Mateo 22:19-21

Tjákora ijnko ti chichaon tjènka̱ra ―ichro chꞌin Jesús. Ndá kjua̱ko̱he̱ sin chꞌin Jesús ti chichaon. Ndá chꞌin Jesús kjuanchankí, ndáchro: ―¿Nkexro tjenkáni ti chichaon i, la ko nkexro ihni̱é chónta? ―ichro chꞌan. Ndá jehe sin kjuáte̱he sin: ―Kuènté César ―ichro sin. Ndá ndáchro chꞌin Jesús: ―Ti xi̱kaha la chje̱héra César ti nkehe kuènté, a̱ndá ti nkehe kuènté Díos la chje̱héra Díos ―ichro chꞌin Jesús.