Luk 11
11
1An neteramohwak iken ker an neterahwak naunin an tan ieremim ker netereni ton, Ieremera, atikun kamar le nahwakan, rolkoma Jon mun rametikun neremim tahan.
2An netereni to ilar, Takama nakaihwak ani mama, Remimar, pas netigam rausim, pas niko taham rua, Pas nowam tapol rolkoma le neai mene le ten mun,
3Ofa kam kamar nauganan rauker in nian towe le nian min;
4An mosita tehwaga tat temar, mero in ka kamar mun tiakaipas am nar neremim kamaros apnapin to kamar. An tenesiripenan kamar le nofenofenan.
5An netereni to ilar, Pehe le kamiar terepos niel an terepua ton lapin lalukan mameni ton, Takiel, ofa kam io bred kisil;
6Mero in ka takiel reknua tonio le navenan apahm tahan, an iesosan nar ker tiakofen kam in.
7An in imwa tereparam meni, Asolan nalkutan kam io; tapin riakis, an nereruk kamar min ilar le nihmawa; io iesermigan mofena kam ik.
8Tiakani to kamiar, Takama resermigan mofen kam in mero in ka taniel, mero le nakeikeian asul tahan terepermig mamofen kam in ierem min rolkeikei.
9An tiakani to kamiar, Eihrapkin, an tapofena kam kamiar; aitkoigen, an tenepaihm; atiti an kapetita to kamiar.
10Mero in ka ierem tererhapkin, teros; an ierem teratkoigen, terahm; an ierem teretiti, kapetita ton.
11An pehe le kamiar remitil ker takama nerin teretamap in bred ton, terepofen kapiel kam in? Wa retamap in nam, rapofen tagalua kam in mapas nam.
12Wa takama retamap in nowahnali menuk, terepofen iesaietik kam in?
13Mero in ka takama kamiar neremim tat nakarhinatin mama tenakarofen nar ut kam nererimiar, kuhu mun Remimiar le neai terepofen Nanumun Ausim kam nerem takareramap in ton.
14An neterakahmaliatou manumun tat ker ierem nekin rika; an nanumun tat neterier an ierem nekin rika neteramakar. An nahuto min nanumun ilar neterakamuka ton.
15Mero ilar nevin netakani, Le nesanenan taha Beelsibab ieremera te nanumun tat min, rahmaliatou nanumun tat min.
16An nevin mun netakamarofenofen kam in mameihrapkin ton nimtatin ker resipe le neai.
17Mero neterhinatin nar nekin ilar rakahmo, netereni to ilar, Niko min ierem kenotaprai atu terepol numnan iken, an nimwa terepam menpen le ker.
18An takama Setan mun rotaprai atu, niko tahan teretua mail? Mero in ka kamiar nakani mama le nesanenan taha Beelsibab io iakhaliatou nanumun tat min.
19Mero takama io iakhaliatou nanumun tat min le nesanenan taha Beelsibab nererumiar kamahiliatou ilar le nesanenan te fe? An le nar uk tapol ilar nerem takarhwaprai nar to kamiar.
20Mero takama io iakahmaliatou nanumun tat min le nowa nelimi Wuhgin, niko te Wuhgin rekneroatis kamiar.
21Takama ierem resanen ramos pisapis te neluakenan mamahmena nimwa tahan, nauta tahan teramarik am le nemelinuan.
22Mero takama ierem iresanen kama in terua ton mepita ton, in terosita petum pisapis te neluakenan tahan ierem ramateta lan, an moti nauta tahan.
23Ierem resasituan lak ramoletat lak, an ierem reshwafugenpean nar kamlau min, ramos arir.
24Takama nanumun tat terier le ieremim ker, in teruan mier iken nu rika iken metkoigen namigan, an teresahman, an tereni, Io tiepleleg pen mun le nimwa tahak iken iemier iken.
25An terua mahm in kehnapel, an kenol ut.
26An teruan mir mun nanumun tat katilum mekiu mun katat aken kama in mene, an terua marik iken; an netetan oatisig te ieremim ka retat aken kama iraupan.
27An ramameni ena nar min uk an beravin ker le nahuto neterasak apahm mameni ton, Nowa netipun keikei ierem remles ik, mene naha nemamaih.
28Mero netereni, Mero nerem keikei nerem kamairou nakaran te Wuhgin mamarol.
