Mak 3
3
Ia Jisas e maurisia na tinoni te labe na limana
(Matiu 12:9-14; Luk 6:6-11)
1Me chikai laka na dani Sabat, ia Jisas e sahe tana vale lotu ira na Jiu. Me chikai na tinoni e toha lakamu tana tahu nia te labe na limana. 2Me kesana na Parasii nira ara chau matena solehana ira ia Jisas, ma kara ni paraa ia tina vahai ke maurisia ia na tinoni nia tana danina na Sabat. 3Ma ia Jisas e kori vania tinoni te labe na limana nia me kori vahai de, “Ko mai mo ko tuu levu naho de.” 4Me gesuara na tinoni nira me kori vahai vanira de, “?E vahai vei? ?Tana nida keja hita na hua te talasangaa na agosiana tana dani na Sabat? ?Ka agosia na omea talana teha ma ka agosia na omea sekoseko? ?Ka taha maurisi tinoni teha ma ka labu matesi tinoni?”
Mi ira ara teha laka na koria siki omea. 5Ma ia Jisas e moro talihu laba tatadira me kore, me melu tobana rongona tara utu na olisia na manasadira. Me kejalia ia na tinoni te labe na limana me kori vahai vania de, “Ko kanasia na limamu.” Me kanasia tinoni nia na limana, me laka visu soha. 6Mi tana tahu nia, mara basiaa ira na Parasii na vale lotu nia, mara vaikorihi kolura nina ala-ala ia Herod, na tinoni taovia leho. Mi ira ara valagu kolukolu tana naunau vahai vei kara ni labu matea ia Jisas.
Danga na tinoni ara sai tana lihilihi ni namo leho i Galili
7Ma ia Jisas kolu hana duli nira ara basiaa na vera leho nia mara dia laka tana namo leho i Galili. Me danga na tinoni ara bubukea ia Jisas. Na tinoni nira nia ara vota mai tana provins i Galili, mi tana provins i Jiudia. 8Me kesana ara vota mai i Jerusalem, mi tana provins i Idumia, mi tana vera nira tabana kolo i Jodan, mi tana vera nira tara toha talihu laba e ruka na vera leho i Taea mi Saedon. Mi ira na tinoni kode ara mai tatana ia Jisas matengana tara valingea na omea nira te agosia ia. 9Me danga solehana na tinoni, ba me tu ia Jisas me kori vanira hana duli nira kara onioni vania ia chikai na vaka pepechi, ma kara ni teha na tinoni nira na vaikapilihi. 10Ara danga solehana na tinoni ocheoche te maurisi nohara ia. Ia nimu te vahai e vu danga na tinoni tara vaikapilihi, kara ni chibelia ira ia Jisas. 11Mi ira na tinoni te toha na tarunga sekoseko tatadira, tana tahu vahai tara mai haea ia Jisas, mara sivo tuturu tana matana ia, mara huu leho vahai de, “!Ihoe na Dalena ia God!” 12Me valagu susuliha ia Jisas vanira na tarunga sekoseko nira, me luti vanira na kori lengaa isei ia.
Ia Jisas e vilia e sangavulu ruka na tinoni ni saurongo
(Matiu 10:1-4; Luk 6:12-16)
13Ma ia Jisas e dato tatana chikai na vungavunga, me solora na tinoni nira te ngavinara ia. Mara mai ira tatana ia, 14me vilira e sangavulu ruka na tinoni tatadira ira, me solo vahanira na tinoni ni saurongo. Me kori vahai vanira ia de, “Inau u vilihamu hamu, ma kamu mai bukeu nau. Minau ba ku sauhamu diadia visa na vera, ma kamu kori lengaa na Saurongo Talana, 15mihamu ba kamu tamani susuliha lakamu hana vati ni huru tarunga seko.”
16Ide na asadira ira e sangavulu ruka na tinoni te vilira ia Jisas.
Ia Saemon (na asana chikai te solo vahania ia Jisas ia Pita),
17ma ia Jemes ma ia Jon, koera nia na dalena mane ia Sebedi (ia Jisas e solo vahanikoera na asa de Boanejis, te padaa ia Na Dalena na Visa),
18ma ia Andru,
ma ia Pilip,
ma ia Batolomiu,
ma ia Matiu#3:18 Ia Matiu e chikai lakamu na asana ia Livae, na tinoni taha takisi tana Mak 2:12-17.,
ma ia Tomas,
ma ia Jemes na dalena ia Alpeas,
ma ia Tadeas,
ma ia Saemon na tinonina na ala-ala tara ngavina na huru chonia na gaumane ni Rom,
19ma ia Jiudas Iskariot, ia ngeni ba te ke saua ia Jisas vania nina hala nira.
