Mak 4
4
Na kori titihila na tinoni te rasa vahania na piu ni wit
(Matiu 13:1-9; Luk 8:4-8)
1Ia Jisas e tuturiha laka na sasanira na tinoni nira tana lilihina na namo leho i Galili. Mi tana tahuna vahai nia e danga solehana na tinoni tara toha talihu labaa ia, me sahe ia lalona chikai na vaka pepechi te chochobo tana namo leho nia. Ma na tinoni nira ara toha i lihilihi. 2Ma ia Jisas e sasanira danga na omea tana kori titihila, me kori vahai vanira de,
3“Kamu vavalinge talana. Totoha me chikai na tinoni me dia me rasa vahanira na piu ni wit lalona tana nina vidi. 4Mi tahuna te choni rasa vahanira, me kesana na piu ara ruchu sivo lihilihi ni sala, mara mai na manu nira mara hani kodera. 5Me kesana na piu ara ruchu sivo tana pari marahova, tana malengana vahai te teha siki pari danga na toha tatana. Ma na piu nira ara pira dato tangochaku matengana na pari nia e teha sivo gou. 6Mi tahuna te dato na aso me parapara solehana, mara kekede mara mate kode na kuchuna, matengana na lamudira e teha sivo vasau lalo pari. 7Me kesana laka na piu ara ruchu sivo tana levuhadira na halo kakaruha. Mi tahuna tara pira dato na piu nira, me pokolira na halo kakaruha, mara teha na tamani vuadira. 8Me kesana laka na piu nira ara ruchu sivo tana pari talana, mara dato mara vua mara vungu talana solehana. Ma na piu nira nia ara tamania e tolu sangavulu (30) na vuadira, e ono sangavulu (60) me seisuge e chikai sangatu (100) na vuadira.”
9Ma ia Jisas e kori vahai vanira de, “Isei te tamani valingena, me ke valinge vagoa nigu valagu nau.”
Ia Jisas e kori lengaa na papadana nina kori titihila nira
(Matiu 13:10-17; Luk 8:9-10)
10Tana tahu te toha tovosi ia Jisas kolura e sangavulu ruka hana duli koluloera e ruka tolu na tinoni, mara gesuaa na papadana na kori titihila nira nia. 11Ma ia Jisas e valagu vanira me kori vahai de, “Ihamu nia, ia God e sau vanihamu na manasa vati ni hae vagoa na papada tutuni te toha koku tana nina baravata ia. Mi ira na tinoni tovosi kara valingea visa na omea tana kori titihila. Ba ku teha na kori vanira na papadana na kori titihila nira, 12me ke ni manalia na hua te mare vahania ia propet Aesaea de,
“‘Me seisuge kara hahae,
mara utu kara hae vagoa,
me seisuge kara vavalinge,
mara utu kara valinge vagoa.
Matengana tina vahai kara hae vagoa, ira ba kara basiaa nidira naunau sekoseko,
ma ia God ba ke kori kenihua tana hadira seko.’ ”#4:12 Aesaea 6:9-10
Ia Jisas e kori lengaa na papadana nina kori titihila na tinoni te rasa vahania na piu ni wit
(Matiu 13:18-23; Luk 8:11-15)
13Ma ia Jisas e gesuara me kori vahai vanira laka de, “?Amu teha hamu na pada manasana na kori titihila de? ?Ke vahai vei ma kamu pada manasana kolu hamu na kori titihila nira kesana? 14Na tinoni te rasa vahania na piu ni wit nira nia, e vahai na tinoni te kori lengaa na valaguna na Taovia. 15Ma na piu ni wit nira tara ruchu sivo lihilihi ni sala nia, ara vahai na tinoni nira tara valingea na valaguna na Taovia, me mai kesakesa ia Setan me taha chonia na valagu nia tana manasadira bamu ira. 16Ma na piu ni wit nira tara ruchu sivo tana pari bukena na marahova nia, ara vahai na tinoni nira tara valingea na valaguna na Taovia, mara taha kesaa mara mahe kolua. 17Maia matengana te teha na lamuha kalavata i tobadira, me teha na toha oka. Mi tahuna te mai na tovotovo, mara mai kesana mara rotasira rongona tara toha taonia na valaguna na Taovia, mara teha na tuu ngachi, mara basiaa nidira dodonu. 18Me kesana na tinoni ara vahai na piu ni wit nira tara ruchu sivo tana levuhadira na halo kakaruha. Ara valinge talanaa na valaguna na Taovia, 19me ngolira na papadana visa na omea tana pari de. Mara ngangavina golo danga me visa na mamahelana na pari de tana tobadira. Ma na omea nira nia ara lekasira ira, mara pokolia na valaguna na Taovia tana tobadira me teha livu vuana. 20Ba, me kesana na tinoni ara vahai na piu ni wit nira tara ruchu sivo tana pari talana. Ara valingea na valaguna na Taovia, mara tala vania, mara livu vuadira danga vahai na wit tara vua me chau tolu sangavulu (30), kesana tara chau ono sangavulu (60), me kesana chikai sangatu (100) vuadira.”
