nga nyimzawa vü nga eh Sietse küshoke tsü naveh,
thi mari nüh setsaküthsüzhü phra naveh.
19Thi hi nüh thajüwu rügi vünüh küngo küürori thi thsoshiri sa azhih vü kürhori kütsanaveh,
jüvü azüh, thi anyih, thi akülu küshüphoh sanaveh.
20 Vüwa rülo küzhüku thi küthola müjie saküru atüvü rünyi khaphrüle tewa naveh,
thi asah nüh azüh jetewa naveh,
21Thi thari nüh Vüwa nyo ji naveh nüh jümari nü külole naveh ta küza saveh,”
ti küza.
22Israel nyiri, azhü hari künaluo: nohri mpa nga thsüvehthuohnü, Jisu Nazareth nyiri sawie taji nohri azhie vünüh Saküüwuowa tü ma vünüh küngo thsoshi thi küngo küüro sataji rügivü kükhrari nohri vü sakütsathuoh. 23#Mat 27.35; Mrk 15.24; Luk 23.33; Jhn 19.18.Jisu hamatü, Saküüwuowa nüh küütü vünüh thsüthi müshe kütuo nü teküru kümüjie nohri nüh ma retaji kükhiemuori kevü thse nü khieluothso rügi vünüh ma zeke thi fethemü. 24#Mat 28.5,6; Mrk 16.6; Luk 24.5.Thitü Saküüwuowa nüh aküsü kükhra jüma leja mütü taji ma kürholetsü, küpakenühnyunü jüma nüh ma pheh müküüsara kenüh. 25Küpakenühnyunü David nüh ma zhüku küüza;
Tsotho aveh hi nüh Vüwa eh tüvü ngu pehuoru,
küpakenühnyunü hi vi müküüngana küsa kenüh ma tü eh ke azhiewuovü pehuotüveh,
26Jükenüh eh luoveh tü lozhepehuo, thi eh mizhi tü küriahi khi sa pehuo,
jümpa mükünyu, eh satsa ha wie nga küluozhe vünüh rhonaveh.
27Küpakenühnyunü noh nüh eh sietse vi nyihsuozü lovü küthsewanyu,
nyutü no Kümtsewatü küpriküra künguwanyu,
28Noh nüh kürho lekhujiwa vi hi kütsamüthuoh,
noh nüh noh tüvü hi tü alomüküzherhüra sanathuoh,
ta küza küsa kenüh.
29Eh füri, hi nüh hiri anyi David zhüku zhütsa vünüh küza naveh, ma tü sü taji chowumüthuoh thi nosü küju nga ma rüku tü hiri kütuovü peh wieveh. 30#Krh 132.11; 2 Sam 7.12,13.Ma tü setsaküthsüri küsü thi Saküüwuowa nüh mavü zhühthuo nü ma küshukütu vünüh nyi küsü ma kajipe rügivü küüpeh nta küsa thsü. 31Khrista vi nyihsuozü kükhu vü müthse nüh nyutü ma satsa tü müküpriküra nüh küürhole na ta küsaküütü vünüh thsü taji phratetsü. 32Jisu hamatü Saküüwuowa nüh saküürholewa thi hiri aveh nga jüma povüri kheh. 33Jükümjie ma tü sakümüsie taji Saküüwuowa ake azhie wuovü peh thi Pawa vünüh zhühthuo küsa Kümütse Sietsewa ngura thi manüh küshozhu tsüthuoh, thi nohri nüh jüma küngu nga ngu thi künarathuoh. 34#Krh 110.1.Küpakenühnyunü David thuoüji thajüwu rügivü mükuowie ketünga ma nüh:
“Vüwa nüh eh Vüwa vü küüza eh ke azhie wuovü pe luo,
35Hi nüh noh mükünongüri vi noh jinyipe müjieküsaküjunü,”
ti küza.
36“Jükenüh Jisu hama nohri nüh zekekümüwatü Vüwa nga thi Khrista nga ti küsa nohri Israelri aveh thsüto luo,” ti küza.