29An nahuto min netakarhwafugen ton an netererwowun mameni, Nepsen neremim uk nepsen neremim tat: Kamaitkoigen nimtatin, an nimtatin tepesofenan kam ilar mero nimtatin am le Jona.
30Mero in ka rolkoma Jona in nimtatin to nerem Nineve, rol mok lan Neri Ieremim terepol le nepsen neremim uk.
31Wasekam le ten pis terepermig le nuhwapraian to nerem le nepsen uk an terepetat ilar; mero in ka remsipe le nuhiefi ten moma tererou nalbakauan taha Solomon, an ahm ru, iribor le Solomon ikenuk.
32Nerem Nineve tepairmig le nuhwapraian to nepsen neremim uk an mepeitat; mero in ka kamaleleg le netikunan taha Jona, an ahm ru, iribor le Jona ikenuk.
33Ieremin ker tereseluan nisia mamehlau iken kametkauigen nar iken wa teruu le nevige nar, mero terehlau le neliki nisia moma nerem takarau imwa takaihm hnakakan.
34Nisia te nubalakitil nemritil. Takama nemram ravit nubalakam petum hrakak; mero takama retat, nubalakam mun terapinap.
35Mero in ka tenakamahmena moma hnakakan lam teresolan napinapan.
36Mero in ka takama nubalakam petum hrakak an nowanverin ker resapinapan, terefhakak petum rolkoma nisia terasiakapun ik le neroaipan.
37An ramamakar ena an Farisi ker netererhapuk ton moma teraugan ilau min; an neteruan imwa mowata to nauganan.
38An Farisi neterahm an nanumun neterika ton mero i ka resaupanan metauilam mepaugan.
39Mero Ieremera netereni ton, Mero kamiar Farisi min nakamahipel nemata nevigenar mene nar kamaugan lan, mero imwa le kamiar ret le nakihlean mene tehwaga tat.
40Kamiar nerem nakarenoeno, resolan moma ierem ramol nar ilua ramol mun nar imwa?
41Mero arofen am nar imwa, an ahm ru, nar min tefhapel to kamiar.
42Mero awe to kamiar Farisi min, mero in ka nakamarofen mint mene ru mene nik asuas min, an nakamaipas nuhwapraian mene nolkeikeian te Wuhgin; mero ierem min uk tenakaikeikei marol mesaipasan ierem min an.
43Awe to kamiar Farisi min, mero in ka nakarolkeikei nihmawa aremera le nimwa ahwak mene nakarvian imaim.
44Awe to kamiar, mero in ka kamiar nakarolkoma nimil kamtoui esun, an neremim kamailiwak lan matiktik am.
45An ierem le nowa asul ker neteraram menipen ton, Ietikun, nakameni nar min uk mametat mun kamar.
46An netereni, Awe to kamiar mun nerem le nowa asul, mero in ka nakameihlaupen le neremim nar pukam repukam to nositan, an kamiar atu nesariapan narpukam le nowa nelimamiar karena.
47Awe to kamiar mero in ka nakamarol nimil kamrenum profeta min iken, an remimiar min kamemahro ilar.
48An rol mok kamiar nerem nakamani esas mamareghanin tehwaga te ripumiar min, mero in ka ilar kamarhwapnin ilar an kamiar nakamarol nimil kamrenum ilar iken.
49An le nar uk mun nalbakauan te Wuhgin rameni, Tiafhalipen to ilar profeta min mene apostelo min, an teparhwapnin nevin le ilar an meparol nahmean kam nevin.
50Moma nita profeta min kavi le nerwowuna ten uk tepehrapuk to nepsen neremim uk,
51Resipe le nita Ebel mua le nita Sakaraias ierem kahmo le nowanmuhli nar kamhwasigen lan mene nimwa; nuparhien, tiakani to kamiar, tepehrapuk to nepsen neremim uk.
52Awe to kamiar nerem le nowa asul, mero in ka nemarosita nar kameutin ita nhinatinan nar lan; nemesaruanatuan imwa an nemeinhiau nerem kama takaruan iken.
53An neterier iken, an nerem kamatikun mene Farisi min netakarwowun mamarol niehma kam in mameihrapuk hmahma ton to nar min ribor;
54Mamaimel alkalik ton mama takaros nar ker tersipe le hnulin.
Поточний вибір:
Luk 11: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.
