GÉNESIS 16
16
Agar Ismael wawanwan
1Saraiqa mana wawayoj kayta aterqachu qosan Abrampaj. Uj egipciataj kamachin karqa, sutin Agar.
2Chaymanta Saraiqa Abramman nerqa: Qhawariy, Señorqa mana wawata qowanchu, mañaykitaj kamachiy Agarwan kanaykita, jinamanta ichapis wawasniy kanqa paynejta.
3Abramtaj, yasta nerqa warminta. Saraitaj egipcia Agar kamachinta wajyaspa Abramman entregarqa. Chaypacha Canaán jallp'api chunka watataña tiyakorqanku. 4Jinamanta Agarqa onqoj rikhurerqa Abrampaj. Jina kaspataj Agarqa Saraiwan chhoqonakuyta qallarerqa.
5Saraitaj nerqa Abramman: Qan juchayoj kanki Agar chhoqonakunawampaj! Paytaqa noqa entregarqayki; kunantaj payqa yachan wawayoj kananta, chayrayku creekushan noqamanta aswan sumaj warmi kasqanta. Kunanqa Señor cheqanchawasunchej, qanchus juchayoj kanki, chayri noqachus, chay jina kanampaj, chayta.
6Abramtaj Saraiman nerqa: Qan chaytaqa imanaypis, atinki munasqaykita ruwayta kamachiyki Agarwan. Saraitaj jinata nejtin Agarta maqayta qallarerqa atisqanta, Agartaj ayqekorqa.
7Señorpa angelnintaj Agarta tariparqa waqashajta ch'in pampapi Shur ñan patapi yaku juturi qayllapi. 8Taporqataj: Agar, Saraipa kamachin, maymanta jamunki, maymantaj rishanki? Paytaj nerqa: Ayqekushani Sarai uywaqeymanta.
9Señorpa angelnintaj nerqa: Kutipullay patronniykejman, kasullay imatachá nisunki chayta tukuy sonqo.
10Chaymanta Señorpa angelnin nillarqataj: Noqa mirayniykita ashkhayachisaj, nitaj pipis yupayta atenqachu. 11Qanqa onqoj kashanki, uj qhari wawa tiyapusonqa, sutichankitaj Ismaelta; imaraykuchus Señor uyarisunki llakiyniykita. 12Payqa kanqa juraño runa, monte animal jina, tukuyta maqanqa, paytapis tukuy maqanqanku; kausanqataj tukuy wauqesnimpa chaupimpi.
13Chaymanta Agarqa kuticherqa payman parlaj chay Señorta kay sutiwan: Qan kanki rikoj Dios, imaraykuchus Señorqa paywan parlarqa, nispa. Chaymanta pay nerqa: Noqaqa rikuwaj Diosta rikuni. 14Chayrayku chay pujyoj sutenqa: Kausajpa pujyun, pichus rikuwan, nispa. Chay pujyoqa kashan Cadeswan Beredwan tinkuypi.
15Agarqa Abrampaj wawayoj karqa, paytaj wawanta suticharqa Ismaelta. 16Abramqa pusaj chunka sojtayoj watasniyoj karqa wawan Ismael naceshajtin.
Поточний вибір:
GÉNESIS 16: QCHSB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Qheshwa Biblia DC © Sociedades Bíblicas Unidas, 1986.