Luk 8
8
1An le nian ka roatisig ker neteruan mier pen le nauanu asul min mene nauanu wasuas min mametikun mamausito in nakaran ut te niko te Wuhgin.
2An nerem katilum katilum mekiu ilar min, mene neberan kamol ut ilar nevin le nanumun tat mene le nemisan min, Meri ierem netigen Makdalini ierem nanumun tat katilum mekiu kamarier lan,
3Mene Joana nuai Kusa ieremera le nolatkokun nar taha Herod, mene Susana mene nevin mun ribor, ierem min kamarol atkokun nar ton le nauta tenilar.
4An nahuto ribor netakarhwafugen an neremim le nauanu min netakarua ton, an netereni le hnoa nakaran,
5Ierem ravusus rier moma terusus nowa nik tahan. An le nususan tahan nevin neteresaspen le nikali suatu, an netakaliwak lan an nemenuk le neai netakarkin ita.
6An nevin mun neteresaspen letui kapiel, an neterevia mimer mero in ka resosan nemrean.
7An nevin mun neteresaspen le neki nul kasik, an nul kasik neterevia mun iken muhwakamkuman in.
8An nevin mun nteresas le nemapten ut, an neterevia mamowa in nowan mau 100. An netereni nar min uk neterasak, Ierem ros nepagtelegen moma tererou pas rerou.
9An tan ieremim min netakaihrapuk ton mama, Neta nubalaki hnoa nakaran uk?
10An netereni, Kenofena kam kamiar moma tenakarhinatin nar min kametkauigen le niko te Wuhgin; mero to nevin mun le hnoa nakaran, moma takaihm mesaihman, mamairou mesarhinatinan.
11An in uk hnoa nakaran, nowa nik in nakaran te Wuhgin.
12An nerem le nikali suatu ilar nerem kamairou; an Iaremis terua mosita nakaran le nekin ilar moma tesanian nuparhienan lan maros nemihwan.
13An nerem letui kapiel ilar nerem kairou nakaran maros le nagienan, an ilar kasarosan nukin ilar, an kamani nuparhienan lan le nian te nofenofenan kaleleg.
14A ierem resas le neki nul kasik, ilar nerem kairou mamaruan, an kuhwakamkuman ilar le welig mene nauta mene nagienan te nemihwan uk, an nowan ilar resapipan.
15An ierem le nemapten ut, ilar nerem le nekin ilar ravit mavit aken kairou nakaran maros tumutum, an karowa in nowan ilar mamairik hmahma.
16An resolan moma ieremim ker terilu nisia metisun le nevige nar wa terehlau lahau le tultul, mero terofen le neliki nisia, moma nerem takarua imwa takaihm knakakan.
17Mero in ka resolan moma nar kametkauigen ter tepesosiatouan, an resolan moma nar rakamel maniwan ker tepeshinatinan an tepesosiatouan.
18Mero in ka le nar uk aihmena mama nakametuairou; mero in ka ierem ramos nar tapofen kam in; an ierem resosan, taposita ton nar rama ramos.
19An inen neterua ton mene pian min, an riakis to ilar moma takarua ton mero in ka nahuto.
20An kameni ton, Inam mene piam min kamailil ilua marolkeikei mama takaihm ik.
21Mero neteraram menipen to ilar, Iama mene piak min ilar nerem takairou nakaran te Wuhgin mamarol.
22An nian ka ker neteruan le bot, ilar tan ieremim min, an netereni to ilar, Pas karuan le neutai nisiu, an netakarier.
23Mero ilar kamaisua an in neteramapul. An nemetag asul neteratite le nisiu an tehe ramamepalum ilar an iwaket am kaimunum.
24An netakarua masig in mamani, Ieremera, Ieremera, netakaimunum. An neterait neterenhiau nemetag mene peau le tehe; an netukuopas, an neteremelinu.
25An netereni to ilar, Nuparhienan petuan temiar? An netakamarigen an nowa nanumun ilar neterakamuka, an netakani to ilar min, An pehe uk ierem rameni nowa tahan to nemetag mene tehe an kamiaol nowan.
26An netakaisua marua le ten te nerem Kerasa, ierem le televinpen le Kalili.
27An neterier le ten an ieremim ker netersipe le nauanu ka nanumun tat min kamairik lan neterail tosig in; an nanuhu aken remeseviuan le napen, an resarikan le nimwa ker mero le neki nerenumaran.
