Luk 10
10
1An nar min uk neterua muan an Ieremera neterahmpen neremim 70 mun, an neterhaliaupan ilar kiu kiten kaiupan in le nauanu min mene iken min iken in terepuan iken.
2An netereni to ilar, Nemeruean ribor mero nerem takaisum nowanevin am; mero in ka eihwak kam Ieremera te nemeruean moma terhalita nerem takaisum le nemeruean tahan.
3Aruan; aihm ru, tiakhalipen kamiar kama nereri ship min le neki kuri natipun.
4Tenesalulan nowa karam wa karam asul wa nar nelikimiar rakavan lan, an teneseikaran kam ieremim ker le suatu.
5An takama tenakaruan le nimwa ker, tenakaiupan mani, Nemelinuan to nimwok.
6An takama neri nemelinuan iken nemelinuan temiar tereparik ton; mero takama rika, tereplelegpena mun to kamiar.
7An amairik le nimwa ka mamarkin mamaramnum nar takarofena, mero in ka iasum rauker in nemrin tahan. Tenesairouan nimwa min.
8An takama tenakaruan le nauanu ker an takarir kamiar, arkin nar takaihlau kam kamiar,
9An arol ut nerem kamaremis iken, an mani to ilar, Niko te Wuhgin reknua iwaket to kamiar.
10An takama tenakaruan le nauanu ker an tesariran kamiar, arier le suatu lan mamani,
11Nemoulul mun le nauanu temiar ierem ramapitipa le nelikimar kamar tiakahipel atagatag le kamiar; mero arhinatin nar uk moma Niko te Wuhgin reknuwaket.
12Tiakani to kamiar, repavit to Sodom le nian ka mero reptat to nauanu ka.
13Awe tonik, Korasin, awe tonik, Bethsaida; mero in ka takama narepuk min kamol le nekimiar kapol Tair mene Saidon to kapaleleg nuhu maiwata le nukulua mene nemrau
14Mero repavit to Tair mene Saidon le nian te nuhwapraian mero reptat to kamiar.
15An ik Kaperneam, taplesit ik le neai? Taplesiau ik le Nekam asul.
16Ierem teretelegin kamiar teretelegin io, an ierem tereseniapkisan kamiar tereseniapkisan io; an ierem teresniapkisan io tereseniapkisan ierem rehmalipa io.
17An nerem 70 netakalelegpa le nagienan mamani, Ieremera, naremis mun kamarol nowa temar le netigam.
18An netereni to ilar, Iemahm Setan ram mesipe le neai rolkoma nerouaipan.
19Ahm ru, iaknofena kam kamiar nesanenan to nevukpukenan le tagalua min mene iesaietik min, mene to nepauan nesanenan min te tikimer, an nar ker terepesolan kamiar.
20Mere tenesaigienan to nar uk moma nanumun min kenaral nowa temair mero aigien mero in ka netigamiar kinrai le neai.
21Le aur ka neteragien le Nanumun Ausim mameni, Tiakani vivi ik, Tata, Ieremera le neai mene le ten, moma nemetkauigen nar min uk to nalbakau mene hninerik, an nemhinhin ilar to kova kova min; nuparhien, Tata, mero in ka ravit mok le nemram.
22Naremnar min kenofa kam io le Tata, an resolan moma ieremim ker rhinatin moma pehe Nerin mero Remin am, an moma pehe Remin mero Nerin am, mene ierem Nerin rolkeikei moma terhinhin in ton.
23An neterhwin to tan ieremim min, mameni to ilar pusen am. Nemrin keikei nemri nerem kamaihm nar nakamaihm.
24Mero in ka tiakani to kamiar moma profeta nevin mene neremera kamarolkeikei mama takaihm nar nakamaihm an kamesaihman, an mama takairou nar nakamairou an kamesairouan.
25An ahm ru, ierem le nowa asul ker neterermig mamatkoigen nekin mameni, Ietikun, tiakol neta mos nemihwan lilen lan?
26An netereni ton. Neta kamrai le nowa asul? Nakamahwin neta?
27An neteraram meni, Olkeikei Ieremera taham Wuhgin le nekim etahun mene le nanumam etahun mene le nowanulam etahun, mene le nhinatinan etahun taham, molkeikei tamiel kama ik atu mene.