37Mari tü hama küthsüravü mari luoveh tsoküna shekete wa taji Pitor thi Vüwa povü küsa küpari vü, “Füri, hiri tü mowa müsaji mümühiethuoh lo?” ti küna.
38Thinü Pitor nüh mari vü, “Nohri luoveh khaphrü nü nohri kükhiemuo noja naküsa kenüh nohri nyi küsüsü nga Jisu Khrista nyo vünüh baptis saluo, jütathuoüji nohri Kümtse Sietse kütsia ngu naveh. 39Küpakenühnyunü zhühthuo küsa jümatü nohri kenüh thi nohri tsari kenüh thi letsuo teküwari kenüh wiethuoh, jümpa mükünyu Vüwa hiri Saküüwuowa nüh thari ma vü jikenaveh nüh jümari aveh kenüh nga wiethuoh,” ti küza.
40Thi ma nüh azhü küpapa vünüh povü sa thi mari küthotsü taji mari vü, “Nyi kümüsü hamari vünüh nohri mpa külole luo,” ti küza. 41Jüti sataji ma zhüküviri tü baptis sanü jürülo vünüh kürholi anyie küche mari azhie vü turu. 42Jütisanü mari tü Vüwa povü küsari nüh küsosievü thi kümpamüwu vü, lohse zokhuo nü kütsa vü thi kükhuovü ti müjathuoh nüh tsotho aveh mari vü peh.
Kütsotüri Zhie vü Kürho Müke
43Küngoküüro thi thsoshi hozake Vüwa povü küsari nüh sanü kükrü kürholi aveh vü teru. 44#Krr 4.32-35. Kütsotüri aveh tü zanyo aveh vü kükreh she thi zanyo aveh nga zhiküsü satewa. 45Thi mari tü zhe zhuh aveh thi zanyosürü aveh zhu nü thari nüh küzake küngule ünü küsuotsü. 46Thi rülo aveh vü kürü Kükhurüzhe vü wa thi mari azhe vünüh lohse zokhuo tsa, thi amüshe müza she taji külozhe vü ashiekürütsa ti sapahuo. 47Saküüwuowa siake thi nyiri aveh sie külozhe küsü vüpeh. Thi rülo aveh vü Vüwa nüh külolekümüri vi mari azavü chieküzhike pehuo.
Поточний вибір:
KÜÜRORI 2: POCHBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
KÜÜRORI 2
2
Kümtse Sietse Küru
1 #
Lev 23.15-21; Kho 16.9-11. Pentecost tsothowa ruju ünü mari aveh tü azhie küsü vü sehzhu kheh. 2Thinü zhürüluo akhi amürhü khieloti mürhü kütse kümüjie thajüwu vünüh ru nü mari nüh peküvehazhewa protewa. 3Thi anyih amizhi kümüjie küsa mari vü turu nü küsuoporie mari nyi küsüsü lü vü peh tewa. 4Jütisanü mari tü Kümtse Sietse nüh pro taji Sietse nüh sa kütsü kümüjie anyu küpapa zhü phra kheh.
5Jütiküsavü thajüwu kükhuvü kürho anyi müküzüküzü azhie vünüh Judahri künyitsari ru Jerusalem vü peveh ünü; 6anyi jümaritü akhi jüma thsüra taji ru kheh, thi mari tü mükümüshera sa, küpakenühnyunü anyi jümari tü mari azhü vünüh küphra kenüh. 7Thi mari tü krü thi ngo taji, azhü phraküveh hamari tü Galileeri nyu ülo? 8Thinü hiri tü mokümjie mari nüh hiri azhü küphra künara veh lo? 9Hiri wuori thuoüji Parthiari, Midiari, Elamri, thi wuori thuoüji Mesopotamiari, Judeari, thi Kapadokiari, Pontusri, thi Asiari, 10Frigiari thi Pamfiliari, Egyptri thi Siriari vü küpe Libiariwuori nga, thi Rom vünüh küruri nga, Judahri thi Judahmükünyuri luoveh khaphrü nü Judahri nale vü küruri nga, 11Kretri nga thi Arabri: thinü mari tü mokümjie Saküüwuowa küüro aküji hiri azhü vünüh phratehiri küüthsü veh lo! 12Thi mari tü ngo thi müsherüza taji küsü nüh küsüvü, “Hatü mowa thuoh lo?” ti sa.