Ia Jisas e suliha liungisia ia Setan
(Matiu 12:22-32; Luk 11:14-23; 12:10)
20Mi bukena, me visu mai ia Jisas tana vale te hanaa ia na toha tatana. Me danga solehana na tinoni ara mai laka mara tuu talihu labaa ia. Ma ia Jisas kolu hana duli nira ara teha tamania siki tahu ni hahani. 21Mi loera na vangana na valena ia Jisas ara valingea ia te teha na hahani, mara kori vahai de, “Tinoni nia e bule kalavata.” Mara dia loera mara ngavina na udungi visua ia Jisas.
22Me kesana na tinoni sau manasa tana nina keja ia Mosis tara toha i Jerusalem, ara sivo mai mara kori vahai de, “Ia Bielsebul#3:22 Ia Bielsebul e chikai lakamu na asana ia Setan. te tohavia ia Jisas. Ma ia Bielsebul na nidira lehona ira na tarunga sekoseko, ma ia te sau vania na tinoni de na susuliha, me ke ni hanaa ia na hurura na tarunga sekoseko.”
23Ma ia Jisas e solora na tinoni nira, mara mai varangisia ia me kori vanira kesana na kori titihila, me kori vahai de, “?E vahai vei ia Setan ke vu ni huru sohaa ia Setan? E utu ke vahai ia. 24Me tina vahai kara vaipiduhi ma kara vaivotahi na vangana e chikai na momoru, ira ba kara teha tuu ngachi. 25Me tina vahai na vangana e chikai na vale kara vaipiduhi, ira ba kara teha tuu ngachi lakamu. 26Me vahai soha lakamu tana nina ala-ala ia Setan. Tina vahai kara vaipiduhi ma kara vaivotahi, ira ba kara teha tuu ngachi ma kara kode bamu.
27“Na hua tamu parau nau hamu e teha vahai ia. Ma ia e vahai na kori titihila laka de. E utu ke chikai na tinoni ke sahe lalo valena ke chikai na tinoni susuliha, me ke tahara nina omea levo tatamani ia. Ia ke sori uluhia na tinoni susuliha nia, bukena me ke hanaa ia na sahe valena tinoni nia me ke tahara nina omea levo nira ia.
28“Inau u kori vanihamu na kori tutuni, ia God e hanaa na kori kenihua tatana e visa vatana na seko te agosia na tinoni, kolu visa na valagu sekoseko te koria ia. 29Me tina vahai siki tinoni te ke kori seko vania na Tarunga Tabu, ia God ba ke utu na kori kenihua tana hana seko, matengana na seko nia ba ke toha savaliu tatana, me utu ke vu kode.” 30Ia Jisas e koria na omea de, rongona kesana na tinoni nira ara kori vahai de, “Chikai na tarunga sekoseko te toha tatana tinoni nia.”
Ia Jisas e kori lengaa isei na vangana tutuni na valena ia
(Matiu 12:46-50; Luk 8:19-21)
31Tana tahu nia, mara mai chau tana vera de na tinana ia Jisas kolu na tasina nira ia. Mara tuu levu kulina vale nia, mara sau kori sahe ira i lalo vale mara nongia ia Jisas ke chulu mai i kuli. 32Me danga na tinoni ara tohotuu talihu labaa ia, mara kori vahai vania ia Jisas de, “Na tinamu ma na tasimu nira hoe ara mai tuu i kuli, mara ngavina ira na morosiho hoe.”
33Ma ia Jisas e kori vahai vanira de, “?Isei na tinagu nau, misei na tasigu nira nau?” 34Me moro dia ia tatadira na tinoni nira tara tohotuu talihu labaa, me kori vahai vanira laka de, “!Kamu morosia hamu! Ihamu na tinagu nau mi ira na tasigu nira nau! 35Rongona isei te ke agosia na hua te ngangavina ia God, ira nimu na tasigu ma na vavinegu ma na tinagu nau.”