Ia Jisas e koria na kori titihila tatana na ruu te toha tana belabela
(Luk 8:16-18)
21Ma ia Jisas e valagu vanira diadia me kori vahai vanira de, “?E vahai vei, e hanaa chikai ke ruaa na ruu me ke kopaa tana diho teha me ke livua vavana na mihe bela? Teha ia, ia ke livu kakaea tana malenga ni livu ruu. 22Tana naunau vahai nia, me visa na omea levo te toha koku, ngeni ba kara laba lenga. Me siki omea ta kara teha na haea, ngeni ba kara haea. 23Misei te tamani valingena, me ke valinge vagoa.”
24Ma ia Jisas e kori vahai vanira laka de, “Kamu pada talanaa hamu na valagu tamu valingea de. Ma ia God ba ke sau manasa vanihamu te taonia na lehoana nimiu rongomanga hamu. Ma ia ba ke pabo lakaa. 25Misei te tamani nohaa ia na hanana noha de, ia God ba ke pabo vaniho ke danga laka ba. Misei te teha na tamani na hanana de, seisuge ke pechi nina hanana ia, ia God ba ke taha chonia tatana ia.”
Na kori titihila tatana na piu nira tara pira
26Ma ia Jisas e valagu diadia me kori vahai de, “Nina baravata ia God, e vahai chikai na tinoni te chukaa na piu nira lalona tana nina vidi. 27Tana puti ma na dani, seisuge ke biku na tinoni nia me ke rerei, ma na piu nira nia ara vovo mara dato talana. Ma na tinoni nia e teha na hanana vahai vei e vu vahai nia. 28Na pari nimu te maurisira na piu nira nia, mara pira mara dato mara tamani vuadira. E luhi me pira na kuchuna, buke ia me livu vuana boubou, mi bukena kalavata, me laba na vunguna talana ia, me danga na piuna tatana. 29Mi tahuna te hanoa na vunguna nia, me chau na tahu ni pipichu, me tu na tinoni te tamania na uta nia me tuturiha na kalia na haina tana nina isele.”
Na kori titihila tatana chikai na piu ni hai mastad
(Matiu 13:31-32,34; Luk 13:18-19)
30Ma ia Jisas e gesu vahai vanira de, “?Nina baravata ia God, tana nimiu papada hamu e moro vahai vei? ?Na kori titihila vahai vei tu ku koria nau me ke ni tihisi lengaa? 31Ia e vahai chikai na piu ni hai mastad te chukaa chikai na tinoni lalona tana nina uta. Ma na piu de, e pechi solehana liungisira visa na piu tana pari de. 32Me dato ia, me leho liungisira visa na hai chukachuka lalona uta nia. Me livu arengana leho, mara mai na manu mara agosia na nikudira tana arengana te raravi.”
