युहान्ना छेप्ताप चिनातोक
छेप्ताप चिनातोक
ना युहान्नाङा छेप्तुना नुसालागा छेप्ताप ओम॥ प्याक लोॽवा याॽमिचिङा ना छेप्ताप इस्बित साम्बात ७०-९० गा उलुम्बे छेप्ताना ओम ङ्गामे॥ ङ्खाॽनिङ्गो जेप्पा ङ्खिङ्बेॽमाङ् छेप्ताना ओमभोङ् कामा च्हेन ङ्यासिॽवान्हा॥ ना छेप्तापपे युहान्नाङा येसु निङ्वाफुमागा चेॽया ओम, न्ना “चेॽया सालुङ्बे ताया, न्हाङ् कानिङ् लुम्बे वाया” भोङ् छेप्तुक्सु॥ येसुमाङ् निङ्वाफुमागा उच्या नुङ् उङा पाक्स्वाङ्ना कायाना मुक्ति पिखुबा ओम॥ ना छेप्ताप पोढा चोक्खुबाचिङा खाॽलामाङ् ङ्ङासुनि, न्हाङ् बिस्वास न्जोगुहोङ् हिङ्लुङ् न्दोक्तुनिभोङ् युहान्नाङा छेप्तुना ओम (युहान्ना २०:३१)॥
निङ्वाफुमागा चेॽया नुङ् येसु एको ओम्चि॥ ना नुसालागा छेप्तापपे आच्चाम्मा-आच्चाम्माहा कामगा उतुम्बे छेप्तामा॥ ङ्खाभाङ् कानिङ् था तोक्मा यामे, येसुमाङ् निङ्वाफुमागा उच्या नुङ् का पाक्स्वाङ्ना भोङ् कायाना मुक्ति पिखुबा ओम॥ ना छेप्तापका इम्ना भागपाहाङ् याॽमिचिङा येसु इमिन बिस्वास न्जोगुना बाङ्ना चेॽया था तोक्मा यामे॥ न्हाङ् ना छेप्तापका उलुम-उलुम्बे येसु लाप्मा हाक्निङ् ओन्दाङ् उका चेलाचिनुङ् साङ्गाति चोगाना, न्हाङ् कुरुसपे सिमा हाक्निङ् ओन्दाङ् उका चेलाचि उत्साहा पिचिहा चेॽया छेप्ताहा तोङ्मे॥ छेप्तापका आखेरिबे येसु न्लाबुना, कुरुसपे स्याना, स्यानाभाङ् फेरि हिङ्गिलिक लेक्साहोङ् चेलाचिगाबे ओताना चेॽयागा उतुम्बे छेप्तामा॥
ना छेप्तापपे छोक्ताहा चेॽया
ओन्दाङ्हा चेॽया १:१-१८
बाप्तिस्मा पिखुबा युहान्ना नुङ् येसुगा चेलाचि १:१९-५१
येसुगा सेवाकाइ २:१–१२:५०
यारुसालेमगा यो-खे येसुगा लेनचि १३:१–१९:४२
येसु स्यानाभाङ् हिङ्गिलिक लेक्साना, न्हाङ् फेरि ओताना २०:१-३१
येसु गालिलबे ओताना २१:१-२५
Поточний вибір:
युहान्ना छेप्ताप चिनातोक: YAKH
Позначайте
Поділитися
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2023, Wycliffe Bible Translators, Inc. and Nepal Bible Society