28An neterahm Iesu neterasak neteram le nemrin, an netereni le nakarapahman, Neta tonia mene ton ik, Iesu Neri Wuhgin Iles aken? Tiakakeikei kam ik tenesolan nahmean kam io.
29Mero in ka rameni to nanumun tat moma terier le ieremim ka. Mero in ka le nian nevin remhiapatin in, an kamelis le tsen mene nar kamkoupen le neliken an kahlau in imwa, an ramerkahl nar kamkoupen lan, an kamasig leluan le nanumun tat.
30An Iesu netererhapuk ton, Pehe Netigam? An netereni, Lijion, mero in ka nanumun tat min ribor kamaruan lan.
31An netakamaikeikei kam in mama teresenian to ilar moma takaruan le nimil.
32Mero iken numani nepukas ribor kamarugan le towar; an netakamaikeikei kam in mama terapas ilar karuan le ilar; an neterehganin ilar.
33An nanumun tat min netakarier le ieremim ka maruan le nepukas, an numani nepukas netakari le nekilhi nar maruan le nisiu maimunum.
34An nerem kamemaiugan ilar netakaihm nar kenol netakaikam, an netakaiusito in le nauanu mene le ten ka.
35An netakarier marua mama takaihm nar kamol, an netakarua to Iesu, an netakaihm ierem nanumun tat min kenarier lan ramowata le neliki Iesu rekneviu an nekin rekninerik, an naginan neteramos ilar.
36A nerem kamaihm netakani to ilar mama ierem nanumun tat min kamemairik lan kametua kol ut.
37An neremim min petum le ten min ka te nerem Kerasa netakaihrapuk ton mama terapas ilar; mero in ka naginan asul reknos ilar. An neteruan le bot meleleg.
38Mero ierem nanumun tat kenarier lan neteramakeikei kam in moma ilau min, mero neterhalita in mameni,
39Lelegpen mun le taham nimwa mameni narepuk min Wuhgin reknol lam. An neteruan mameni le nauanu petum narepuk min Iesu reknol lan.
40An Iesu neterelelegpa an nahuto netakarir in lenagienan, mero in ka ilar muka kamameitanin in.
41An ahm ru ieremim ker neterua netigen Jeras, an in ieremera le nimwa ahwak, an neteram le neliki Iesu neteramakeikei kam in moma terua le nimwa tahan,
42Mero in ka nerin karena am beresuas niboran tahan le nu katilum katilum mekiu, an in neteremis. An ramakavan an nahuto min netakamarhiu in.
43An beravin ker nitan ramaih le nu katilum katilum mekiu, ierem ramaurai etahun nar ramarik lan tahan kam nerem kamarol ut til, mero riakis moma ker terol ut.
44An neterua le numatan miap nuhiefi nar rakava lan, an ihwe am nitan neterelahl.
45An Iesu netereni, Pehe ierem remiap io? An ilar muka netakaipunin, an Piter netereni ton, ilar nerem kamairoupen in, Ieremera, nahuto rauseluin ik mamarhiu ik.
46Mero Iesu netereni, Ieremim ker remiap io, mero in ka iamerou nesanenan remier lak.
47An beravin neterahm moma to resemel aken an neterametamnuman an mua mam le nemrin, an netereni le nemri neremim petum nar remiap in ton an moma kamol ut hwaihwai am.
48An netereni ton, Neruk, nuparhienan taham reknol ut ik; uan le nemelinuan.
49An ramamakar ena an ieremim ker netersipe le nimwa te ieremera le nimwa ahwak, netereni, Nerum reknemis, asolan nalkutan mun kam Ietikun.
50Mero Iesu netererou neteraram ton, moma, Asaginan, ani am nuparhienan, an tapos miuh in.
51An neterua imwa an remesapasan ker teruan imwa ilar min mero Piter am mene Jon mene Jems mene remi beresuas mene inen.
52An ilar min kamaisak mamareau apahm ton. Mero netereni, Asaisakan, mero in ka resemisan mero ramapul.
53An netakamalhiapninepus in, mero in ka karhinatin mama reknemis.
54Mero neteros nelimin an netereni apahm moma, Beresuas, armig.
55An nanumun neterelelegpa an neterermig hwaihwai am, an netereni moma tokofen nar ker rikin.
56An inen mene remin nanumun ilau neterika ton; an netereni to ilar moma tesanian to nar ker nar kenol.
Поточний вибір:
Luk 8: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.