Luk 11
11
1An neteramohwak iken ker an neterahwak naunin an tan ieremim ker netereni ton, Ieremera, atikun kamar le nahwakan, rolkoma Jon mun rametikun neremim tahan.
2An netereni to ilar, Takama nakaihwak ani mama, Remimar, pas netigam rausim, pas niko taham rua, Pas nowam tapol rolkoma le neai mene le ten mun,
3Ofa kam kamar nauganan rauker in nian towe le nian min;
4An mosita tehwaga tat temar, mero in ka kamar mun tiakaipas am nar neremim kamaros apnapin to kamar. An tenesiripenan kamar le nofenofenan.
5An netereni to ilar, Pehe le kamiar terepos niel an terepua ton lapin lalukan mameni ton, Takiel, ofa kam io bred kisil;
6Mero in ka takiel reknua tonio le navenan apahm tahan, an iesosan nar ker tiakofen kam in.
7An in imwa tereparam meni, Asolan nalkutan kam io; tapin riakis, an nereruk kamar min ilar le nihmawa; io iesermigan mofena kam ik.
8Tiakani to kamiar, Takama resermigan mofen kam in mero in ka taniel, mero le nakeikeian asul tahan terepermig mamofen kam in ierem min rolkeikei.
9An tiakani to kamiar, Eihrapkin, an tapofena kam kamiar; aitkoigen, an tenepaihm; atiti an kapetita to kamiar.
10Mero in ka ierem tererhapkin, teros; an ierem teratkoigen, terahm; an ierem teretiti, kapetita ton.
11An pehe le kamiar remitil ker takama nerin teretamap in bred ton, terepofen kapiel kam in? Wa retamap in nam, rapofen tagalua kam in mapas nam.
12Wa takama retamap in nowahnali menuk, terepofen iesaietik kam in?
13Mero in ka takama kamiar neremim tat nakarhinatin mama tenakarofen nar ut kam nererimiar, kuhu mun Remimiar le neai terepofen Nanumun Ausim kam nerem takareramap in ton.
14An neterakahmaliatou manumun tat ker ierem nekin rika; an nanumun tat neterier an ierem nekin rika neteramakar. An nahuto min nanumun ilar neterakamuka ton.
15Mero ilar nevin netakani, Le nesanenan taha Beelsibab ieremera te nanumun tat min, rahmaliatou nanumun tat min.
16An nevin mun netakamarofenofen kam in mameihrapkin ton nimtatin ker resipe le neai.
17Mero neterhinatin nar nekin ilar rakahmo, netereni to ilar, Niko min ierem kenotaprai atu terepol numnan iken, an nimwa terepam menpen le ker.
18An takama Setan mun rotaprai atu, niko tahan teretua mail? Mero in ka kamiar nakani mama le nesanenan taha Beelsibab io iakhaliatou nanumun tat min.
19Mero takama io iakhaliatou nanumun tat min le nesanenan taha Beelsibab nererumiar kamahiliatou ilar le nesanenan te fe? An le nar uk tapol ilar nerem takarhwaprai nar to kamiar.
20Mero takama io iakahmaliatou nanumun tat min le nowa nelimi Wuhgin, niko te Wuhgin rekneroatis kamiar.
21Takama ierem resanen ramos pisapis te neluakenan mamahmena nimwa tahan, nauta tahan teramarik am le nemelinuan.
22Mero takama ierem iresanen kama in terua ton mepita ton, in terosita petum pisapis te neluakenan tahan ierem ramateta lan, an moti nauta tahan.
23Ierem resasituan lak ramoletat lak, an ierem reshwafugenpean nar kamlau min, ramos arir.
24Takama nanumun tat terier le ieremim ker, in teruan mier iken nu rika iken metkoigen namigan, an teresahman, an tereni, Io tiepleleg pen mun le nimwa tahak iken iemier iken.
25An terua mahm in kehnapel, an kenol ut.
26An teruan mir mun nanumun tat katilum mekiu mun katat aken kama in mene, an terua marik iken; an netetan oatisig te ieremim ka retat aken kama iraupan.
27An ramameni ena nar min uk an beravin ker le nahuto neterasak apahm mameni ton, Nowa netipun keikei ierem remles ik, mene naha nemamaih.
28Mero netereni, Mero nerem keikei nerem kamairou nakaran te Wuhgin mamarol.
