GÉNESIS 36
36
Esauj miraynin
1Kaykuna kanku Esauj miraynin, chaytaj Edóm. 2Esauqa casararqa Canaán warmiswan: Hitita Edompa wawan Adawan, Anaj wawan Aholibamawan, mayqenchus karqa heveo Zibeoj allchhin. 3Chaymantaqa Ismaelpa Ismaelpa wawan Basematwan, mayqenchus Nebaiotpa panan karqa. 4Esauj wawan Adapi kajqa Elifaz karqa; Basematpitaj Reuel karqa. 5Aholibamatpitaj karqa Jeús, Jaalam, Corewan. Kaykuna karqanku Esauj wawasnin Canaampi tiyashajtin kajkuna.
6Esauqa wauqen Jacobmanta tumpata karunchakunampaj riporqa waj cheqaman, warmisninta, churisninta, ususisninta, pikunachus paywan tiyakorqanku chaykunatawan pusarikuspa. Jinallataj tukuy uywasninta, imasninchus Canaampi tiyakushajtin tiyaporqa chaykunatawan. 7Imarayuchus iskayninku ashkha uywasniyoj karqanku, chayrayku manaña iskaynin aterqankuchu khuska tiyakuyta. Chaynejta chay jallp'aqa pisiparqa uywasninkuta michinankupaj. 8Chayrayku Esauqa, chayrí Edomqa Seir orqoman tiyakoj riporqa.
9Kaykuna kanku Esauj miraynin, edomitaspa ñaupa tatasnin, mayqenkunachus Seir orqospi tiyakorqanku. 10Kaykuna kanku Esauj wawasnimpa sutisnin: Adaj wawan Elifaz, Basematpa wawan Reuel. 11Elifazpa wawasnin karqanku, Temán, Omar, Zefo, Gatam, Cenazwan. 12Elifazpa tanta warmin karqa Timna nisqa. Pay uj qhari wawata rejserqa Elifazpaj, sutintaj karqa Amalec. Kaykuna karqanku Esaujpa miraynin Ada warminnejta. 13Reuelpa wawasnintaj karqanku Nahat, Zera, Sama, Miza ima. Kaykuna karqanku Esauj ujnin kaj warmin Basematpa miraynin. 14Esauj ujnin kaj warmin Aholibamaj wawasnin karqanku Jeús, Jaalam, Corewan ima. Chay warmi karqa Anaj wawan Zibeompa allchhin.
15-16Esauj mirayninmanta kurajkuna ajllaspa churasqas karqanku: Elifazpa mirayninmanta, mayqenchus Esauj kuraj wawan karqa. Chay kurajkunaqa kaykuna: Temán, Omar, Zefo, Cenaz, Coré, Gatam, Amalecwan. Chaykuna karqanku Adaj miraynin. 17Esauj wawan Reuelpa wawasnin kaykuna karqanku kurajkunapaj ajllasqas: Nahat, Zera, Sama, Miza ima. Kaykuna karqanku Reuelpa mirayninmanta kurajkunapaj ajllasqas Edom jallp'api, paykuna karqanku Esauj miraynin, Basematpa miraynin. 18Esauj ujnin kaj warmin Anaj wawan Aholibamaj wawasnin kurajkunapaj ajllasqas karqanku kaykuna: Jeús, Jaalam, Corewan. 19Chay tukuyninku karqanku Edom Esauj miraynin, sapa ayllusninkupi kurajkunapaj ajllasqas.
Seirpa miraynin
20-21Kaykuna karqanku horeo Seirpa wawasnin, chay jallp'api tiyakojkuna: Lotán, Sobal, Zibeón, Ana, Disón, Ezer, Disán ima. Paykuna karqanku heteo Seirpa mirayninmanta Edom jallp'api. 22Lotampa wawasnintaj karqanku Horiwan, Hemanwan. Lotampa panan karqa Timna. 23Sobalpa wawasnintaj karqanku, Alván, Manahat, Ebal, Sefo, Onanwan. 24Zibeompa wawasnintaj Ajawan, Anawan karqanku. Aná yaku juturista tarerqa ch'in pampapi, Zibeón tatampa burrosninta michishaspa. 25Anajta uj wawan tiyaporqa Disón nisqa, ususintaj Aholibama nisqa. 26Disompa wawasnin karqanku Hemdán, Esbán, Itrán, Queranwan. 27Ezerpa wawasnintaj karqanku Bilhán, Zaaván, Acanwan. 28Disampa wawasnintaj karqanku Uzwan, Aranwan. 29-30Kurajkuna Horeos karqanku Lotán, Sobal, Zibeón, Aná, Disón, Ezer, Disanwan. Paykuna karqanku horeospa kurajkunasninku sapa ayllupi Seirpa jallp'ampi.
Edom reyes
31Kay reyes Edom jallp'api kamacherqanku, israelitas manaraj reyesniyoj kashajtinku: 32Bela, Beorpa wawan karqa; mayqenchus Edompi rey karqa, llajtantaj Dinaba nisqa karqa. 33Bela wañupojtintaj Zeraj wawan Jobab kamacherqa, pay karqa Bosra juch'uy llajtamanta. 34Jobab wañupojtintaj, Temanmanta Husam kamacherqa. 35Husam wañupojtintaj Avit llajtamanta Bedadpa wawan Hadad kamacherqa. Pay Moadpi Madianta atiparqa. 36Hadad wañupojtintaj Masreca llajtamanta Samla kamacherqa. 37Samla wañupojtintaj mayu cantopi Rehobot llajtamanta Saúl kamacherqa. 38Saúl wañupojtintaj Acborpa wawan Baal-hanán kamacherqa. 39Baal-hanán wañupojtintaj Pau llajtamanta Hadar kamacherqa. Hadarpa warmintaj karqa Mehetabel, Matredpa wawan Mezaabpa allchhin.
40-43Kaykuna karqanku Esauj mirayninmanta kurajkunapaj ajllasqas, sapa aylluspi, sapa cheqapi, sutisninkutaj kaykuna: Timna, Alva, Jetet, Aholibama, Ela, Pinón, Cenaz, Temán, Mibzar, Magdiel, Iram ima. Esauj ujnin kaj sutenqa karqa Edom. Kay kurajkunaqa karqanku Edom jallp'api kamachejkuna, mayqenkunapichus tiyakorqanku chaykunapi, sapa ayllusninku ukhupi. Paymanta jamunku Edomitasqa.
Поточний вибір:
GÉNESIS 36: QCHSB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Qheshwa Biblia DC © Sociedades Bíblicas Unidas, 1986.