13Thitü küpari nüh kütsotüri riesanü, “Mari thuoüji akha aji juh zhu tajinü müshevehthuoh,” ti küza.
Pitor nüh Zhüküüza
14Thitü Pitor tü türaluokeri sie süratsie nü ma jikhi rera taji nyiri vü, Judea nyiri thi Jerusalem vü kürhori, nohri hama thsü taji hiri zhü nohri khüna vü thse luo. 15Küpakenühnyunü nohri nüh müsheküveh kümüjie anyi hamari tü zhu müshemüveh, küpakenühnyunü khinyi tü rüne münühu küche mpawie; 16thitü hama tü setsaküthsüwa Joel nüh phrateke küsa:
17 #
Joe 2.28-32. Saküüwuowa nüh küüza,
“Wa tsotho sehkheri vü,
hi nüh eh Sietse nyiri aveh vü küshoketsü naveh,
thi nohri tsa nyimpari thi nyimzari nüh setsaküthsüzhüphra naveh,
thi nohri azhie vü vizari nüh kümohtsari ngu naveh,
thi nohri azhie vü nyikükhruori nüh amo mo naveh;
18jüüta sawie naveh,
thi hi nüh eh siepe nyimpawa vü nga nyimzawa vü nga eh Sietse küshoke tsü naveh,
thi mari nüh setsaküthsüzhü phra naveh.
19Thi hi nüh thajüwu rügi vünüh küngo küürori thi thsoshiri sa azhih vü kürhori kütsanaveh,
jüvü azüh, thi anyih, thi akülu küshüphoh sanaveh.
20 Vüwa rülo küzhüku thi küthola müjie saküru atüvü rünyi khaphrüle tewa naveh,
thi asah nüh azüh jetewa naveh,
21Thi thari nüh Vüwa nyo ji naveh nüh jümari nü külole naveh ta küza saveh,”
ti küza.
22Israel nyiri, azhü hari künaluo: nohri mpa nga thsüvehthuohnü, Jisu Nazareth nyiri sawie taji nohri azhie vünüh Saküüwuowa tü ma vünüh küngo thsoshi thi küngo küüro sataji rügivü kükhrari nohri vü sakütsathuoh. 23#Mat 27.35; Mrk 15.24; Luk 23.33; Jhn 19.18.Jisu hamatü, Saküüwuowa nüh küütü vünüh thsüthi müshe kütuo nü teküru kümüjie nohri nüh ma retaji kükhiemuori kevü thse nü khieluothso rügi vünüh ma zeke thi fethemü. 24#Mat 28.5,6; Mrk 16.6; Luk 24.5.Thitü Saküüwuowa nüh aküsü kükhra jüma leja mütü taji ma kürholetsü, küpakenühnyunü jüma nüh ma pheh müküüsara kenüh. 25Küpakenühnyunü David nüh ma zhüku küüza;
Tsotho aveh hi nüh Vüwa eh tüvü ngu pehuoru,
küpakenühnyunü hi vi müküüngana küsa kenüh ma tü eh ke azhiewuovü pehuotüveh,
26Jükenüh eh luoveh tü lozhepehuo, thi eh mizhi tü küriahi khi sa pehuo,
jümpa mükünyu, eh satsa ha wie nga küluozhe vünüh rhonaveh.
27Küpakenühnyunü noh nüh eh sietse vi nyihsuozü lovü küthsewanyu,
nyutü no Kümtsewatü küpriküra künguwanyu,
28Noh nüh kürho lekhujiwa vi hi kütsamüthuoh,
noh nüh noh tüvü hi tü alomüküzherhüra sanathuoh,
ta küza küsa kenüh.