Поточний вибір:
Mak 3: mln
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2024 (active), Wycliffe Bible Translators, Inc. All rights reserved
Mak 3
3
Ia Jisas e maurisia na tinoni te labe na limana
(Matiu 12:9-14; Luk 6:6-11)
1Me chikai laka na dani Sabat, ia Jisas e sahe tana vale lotu ira na Jiu. Me chikai na tinoni e toha lakamu tana tahu nia te labe na limana. 2Me kesana na Parasii nira ara chau matena solehana ira ia Jisas, ma kara ni paraa ia tina vahai ke maurisia ia na tinoni nia tana danina na Sabat. 3Ma ia Jisas e kori vania tinoni te labe na limana nia me kori vahai de, “Ko mai mo ko tuu levu naho de.” 4Me gesuara na tinoni nira me kori vahai vanira de, “?E vahai vei? ?Tana nida keja hita na hua te talasangaa na agosiana tana dani na Sabat? ?Ka agosia na omea talana teha ma ka agosia na omea sekoseko? ?Ka taha maurisi tinoni teha ma ka labu matesi tinoni?”
Mi ira ara teha laka na koria siki omea. 5Ma ia Jisas e moro talihu laba tatadira me kore, me melu tobana rongona tara utu na olisia na manasadira. Me kejalia ia na tinoni te labe na limana me kori vahai vania de, “Ko kanasia na limamu.” Me kanasia tinoni nia na limana, me laka visu soha. 6Mi tana tahu nia, mara basiaa ira na Parasii na vale lotu nia, mara vaikorihi kolura nina ala-ala ia Herod, na tinoni taovia leho. Mi ira ara valagu kolukolu tana naunau vahai vei kara ni labu matea ia Jisas.
Danga na tinoni ara sai tana lihilihi ni namo leho i Galili
7Ma ia Jisas kolu hana duli nira ara basiaa na vera leho nia mara dia laka tana namo leho i Galili. Me danga na tinoni ara bubukea ia Jisas. Na tinoni nira nia ara vota mai tana provins i Galili, mi tana provins i Jiudia. 8Me kesana ara vota mai i Jerusalem, mi tana provins i Idumia, mi tana vera nira tabana kolo i Jodan, mi tana vera nira tara toha talihu laba e ruka na vera leho i Taea mi Saedon. Mi ira na tinoni kode ara mai tatana ia Jisas matengana tara valingea na omea nira te agosia ia. 9Me danga solehana na tinoni, ba me tu ia Jisas me kori vanira hana duli nira kara onioni vania ia chikai na vaka pepechi, ma kara ni teha na tinoni nira na vaikapilihi. 10Ara danga solehana na tinoni ocheoche te maurisi nohara ia. Ia nimu te vahai e vu danga na tinoni tara vaikapilihi, kara ni chibelia ira ia Jisas. 11Mi ira na tinoni te toha na tarunga sekoseko tatadira, tana tahu vahai tara mai haea ia Jisas, mara sivo tuturu tana matana ia, mara huu leho vahai de, “!Ihoe na Dalena ia God!” 12Me valagu susuliha ia Jisas vanira na tarunga sekoseko nira, me luti vanira na kori lengaa isei ia.
Ia Jisas e vilia e sangavulu ruka na tinoni ni saurongo
(Matiu 10:1-4; Luk 6:12-16)
13Ma ia Jisas e dato tatana chikai na vungavunga, me solora na tinoni nira te ngavinara ia. Mara mai ira tatana ia, 14me vilira e sangavulu ruka na tinoni tatadira ira, me solo vahanira na tinoni ni saurongo. Me kori vahai vanira ia de, “Inau u vilihamu hamu, ma kamu mai bukeu nau. Minau ba ku sauhamu diadia visa na vera, ma kamu kori lengaa na Saurongo Talana, 15mihamu ba kamu tamani susuliha lakamu hana vati ni huru tarunga seko.”
16Ide na asadira ira e sangavulu ruka na tinoni te vilira ia Jisas.
Ia Saemon (na asana chikai te solo vahania ia Jisas ia Pita),
17ma ia Jemes ma ia Jon, koera nia na dalena mane ia Sebedi (ia Jisas e solo vahanikoera na asa de Boanejis, te padaa ia Na Dalena na Visa),
18ma ia Andru,
ma ia Pilip,
ma ia Batolomiu,
ma ia Matiu#3:18 Ia Matiu e chikai lakamu na asana ia Livae, na tinoni taha takisi tana Mak 2:12-17.,
ma ia Tomas,
ma ia Jemes na dalena ia Alpeas,
ma ia Tadeas,
ma ia Saemon na tinonina na ala-ala tara ngavina na huru chonia na gaumane ni Rom,
19ma ia Jiudas Iskariot, ia ngeni ba te ke saua ia Jisas vania nina hala nira.