33Ia Jisas e kori lengaa na valaguna ia God tana dangana na kori titihila vahai vanira na tinoni. Ia e sasanira taonia na hua te ke tihilidira ira na valinge vagoa. 34Ma ia e teha na kori vanira ira siki omea te ke teha toha tana kori titihila nira de. Mi tana tahu te toha tovosi kolu ia hana duli nira, ba me vasangana ia na kori lenga talanaa na papadana nina sasani ia.
E valagu ia Jisas me beata na namo leho
(Matiu 8:23-27; Luk 8:22-25)
35Tana auauna tana dani soha nia, me tu ia Jisas me kori vahai vanira hana duli nira de, “Hida ka talihu tabana huri tana namo leho de.” 36Mi ira hana duli ia Jisas ara livu basiaa na tinoni nira, mara sahe ira lalona na vaka pepechi te tohotuu noha ia Jisas i lalona, mara dia. Kesana lakamu na vaka pepechi ara dia kolura. 37Bukena bamu ia, me leho solehana na hurihuri, ma na kolo e sahe tana lodira vaka pepechi nia, diadia me maravia na luvu. 38Ma ia Jisas e vania na biku i levu bukena na vaka pepechi nia, me ulu tana pilo. Mi ira hana duli ia ara halisia mara kori vahai vania de, “?Ticha, e vahai vei o vu teha kolu hoe na pada savi? Ihita a maravia na mate!”
39Me tatuhuru ia Jisas, me kejalia na hurihuri ma na kolo nia me kori vahai de, “Ko vata.” Mi tana tahu nia me tavonga ni vata na hurihuri, me beata na namo. 40Ma ia Jisas e kori vahai vanira hana duli nira de, “?E vahai sahata vei amu vu matahu vahai nia? ?Ihamu amu teha vata na donuu nau?”
41Mi ira hana duli ia Jisas ara matahu solehana mara vaikorihi mara vaigesuahi tovosi vahai de, “?Na tinoni vahai nimu vei de? !Seisuge na hurihuri ma na kolo nia ara ko valinge mangana bamu ia!”
Поточний вибір:
Mak 4: mln
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2024 (active), Wycliffe Bible Translators, Inc. All rights reserved
Mak 4
4
Na kori titihila na tinoni te rasa vahania na piu ni wit
(Matiu 13:1-9; Luk 8:4-8)
1Ia Jisas e tuturiha laka na sasanira na tinoni nira tana lilihina na namo leho i Galili. Mi tana tahuna vahai nia e danga solehana na tinoni tara toha talihu labaa ia, me sahe ia lalona chikai na vaka pepechi te chochobo tana namo leho nia. Ma na tinoni nira ara toha i lihilihi. 2Ma ia Jisas e sasanira danga na omea tana kori titihila, me kori vahai vanira de,
3“Kamu vavalinge talana. Totoha me chikai na tinoni me dia me rasa vahanira na piu ni wit lalona tana nina vidi. 4Mi tahuna te choni rasa vahanira, me kesana na piu ara ruchu sivo lihilihi ni sala, mara mai na manu nira mara hani kodera. 5Me kesana na piu ara ruchu sivo tana pari marahova, tana malengana vahai te teha siki pari danga na toha tatana. Ma na piu nira ara pira dato tangochaku matengana na pari nia e teha sivo gou. 6Mi tahuna te dato na aso me parapara solehana, mara kekede mara mate kode na kuchuna, matengana na lamudira e teha sivo vasau lalo pari. 7Me kesana laka na piu ara ruchu sivo tana levuhadira na halo kakaruha. Mi tahuna tara pira dato na piu nira, me pokolira na halo kakaruha, mara teha na tamani vuadira. 8Me kesana laka na piu nira ara ruchu sivo tana pari talana, mara dato mara vua mara vungu talana solehana. Ma na piu nira nia ara tamania e tolu sangavulu (30) na vuadira, e ono sangavulu (60) me seisuge e chikai sangatu (100) na vuadira.”
9Ma ia Jisas e kori vahai vanira de, “Isei te tamani valingena, me ke valinge vagoa nigu valagu nau.”