29Eh füri, hi nüh hiri anyi David zhüku zhütsa vünüh küza naveh, ma tü sü taji chowumüthuoh thi nosü küju nga ma rüku tü hiri kütuovü peh wieveh. 30#Krh 132.11; 2 Sam 7.12,13.Ma tü setsaküthsüri küsü thi Saküüwuowa nüh mavü zhühthuo nü ma küshukütu vünüh nyi küsü ma kajipe rügivü küüpeh nta küsa thsü. 31Khrista vi nyihsuozü kükhu vü müthse nüh nyutü ma satsa tü müküpriküra nüh küürhole na ta küsaküütü vünüh thsü taji phratetsü. 32Jisu hamatü Saküüwuowa nüh saküürholewa thi hiri aveh nga jüma povüri kheh. 33Jükümjie ma tü sakümüsie taji Saküüwuowa ake azhie wuovü peh thi Pawa vünüh zhühthuo küsa Kümütse Sietsewa ngura thi manüh küshozhu tsüthuoh, thi nohri nüh jüma küngu nga ngu thi künarathuoh. 34#Krh 110.1.Küpakenühnyunü David thuoüji thajüwu rügivü mükuowie ketünga ma nüh:
“Vüwa nüh eh Vüwa vü küüza eh ke azhie wuovü pe luo,
35Hi nüh noh mükünongüri vi noh jinyipe müjieküsaküjunü,”
ti küza.
36“Jükenüh Jisu hama nohri nüh zekekümüwatü Vüwa nga thi Khrista nga ti küsa nohri Israelri aveh thsüto luo,” ti küza.
37Mari tü hama küthsüravü mari luoveh tsoküna shekete wa taji Pitor thi Vüwa povü küsa küpari vü, “Füri, hiri tü mowa müsaji mümühiethuoh lo?” ti küna.
38Thinü Pitor nüh mari vü, “Nohri luoveh khaphrü nü nohri kükhiemuo noja naküsa kenüh nohri nyi küsüsü nga Jisu Khrista nyo vünüh baptis saluo, jütathuoüji nohri Kümtse Sietse kütsia ngu naveh. 39Küpakenühnyunü zhühthuo küsa jümatü nohri kenüh thi nohri tsari kenüh thi letsuo teküwari kenüh wiethuoh, jümpa mükünyu Vüwa hiri Saküüwuowa nüh thari ma vü jikenaveh nüh jümari aveh kenüh nga wiethuoh,” ti küza.
40Thi ma nüh azhü küpapa vünüh povü sa thi mari küthotsü taji mari vü, “Nyi kümüsü hamari vünüh nohri mpa külole luo,” ti küza. 41Jüti sataji ma zhüküviri tü baptis sanü jürülo vünüh kürholi anyie küche mari azhie vü turu. 42Jütisanü mari tü Vüwa povü küsari nüh küsosievü thi kümpamüwu vü, lohse zokhuo nü kütsa vü thi kükhuovü ti müjathuoh nüh tsotho aveh mari vü peh.
Kütsotüri Zhie vü Kürho Müke
43Küngoküüro thi thsoshi hozake Vüwa povü küsari nüh sanü kükrü kürholi aveh vü teru. 44#Krr 4.32-35. Kütsotüri aveh tü zanyo aveh vü kükreh she thi zanyo aveh nga zhiküsü satewa. 45Thi mari tü zhe zhuh aveh thi zanyosürü aveh zhu nü thari nüh küzake küngule ünü küsuotsü. 46Thi rülo aveh vü kürü Kükhurüzhe vü wa thi mari azhe vünüh lohse zokhuo tsa, thi amüshe müza she taji külozhe vü ashiekürütsa ti sapahuo. 47Saküüwuowa siake thi nyiri aveh sie külozhe küsü vüpeh. Thi rülo aveh vü Vüwa nüh külolekümüri vi mari azavü chieküzhike pehuo.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.