Ia Jisas e suliha liungisia ia Setan
(Matiu 12:22-32; Luk 11:14-23; 12:10)
20Mi bukena, me visu mai ia Jisas tana vale te hanaa ia na toha tatana. Me danga solehana na tinoni ara mai laka mara tuu talihu labaa ia. Ma ia Jisas kolu hana duli nira ara teha tamania siki tahu ni hahani. 21Mi loera na vangana na valena ia Jisas ara valingea ia te teha na hahani, mara kori vahai de, “Tinoni nia e bule kalavata.” Mara dia loera mara ngavina na udungi visua ia Jisas.
22Me kesana na tinoni sau manasa tana nina keja ia Mosis tara toha i Jerusalem, ara sivo mai mara kori vahai de, “Ia Bielsebul#3:22 Ia Bielsebul e chikai lakamu na asana ia Setan. te tohavia ia Jisas. Ma ia Bielsebul na nidira lehona ira na tarunga sekoseko, ma ia te sau vania na tinoni de na susuliha, me ke ni hanaa ia na hurura na tarunga sekoseko.”
23Ma ia Jisas e solora na tinoni nira, mara mai varangisia ia me kori vanira kesana na kori titihila, me kori vahai de, “?E vahai vei ia Setan ke vu ni huru sohaa ia Setan? E utu ke vahai ia. 24Me tina vahai kara vaipiduhi ma kara vaivotahi na vangana e chikai na momoru, ira ba kara teha tuu ngachi. 25Me tina vahai na vangana e chikai na vale kara vaipiduhi, ira ba kara teha tuu ngachi lakamu. 26Me vahai soha lakamu tana nina ala-ala ia Setan. Tina vahai kara vaipiduhi ma kara vaivotahi, ira ba kara teha tuu ngachi ma kara kode bamu.
27“Na hua tamu parau nau hamu e teha vahai ia. Ma ia e vahai na kori titihila laka de. E utu ke chikai na tinoni ke sahe lalo valena ke chikai na tinoni susuliha, me ke tahara nina omea levo tatamani ia. Ia ke sori uluhia na tinoni susuliha nia, bukena me ke hanaa ia na sahe valena tinoni nia me ke tahara nina omea levo nira ia.
28“Inau u kori vanihamu na kori tutuni, ia God e hanaa na kori kenihua tatana e visa vatana na seko te agosia na tinoni, kolu visa na valagu sekoseko te koria ia. 29Me tina vahai siki tinoni te ke kori seko vania na Tarunga Tabu, ia God ba ke utu na kori kenihua tana hana seko, matengana na seko nia ba ke toha savaliu tatana, me utu ke vu kode.” 30Ia Jisas e koria na omea de, rongona kesana na tinoni nira ara kori vahai de, “Chikai na tarunga sekoseko te toha tatana tinoni nia.”
Ia Jisas e kori lengaa isei na vangana tutuni na valena ia
(Matiu 12:46-50; Luk 8:19-21)
31Tana tahu nia, mara mai chau tana vera de na tinana ia Jisas kolu na tasina nira ia. Mara tuu levu kulina vale nia, mara sau kori sahe ira i lalo vale mara nongia ia Jisas ke chulu mai i kuli. 32Me danga na tinoni ara tohotuu talihu labaa ia, mara kori vahai vania ia Jisas de, “Na tinamu ma na tasimu nira hoe ara mai tuu i kuli, mara ngavina ira na morosiho hoe.”
33Ma ia Jisas e kori vahai vanira de, “?Isei na tinagu nau, misei na tasigu nira nau?” 34Me moro dia ia tatadira na tinoni nira tara tohotuu talihu labaa, me kori vahai vanira laka de, “!Kamu morosia hamu! Ihamu na tinagu nau mi ira na tasigu nira nau! 35Rongona isei te ke agosia na hua te ngangavina ia God, ira nimu na tasigu ma na vavinegu ma na tinagu nau.”
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2024 (active), Wycliffe Bible Translators, Inc. All rights reserved