28An netereni ton, Neknaram etuatu; ol nar uk an tenepemiuh.
29An neterolkeikei moma terol ut atu in an netereni to Iesu, An pehe takiel?
30An Iesu neteraram meni. Ieremim ker netersipe le Jerusalem matite makavan Jeriko, an neterampen le neki nakihla, an netakauilik lan, mamahro mamaruan maipas in iwaket am remis.
31An le nian am ka ierem le nuhwasigenan ker neteratite makavan le suatu ka, an neterahm in neteravan kalin ton.
32An rol mun mok Livai ker neterua mun iken ka, an neterahm neteravan kalin.
33Mero ierem Sameria ker le navenan tahan neterua ton, an neterahm in, an nekin neteramahma ton,
34An neterua ton, mamiap tanmakam mamuipen nihin nar mene wain, an neterehlau in letui iatipun tahan, an neterir in muan le nimwa ker mamahm ut in.
35An lauk in netereleg peni kiu mofen kam ierem le nimwa ka, mameni, Amahm ena in, an takama ik tenepetaken mun nar ker lan io tiapofena tain kam ik takama tiaklelegpa mun.
36Ierem petuan le nerem mihlel uk nekim rakahmo moma taniel ierem ramampen le neki nakihla?
37An netereni, Ierem ramol nolkeikeian ton. An Iesu netereni ton, Ik uan mol mun maka.
38An netakamaruan, an neterua le nauanu ker; an beravin ker netigen Martha neteriripen in le nimwa tahan.
39An nohran ker netigen Meri ierem ramowata le neliki Ieremera mameteleg in nakaran tahan.
40Mero Martha ramalekut mamol atkokun asul nar, an neterua ton mameni, Ieremera. Ik neseniapkisan moma nohrok ramapas io iakamol atkokun pusen am nar? Mero in ka ani ton moma terasitu lak.
41Mero Ieremera neteraram menipen ton, Martha, Nekim ramavanepuk mamol tipil to naremnar min ribor.
42Mero nar karena takakeikei lan; mero in ka Meri reknahmpen nowanverin ierem iravit, ierem tepesevitean ton.
Поточний вибір:
Luk 10: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.
Luk 10
10
1An nar min uk neterua muan an Ieremera neterahmpen neremim 70 mun, an neterhaliaupan ilar kiu kiten kaiupan in le nauanu min mene iken min iken in terepuan iken.
2An netereni to ilar, Nemeruean ribor mero nerem takaisum nowanevin am; mero in ka eihwak kam Ieremera te nemeruean moma terhalita nerem takaisum le nemeruean tahan.
3Aruan; aihm ru, tiakhalipen kamiar kama nereri ship min le neki kuri natipun.
4Tenesalulan nowa karam wa karam asul wa nar nelikimiar rakavan lan, an teneseikaran kam ieremim ker le suatu.
5An takama tenakaruan le nimwa ker, tenakaiupan mani, Nemelinuan to nimwok.
6An takama neri nemelinuan iken nemelinuan temiar tereparik ton; mero takama rika, tereplelegpena mun to kamiar.
7An amairik le nimwa ka mamarkin mamaramnum nar takarofena, mero in ka iasum rauker in nemrin tahan. Tenesairouan nimwa min.
8An takama tenakaruan le nauanu ker an takarir kamiar, arkin nar takaihlau kam kamiar,
9An arol ut nerem kamaremis iken, an mani to ilar, Niko te Wuhgin reknua iwaket to kamiar.
10An takama tenakaruan le nauanu ker an tesariran kamiar, arier le suatu lan mamani,
11Nemoulul mun le nauanu temiar ierem ramapitipa le nelikimar kamar tiakahipel atagatag le kamiar; mero arhinatin nar uk moma Niko te Wuhgin reknuwaket.
12Tiakani to kamiar, repavit to Sodom le nian ka mero reptat to nauanu ka.
13Awe tonik, Korasin, awe tonik, Bethsaida; mero in ka takama narepuk min kamol le nekimiar kapol Tair mene Saidon to kapaleleg nuhu maiwata le nukulua mene nemrau
14Mero repavit to Tair mene Saidon le nian te nuhwapraian mero reptat to kamiar.
15An ik Kaperneam, taplesit ik le neai? Taplesiau ik le Nekam asul.
