Mathiu 12
12
1Loanian ka Iesu neteruan le neki korn le nian ausim, an tan ieremim min kamaimek, netakarwowun mamahl nowa korn mamarkin.
2Mero Farisi min netakaihm netakani ton, Ahm ru, taham ieremim min kamarol nar resmatuan moma takol le nian ausim.
3Mero netereni to ilar, Nesaihman le nawowa moma Devid remetol loanian ka rememek, ilar nerem kamairoupen in.
4Moma ravan le nimwa taha Wuhgin, an neterkin bred ausim, mero resmatuan ton moma terkin mene to nerem kamairoupen in, mero rematu am to nerem le nuhwasigenan.
5Wa nesaihman le nowa asul moma le nian ausim nerem le nuhwasigenan le nimwa ahwak kamarol nar le nian ausim mero kasarosan netetan.
6Mero tiakani to kamiar moma nar iribor le nimwa ahwak ikenuk.
7Mero takama tenakarhinatin hnoan nakaran uk, Io iakolkeikei tehwaga ut mero resolan moma nuhwasigenan, teneseikartetan kam nerem kasarolan tehwaga tat.
8Mero in ka Neri Ieremim reremera le nian ausim.
9An neterier iken neteruan le nimwa ahwak tenilar.
10An ahm ru, ieremim ker nelimin rapou. Netakaihrapuk ton mani, mama, Ramatu takol ut nar le nian ausim wa kapa? Mero in ka moma takaitat in ton.
11An netereni to ilar, Ieremim petuan le kamiar takama tahan ship karena, an in uk takama terampen le nimil le nian ausim tereshiapatinan mevita in?
12Ramau kuhu lan ieremim mene ship? Mero in ka rematu takol ut nar le nian ausim.
13An netereni to ieremim ka, Hwatuin nelimam. An neterhwatuin, an kenol ut kama neutain.
14Mero Farisi min netakarier, an netakamani to ilar min mama takatuamahro.
15Mero Iesu neterhinatin neterier iken; an nevin kairoupen in, an neteramol ut petum ilar.
16An neteramenhiau ilar moma tesarolan neremim karhinatin in.
17Moma reknet le nakaran kamameni le Aiseia profeta, moma,
18Ahm, ru iolatkokun nar tahak ierem iemahmpen,
Ierem keikei tahak nekiuk ragienipus ton,
Tiapehlau nanumok lan,
An terepeni nuhwapraian to nerem Jentail.
19Teresowoiean mesasakapaman,
An ierem ker tereseroan nakaran tahan le suatu.
20Tereserkahlan nuig remraker anumun,
An nekam rakawo maniwan teresoninan,
Meroatis nepenian terhalipen nuhwapraian le nesanenan,
21An le netigen nerem Jentail tepaiteta.
22Netakarir marua ton ierem nanumun tat ramarik lan, nemrin rou an nekin rika; an neterol ut in, an ierem nekin rika neterakar an mamahm nar.
23An nahuto min netakamaisak mamani, mama, In uk Neri Devid wa?
24Mero Farisi min netakairo netakani, Wus uk reselhiatouan nanumun tat mero le Beelzebab ieremera te nanumun tat min.
25An neterhinatin nar nekin ilar rakahmo netereni to ilar, Niko min takarutaprai atu kapetaken ilar; an nauanu min wa nimwa min kaparutaprai atu to kapasaililan.
26An takama Setan hraliatou Setan rapautaprai atu in, an niko tahan repetuail.
27An takama io le Beelzebab tiakhaliatou nanumun tat, le pehe nererimiar kahiliatou? Mero in ka ilar nerem takarhwaprai nar to kamiar.
28Mero takama io le Nanumun te Wuhgin tiakhiliatou nanumuu tat, niko te Wuhgin rekneroatis kamiar.
29Wa ieremim ker teretua muan le nimwa te ierem ausikausik, metaken tahan nauta, mero teraupan melis ierem ausikausik an mepetaken tahan nimwa.
30Ierem resasituan lak ramoletat lak. An ierem resasituan lak to nuhwafugenan ramos arir.
31Mero in ka tiakani to kamiar, netetan min mene nakartetan min taposita le neremim; mero nakartetan le Nanumun tepesositean.
32An ierem teraker tat kam Neri Ieremin, taposita netetan tahan, mero ierem teraker tat kam Nanumun Ausim tepesositean netetan tahan le ten uk wa le ten terepua.
33Takol nik ravit an nowan ravit, wa takol nik retat an nowan retat. Mero in ka nik kehninatin le nowan.
34Kamiar nereri tagalua, tenakaitua mani nakaran ut kamiar neremim tat? Mero in ka nar ret le neki til hnulitil rakameni.
35Ieremin ut le nauta vit tahan remosiatou nar ut; mero ieremim tat le nauta tat tahan ramosiatou nar retat.
36An io tiakani to kamiar, nakarapnapinan min neremim tepani tepehrapuk to ilar le nian te nuhwapraian.
37Mero in ka le nakaran taham tenapos nemihwan, an le nakaran taham tenapos netetan.
38An nerem kamatikun mene Farisi min nevin netakairam ton mamani, mama, Ieremera iakarolkeikei mama tiakaihm nar pusupus ker tonik.
39Mero neteraram menipen to ilar, Nerem tat mene nerem kamarol ouloul nar kamaitkoigen nar pusupus; mero nar pusupus tepesofenan kam ilar mero nar pusupus le profeta Jona.
40Mero in ka rolkoma Jona ramarik le netipu touhlai nian kisil mene lapin kisil, rolmok lan Neri Ieremim tereparik le neki ten le nian kisil mene lapin kisil.
41Nerem i Nineve tepailil le nuhwapraian kam nerem uk an mameitat; mero in ka kamaleleg le netikunan te Jona; an ahm ru, iribor le Jona ikenuk.
42Wasekam le ten pis terepermig le nuhwapraian kam nerem uk an mepetat; mero in ka netersipe le nuhiefin ten moma terero nalbakauan te Solomon; an ahm ru, iribor le Solomon ikenuk.
43An nanumun tat terier le ieremim an muan mier iken nu rika iken, matkoigen namigan mero resahman.
44An netereni, moma, Tieplelegpen mun le tahak nimwa iken iemier iken. An neterelelegpen mun mahm nevige nimwa am an kehnapel an kenol ut.
45An neteruan mir mun ton nanumun tat katilum mekiu mun katat aken kama in mene; netakaruan mamairik iken. An netetan oatisig te ieremim ka ramibor aken kama iraupan. Rolmok lan tapol to nerem uk katat.
46An in ramamakar ena kam nahuto an ahm ru, inen mene pian min kamailil ilua marolkeikei mama takaikar pen lan.
47An ker netereni ton, Ahm ru, inam mene piam min kamailil ilua marol keikei mama takaikarpena lam.
48Mero neteraram menipen to ierem rameni ton, Pehe iama? An pehe piak min?
49Neterhwatuin nelimin to tan ieremim min netereni, Ahm ru, iama mene piak min.
50Mero in ka ierem terol nowa te Tata le neai, in piak mene noinuk mene iama.
Поточний вибір:
Mathiu 12: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.