Ia Jisas e kori lengaa na papadana nina kori titihila nira
(Matiu 13:10-17; Luk 8:9-10)
10Tana tahu te toha tovosi ia Jisas kolura e sangavulu ruka hana duli koluloera e ruka tolu na tinoni, mara gesuaa na papadana na kori titihila nira nia. 11Ma ia Jisas e valagu vanira me kori vahai de, “Ihamu nia, ia God e sau vanihamu na manasa vati ni hae vagoa na papada tutuni te toha koku tana nina baravata ia. Mi ira na tinoni tovosi kara valingea visa na omea tana kori titihila. Ba ku teha na kori vanira na papadana na kori titihila nira, 12me ke ni manalia na hua te mare vahania ia propet Aesaea de,
“‘Me seisuge kara hahae,
mara utu kara hae vagoa,
me seisuge kara vavalinge,
mara utu kara valinge vagoa.
Matengana tina vahai kara hae vagoa, ira ba kara basiaa nidira naunau sekoseko,
ma ia God ba ke kori kenihua tana hadira seko.’ ”#4:12 Aesaea 6:9-10
Ia Jisas e kori lengaa na papadana nina kori titihila na tinoni te rasa vahania na piu ni wit
(Matiu 13:18-23; Luk 8:11-15)
13Ma ia Jisas e gesuara me kori vahai vanira laka de, “?Amu teha hamu na pada manasana na kori titihila de? ?Ke vahai vei ma kamu pada manasana kolu hamu na kori titihila nira kesana? 14Na tinoni te rasa vahania na piu ni wit nira nia, e vahai na tinoni te kori lengaa na valaguna na Taovia. 15Ma na piu ni wit nira tara ruchu sivo lihilihi ni sala nia, ara vahai na tinoni nira tara valingea na valaguna na Taovia, me mai kesakesa ia Setan me taha chonia na valagu nia tana manasadira bamu ira. 16Ma na piu ni wit nira tara ruchu sivo tana pari bukena na marahova nia, ara vahai na tinoni nira tara valingea na valaguna na Taovia, mara taha kesaa mara mahe kolua. 17Maia matengana te teha na lamuha kalavata i tobadira, me teha na toha oka. Mi tahuna te mai na tovotovo, mara mai kesana mara rotasira rongona tara toha taonia na valaguna na Taovia, mara teha na tuu ngachi, mara basiaa nidira dodonu. 18Me kesana na tinoni ara vahai na piu ni wit nira tara ruchu sivo tana levuhadira na halo kakaruha. Ara valinge talanaa na valaguna na Taovia, 19me ngolira na papadana visa na omea tana pari de. Mara ngangavina golo danga me visa na mamahelana na pari de tana tobadira. Ma na omea nira nia ara lekasira ira, mara pokolia na valaguna na Taovia tana tobadira me teha livu vuana. 20Ba, me kesana na tinoni ara vahai na piu ni wit nira tara ruchu sivo tana pari talana. Ara valingea na valaguna na Taovia, mara tala vania, mara livu vuadira danga vahai na wit tara vua me chau tolu sangavulu (30), kesana tara chau ono sangavulu (60), me kesana chikai sangatu (100) vuadira.”
Ia Jisas e koria na kori titihila tatana na ruu te toha tana belabela
(Luk 8:16-18)
21Ma ia Jisas e valagu vanira diadia me kori vahai vanira de, “?E vahai vei, e hanaa chikai ke ruaa na ruu me ke kopaa tana diho teha me ke livua vavana na mihe bela? Teha ia, ia ke livu kakaea tana malenga ni livu ruu. 22Tana naunau vahai nia, me visa na omea levo te toha koku, ngeni ba kara laba lenga. Me siki omea ta kara teha na haea, ngeni ba kara haea. 23Misei te tamani valingena, me ke valinge vagoa.”
24Ma ia Jisas e kori vahai vanira laka de, “Kamu pada talanaa hamu na valagu tamu valingea de. Ma ia God ba ke sau manasa vanihamu te taonia na lehoana nimiu rongomanga hamu. Ma ia ba ke pabo lakaa. 25Misei te tamani nohaa ia na hanana noha de, ia God ba ke pabo vaniho ke danga laka ba. Misei te teha na tamani na hanana de, seisuge ke pechi nina hanana ia, ia God ba ke taha chonia tatana ia.”