16Ierem teretelegin kamiar teretelegin io, an ierem tereseniapkisan kamiar tereseniapkisan io; an ierem teresniapkisan io tereseniapkisan ierem rehmalipa io.
17An nerem 70 netakalelegpa le nagienan mamani, Ieremera, naremis mun kamarol nowa temar le netigam.
18An netereni to ilar, Iemahm Setan ram mesipe le neai rolkoma nerouaipan.
19Ahm ru, iaknofena kam kamiar nesanenan to nevukpukenan le tagalua min mene iesaietik min, mene to nepauan nesanenan min te tikimer, an nar ker terepesolan kamiar.
20Mere tenesaigienan to nar uk moma nanumun min kenaral nowa temair mero aigien mero in ka netigamiar kinrai le neai.
21Le aur ka neteragien le Nanumun Ausim mameni, Tiakani vivi ik, Tata, Ieremera le neai mene le ten, moma nemetkauigen nar min uk to nalbakau mene hninerik, an nemhinhin ilar to kova kova min; nuparhien, Tata, mero in ka ravit mok le nemram.
22Naremnar min kenofa kam io le Tata, an resolan moma ieremim ker rhinatin moma pehe Nerin mero Remin am, an moma pehe Remin mero Nerin am, mene ierem Nerin rolkeikei moma terhinhin in ton.
23An neterhwin to tan ieremim min, mameni to ilar pusen am. Nemrin keikei nemri nerem kamaihm nar nakamaihm.
24Mero in ka tiakani to kamiar moma profeta nevin mene neremera kamarolkeikei mama takaihm nar nakamaihm an kamesaihman, an mama takairou nar nakamairou an kamesairouan.
25An ahm ru, ierem le nowa asul ker neterermig mamatkoigen nekin mameni, Ietikun, tiakol neta mos nemihwan lilen lan?
26An netereni ton. Neta kamrai le nowa asul? Nakamahwin neta?
27An neteraram meni, Olkeikei Ieremera taham Wuhgin le nekim etahun mene le nanumam etahun mene le nowanulam etahun, mene le nhinatinan etahun taham, molkeikei tamiel kama ik atu mene.
28An netereni ton, Neknaram etuatu; ol nar uk an tenepemiuh.
29An neterolkeikei moma terol ut atu in an netereni to Iesu, An pehe takiel?
30An Iesu neteraram meni. Ieremim ker netersipe le Jerusalem matite makavan Jeriko, an neterampen le neki nakihla, an netakauilik lan, mamahro mamaruan maipas in iwaket am remis.
31An le nian am ka ierem le nuhwasigenan ker neteratite makavan le suatu ka, an neterahm in neteravan kalin ton.
32An rol mun mok Livai ker neterua mun iken ka, an neterahm neteravan kalin.
33Mero ierem Sameria ker le navenan tahan neterua ton, an neterahm in, an nekin neteramahma ton,
34An neterua ton, mamiap tanmakam mamuipen nihin nar mene wain, an neterehlau in letui iatipun tahan, an neterir in muan le nimwa ker mamahm ut in.
35An lauk in netereleg peni kiu mofen kam ierem le nimwa ka, mameni, Amahm ena in, an takama ik tenepetaken mun nar ker lan io tiapofena tain kam ik takama tiaklelegpa mun.
36Ierem petuan le nerem mihlel uk nekim rakahmo moma taniel ierem ramampen le neki nakihla?
37An netereni, Ierem ramol nolkeikeian ton. An Iesu netereni ton, Ik uan mol mun maka.
38An netakamaruan, an neterua le nauanu ker; an beravin ker netigen Martha neteriripen in le nimwa tahan.
39An nohran ker netigen Meri ierem ramowata le neliki Ieremera mameteleg in nakaran tahan.
40Mero Martha ramalekut mamol atkokun asul nar, an neterua ton mameni, Ieremera. Ik neseniapkisan moma nohrok ramapas io iakamol atkokun pusen am nar? Mero in ka ani ton moma terasitu lak.
41Mero Ieremera neteraram menipen ton, Martha, Nekim ramavanepuk mamol tipil to naremnar min ribor.
42Mero nar karena takakeikei lan; mero in ka Meri reknahmpen nowanverin ierem iravit, ierem tepesevitean ton.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.