Marko 16
16
Kujuka kwa ngʼwa Yesu
(Mt. 28.1-10; Lk. 24.1-12; Yh. 20.1-10)
1Aho Sabato yali yubita, Mariamu Magdalene na Mariamu, nina wa Yakobo, na Salome bugula shinhu sha ngʼwaso, baje bakamile.
2Na dilu no ha lushiku lwa kwandia mu mfungo bushika ku kigila, aho limi lyufuma.
3Na bilunjalunja benekele na benekele giki, Nani akutupilingitija iwe kulyinja ha nyango gwa kigila?
4Na aho bubucha miso bubona iwe lyapilingitiwagwa kufuma ha kigila; iki lyali lili itale no.
5Na aho bingila mu kigila bumona nsumba igashije ha ipande lya bulyo, azwalile kizwalo kilihu chape; nabo budedebala no.
6Aliyo wei ubawila giki, Mutadedebalage; mulinkoba Yesu muna Nazareti Uyo wali wakomilwe; wajukaga; ati ho aha; lolagi ipande uko bali bunaja.
7Aliyo jagi, mukabawile bahemba bakwe nu Petro giki, alitonga kuja Galilaya; kwenuko mukumona, gitumo wali umuwilila.
8Nabo bufuma wangu bupela kwinga ku kigila; iki kudetema na kudedebala shali shubadima; nulu batangʼwilile munhu mhayo, iki bali bogoha.
Shilongele sha ngʼwa Yesu
(Lk. 24.13-46; Yh. 20.11-29)
9Lulu aho Yesu wali ujuka dilu no ha lushiku lwa kwandia mu mfungo ungʼwilongela tame Mariamu Magdalene umo akagapeja masamva mpungati.
10Ngʼwenuyu uja akabawila abo biikalaga nanghwe, ubasanga bapinihalile na bakulilaga.
11Nabo aho bigwa giki, ali mpanga, hangi giki, wibonaga nanghwe, bali batuzunya.
12Hanuma ya mihayo iyi aho babili ba mu bo balishiminza bajile mu magunguli, ubilongela, ali mu suso yingi.
13Na benabo aho buja bukabawila bichabo, na bene bali batubazunilija.
14Hanuma hangi ubilongela abo ikumi na umo aho bigashije ku shiliwa; ubaganikila kulwa butuzunya wabo, na bulambu wa ngholo jabo, iki bali batabazuniligije abo abali bamona wajukile.
Kutungʼwa kutale kwa bahemba
(Mt. 28.16-20; Lk. 24.47-49; Shi. 1.8)
15Hunaho ubawila giki, Jagi mu si jose, mukalomele evangeli ku buli kisengʼwa chose.
16Uyo uzunya na ubatijiwa alapijiwa; aliyo uyo atuzunya alalekanyiwa nsango.
17Shimanikijo ishi shikubyuja hamo nabo abazunya; balagapeja masamva mu lina lyane; balalungalunga na ndimi mhya;
18Baladima nzoka; na ulu balangʼwa kinhu chose cha kubulaga, kitalabasatya; balabatuulila ho makono balwile, nabo balapila.
Yesu winunga ngʼwigulu
(Lk. 24.50-53; Shi. 1.6-11)
19Hunaho lulu Seba aho wamala kulungalunga nabo, wanukulwa ngʼwigulu, wigasha ku nkono gwa bulyo gwa Mulungu.
20Nabo buja bulomela hose hose; Seba utumama hamo nabo, ugudimya mhayo na shimanikijo isho shali shuja hamo nago. Amina.
Поточний вибір:
Marko 16: SUK60
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
New Testament in Sukuma © United Bible Societies, 1960.
Marko 16
16
Kujuka kwa ngʼwa Yesu
(Mt. 28.1-10; Lk. 24.1-12; Yh. 20.1-10)
1Aho Sabato yali yubita, Mariamu Magdalene na Mariamu, nina wa Yakobo, na Salome bugula shinhu sha ngʼwaso, baje bakamile.
2Na dilu no ha lushiku lwa kwandia mu mfungo bushika ku kigila, aho limi lyufuma.
3Na bilunjalunja benekele na benekele giki, Nani akutupilingitija iwe kulyinja ha nyango gwa kigila?
4Na aho bubucha miso bubona iwe lyapilingitiwagwa kufuma ha kigila; iki lyali lili itale no.
5Na aho bingila mu kigila bumona nsumba igashije ha ipande lya bulyo, azwalile kizwalo kilihu chape; nabo budedebala no.
6Aliyo wei ubawila giki, Mutadedebalage; mulinkoba Yesu muna Nazareti Uyo wali wakomilwe; wajukaga; ati ho aha; lolagi ipande uko bali bunaja.
7Aliyo jagi, mukabawile bahemba bakwe nu Petro giki, alitonga kuja Galilaya; kwenuko mukumona, gitumo wali umuwilila.
8Nabo bufuma wangu bupela kwinga ku kigila; iki kudetema na kudedebala shali shubadima; nulu batangʼwilile munhu mhayo, iki bali bogoha.
Shilongele sha ngʼwa Yesu
(Lk. 24.13-46; Yh. 20.11-29)
9Lulu aho Yesu wali ujuka dilu no ha lushiku lwa kwandia mu mfungo ungʼwilongela tame Mariamu Magdalene umo akagapeja masamva mpungati.
10Ngʼwenuyu uja akabawila abo biikalaga nanghwe, ubasanga bapinihalile na bakulilaga.
11Nabo aho bigwa giki, ali mpanga, hangi giki, wibonaga nanghwe, bali batuzunya.
12Hanuma ya mihayo iyi aho babili ba mu bo balishiminza bajile mu magunguli, ubilongela, ali mu suso yingi.
13Na benabo aho buja bukabawila bichabo, na bene bali batubazunilija.
14Hanuma hangi ubilongela abo ikumi na umo aho bigashije ku shiliwa; ubaganikila kulwa butuzunya wabo, na bulambu wa ngholo jabo, iki bali batabazuniligije abo abali bamona wajukile.
Kutungʼwa kutale kwa bahemba
(Mt. 28.16-20; Lk. 24.47-49; Shi. 1.8)
15Hunaho ubawila giki, Jagi mu si jose, mukalomele evangeli ku buli kisengʼwa chose.
16Uyo uzunya na ubatijiwa alapijiwa; aliyo uyo atuzunya alalekanyiwa nsango.
17Shimanikijo ishi shikubyuja hamo nabo abazunya; balagapeja masamva mu lina lyane; balalungalunga na ndimi mhya;
18Baladima nzoka; na ulu balangʼwa kinhu chose cha kubulaga, kitalabasatya; balabatuulila ho makono balwile, nabo balapila.
Yesu winunga ngʼwigulu
(Lk. 24.50-53; Shi. 1.6-11)
19Hunaho lulu Seba aho wamala kulungalunga nabo, wanukulwa ngʼwigulu, wigasha ku nkono gwa bulyo gwa Mulungu.
20Nabo buja bulomela hose hose; Seba utumama hamo nabo, ugudimya mhayo na shimanikijo isho shali shuja hamo nago. Amina.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
New Testament in Sukuma © United Bible Societies, 1960.