KÜÜRORI SAPHIEKÜTSÜ
SAPHIEKÜTSÜ
Povüküsari küüro lasi hama thuoüji Luk lasi Zhühlekümühiewa vünüh müshuke nü küru. Ma nüh lasi hama kürhü kümüshe küjiwa thuoüji Jisu asekünyi khuri tü mokümjie Kümtse Sietse nüh mari sierhoru, thi mokümjie mari nüh Zhühthe Kümühie Jerusalem vü thi Judea aveh vü thi Samaria vü thi azhih küpote vü zhuhwara nüh (1.8) jüma küza naküsa kenüh wie. Zhühku hamatü Khristanyiri küüro Judahri azhie vünüh sate taji azhih aveh kütsotü sateküwa. Luk nüh kütsaza thuoüji lasi hama küchieri tü Khristanyiri tü Romri kükhra küvi kenüh zanyomüküsara müsanü Khristanyira kütsotüwa nüh Judahri nale tü küsajura sa ta küsa kenüh wie.
Küürori lasi hamatü zhühnyo küji küche küsuo saveh. Zhühthe Kümühiewa Jisu kürho phrate kümüza thi Nazizheh küsa: (1) Khristanyiri Jerusalem vü küüro thi Jisu rügivü tekükuo; (2) Palestin vü azhie küpa vü nga saküjiküwa; (3) thi jüma nyia vü nga Mediterranean azhih vü thi wa Rom küju nga saküwa.
Küürori lasi hala zhünyo küji küngu thuoüji Kümtse Sietse küüro, kütsotüri Jerusalem vü peküvehvü Pentecost rülo vü ma nüh kükhra viru tsü, thi lasi halovü rhüküsa kümüjie mükütuo wiethuoh nüh Nazizheh thi levüri lekhuji küjo thi sakükhra wa ju. Atükhuvü Khristanyiri zhühle thuoüji sakümülu nü loso hozake tsü, thi küüro lasi halovü rhüküsari nüh zhühle hama kükhra kütsotüri kürho vü nga thi Nazizheh vü kümpamüwuri vü nga kütsatsü.
Azhühjiri
Povü küsa kenüh küüche 1.1-26
a. Jisu nüh sehkhe azhükütsü thi phratekekütsü 1.1-4
b. Judas mütho kürüka 1.15-26
Jerusalem vü povü küsa 2.1—8.3
Judea thi Samaria vü povü küsa 8.4—12.25
Paul küüro 13.1—28.31
a. Povü saküwa letse pokhuwa 13.1—14.28
b. Jerusalem vü kümühu 15.1-35
c. Povü saküwa letse künyiawa 15.36—18.22
d. Povü saküwa letse kücheawa 18.23—21.16
e. Paul Jerusalem vü, thi Kaisaria vü thi Rom vü küsi küsa 21.17—28.31
Поточний вибір:
KÜÜRORI SAPHIEKÜTSÜ: POCHBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.