Na kori titihila tatana na piu nira tara pira
26Ma ia Jisas e valagu diadia me kori vahai de, “Nina baravata ia God, e vahai chikai na tinoni te chukaa na piu nira lalona tana nina vidi. 27Tana puti ma na dani, seisuge ke biku na tinoni nia me ke rerei, ma na piu nira nia ara vovo mara dato talana. Ma na tinoni nia e teha na hanana vahai vei e vu vahai nia. 28Na pari nimu te maurisira na piu nira nia, mara pira mara dato mara tamani vuadira. E luhi me pira na kuchuna, buke ia me livu vuana boubou, mi bukena kalavata, me laba na vunguna talana ia, me danga na piuna tatana. 29Mi tahuna te hanoa na vunguna nia, me chau na tahu ni pipichu, me tu na tinoni te tamania na uta nia me tuturiha na kalia na haina tana nina isele.”
Na kori titihila tatana chikai na piu ni hai mastad
(Matiu 13:31-32,34; Luk 13:18-19)
30Ma ia Jisas e gesu vahai vanira de, “?Nina baravata ia God, tana nimiu papada hamu e moro vahai vei? ?Na kori titihila vahai vei tu ku koria nau me ke ni tihisi lengaa? 31Ia e vahai chikai na piu ni hai mastad te chukaa chikai na tinoni lalona tana nina uta. Ma na piu de, e pechi solehana liungisira visa na piu tana pari de. 32Me dato ia, me leho liungisira visa na hai chukachuka lalona uta nia. Me livu arengana leho, mara mai na manu mara agosia na nikudira tana arengana te raravi.”
33Ia Jisas e kori lengaa na valaguna ia God tana dangana na kori titihila vahai vanira na tinoni. Ia e sasanira taonia na hua te ke tihilidira ira na valinge vagoa. 34Ma ia e teha na kori vanira ira siki omea te ke teha toha tana kori titihila nira de. Mi tana tahu te toha tovosi kolu ia hana duli nira, ba me vasangana ia na kori lenga talanaa na papadana nina sasani ia.
E valagu ia Jisas me beata na namo leho
(Matiu 8:23-27; Luk 8:22-25)
35Tana auauna tana dani soha nia, me tu ia Jisas me kori vahai vanira hana duli nira de, “Hida ka talihu tabana huri tana namo leho de.” 36Mi ira hana duli ia Jisas ara livu basiaa na tinoni nira, mara sahe ira lalona na vaka pepechi te tohotuu noha ia Jisas i lalona, mara dia. Kesana lakamu na vaka pepechi ara dia kolura. 37Bukena bamu ia, me leho solehana na hurihuri, ma na kolo e sahe tana lodira vaka pepechi nia, diadia me maravia na luvu. 38Ma ia Jisas e vania na biku i levu bukena na vaka pepechi nia, me ulu tana pilo. Mi ira hana duli ia ara halisia mara kori vahai vania de, “?Ticha, e vahai vei o vu teha kolu hoe na pada savi? Ihita a maravia na mate!”
39Me tatuhuru ia Jisas, me kejalia na hurihuri ma na kolo nia me kori vahai de, “Ko vata.” Mi tana tahu nia me tavonga ni vata na hurihuri, me beata na namo. 40Ma ia Jisas e kori vahai vanira hana duli nira de, “?E vahai sahata vei amu vu matahu vahai nia? ?Ihamu amu teha vata na donuu nau?”
41Mi ira hana duli ia Jisas ara matahu solehana mara vaikorihi mara vaigesuahi tovosi vahai de, “?Na tinoni vahai nimu vei de? !Seisuge na hurihuri ma na kolo nia ara ko valinge mangana bamu ia!”
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2024 (active), Wycliffe Bible Translators, Inc. All rights reserved