29An nahuto min netakarhwafugen ton an netererwowun mameni, Nepsen neremim uk nepsen neremim tat: Kamaitkoigen nimtatin, an nimtatin tepesofenan kam ilar mero nimtatin am le Jona.
30Mero in ka rolkoma Jona in nimtatin to nerem Nineve, rol mok lan Neri Ieremim terepol le nepsen neremim uk.
31Wasekam le ten pis terepermig le nuhwapraian to nerem le nepsen uk an terepetat ilar; mero in ka remsipe le nuhiefi ten moma tererou nalbakauan taha Solomon, an ahm ru, iribor le Solomon ikenuk.
32Nerem Nineve tepairmig le nuhwapraian to nepsen neremim uk an mepeitat; mero in ka kamaleleg le netikunan taha Jona, an ahm ru, iribor le Jona ikenuk.
33Ieremin ker tereseluan nisia mamehlau iken kametkauigen nar iken wa teruu le nevige nar, mero terehlau le neliki nisia moma nerem takarau imwa takaihm hnakakan.
34Nisia te nubalakitil nemritil. Takama nemram ravit nubalakam petum hrakak; mero takama retat, nubalakam mun terapinap.
35Mero in ka tenakamahmena moma hnakakan lam teresolan napinapan.
36Mero in ka takama nubalakam petum hrakak an nowanverin ker resapinapan, terefhakak petum rolkoma nisia terasiakapun ik le neroaipan.
37An ramamakar ena an Farisi ker netererhapuk ton moma teraugan ilau min; an neteruan imwa mowata to nauganan.
38An Farisi neterahm an nanumun neterika ton mero i ka resaupanan metauilam mepaugan.
39Mero Ieremera netereni ton, Mero kamiar Farisi min nakamahipel nemata nevigenar mene nar kamaugan lan, mero imwa le kamiar ret le nakihlean mene tehwaga tat.
40Kamiar nerem nakarenoeno, resolan moma ierem ramol nar ilua ramol mun nar imwa?
41Mero arofen am nar imwa, an ahm ru, nar min tefhapel to kamiar.
42Mero awe to kamiar Farisi min, mero in ka nakamarofen mint mene ru mene nik asuas min, an nakamaipas nuhwapraian mene nolkeikeian te Wuhgin; mero ierem min uk tenakaikeikei marol mesaipasan ierem min an.
43Awe to kamiar Farisi min, mero in ka nakarolkeikei nihmawa aremera le nimwa ahwak mene nakarvian imaim.
44Awe to kamiar, mero in ka kamiar nakarolkoma nimil kamtoui esun, an neremim kamailiwak lan matiktik am.
45An ierem le nowa asul ker neteraram menipen ton, Ietikun, nakameni nar min uk mametat mun kamar.
46An netereni, Awe to kamiar mun nerem le nowa asul, mero in ka nakameihlaupen le neremim nar pukam repukam to nositan, an kamiar atu nesariapan narpukam le nowa nelimamiar karena.
47Awe to kamiar mero in ka nakamarol nimil kamrenum profeta min iken, an remimiar min kamemahro ilar.
48An rol mok kamiar nerem nakamani esas mamareghanin tehwaga te ripumiar min, mero in ka ilar kamarhwapnin ilar an kamiar nakamarol nimil kamrenum ilar iken.
49An le nar uk mun nalbakauan te Wuhgin rameni, Tiafhalipen to ilar profeta min mene apostelo min, an teparhwapnin nevin le ilar an meparol nahmean kam nevin.
50Moma nita profeta min kavi le nerwowuna ten uk tepehrapuk to nepsen neremim uk,
51Resipe le nita Ebel mua le nita Sakaraias ierem kahmo le nowanmuhli nar kamhwasigen lan mene nimwa; nuparhien, tiakani to kamiar, tepehrapuk to nepsen neremim uk.
52Awe to kamiar nerem le nowa asul, mero in ka nemarosita nar kameutin ita nhinatinan nar lan; nemesaruanatuan imwa an nemeinhiau nerem kama takaruan iken.
53An neterier iken, an nerem kamatikun mene Farisi min netakarwowun mamarol niehma kam in mameihrapuk hmahma ton to nar min ribor;
54Mamaimel alkalik ton mama takaros nar ker tersipe le hnulin.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.