मत्ती परिचै
परिचै
जौ मत्ती की अच्छी खबर की किताब है और जाकै लिखनै बारो मत्ती है। बानै जौ किताब ईसु मसी के पैदा होनै के 50 या 60 साल बाद लिखी। बानै जौ अच्छी खबर दई कै ईसु मसी बौ मुक्ति दैनै बारो है जिसकी आनै की भबिसबानी करी। जौ अच्छी खबर सिरप यहूदी लोगौ के ताँई ना है पर सैरी दुनिया के ताँई है।
मत्ती एक चुंगी लैनै बारो हो पर बाद मै बौ ईसु मसी को चेला बनो। और जा किताब मै ईसु मसी की सिक्छा जादा है। जो कुछ पुराने नियम की किताब मै लिखो है बौ ईसु मसी की जिन्दगी मै पूरो भओ। और जौ बात मत्ती जा किताब मै दिखाबै है। जिस मसी को बे पैंड़ो देख रए हे बौ ईसुई हो और जो भबिसबानी ईसु मसी के बारे मै पुराने नियम मै लिखी भंई हैं बाकै जा किताब मै 60 दफै दिखाओ गओ है। और जो आखरी दिन आगो बाके बारे मै जा किताब मै भौत दफै दिखाओ है और ईसु मसी फिर आनै बारो है और बौ नियाय करैगो (अध्याय 24 और 25) जा किताब मै ईसु मसी कै एक “राजा” के रूप मै दिखाओ गओ है।
रूपरेखा
ईसु की बंसाबली और ईसु को जलम 1:1—2:23
यहून्ना जल संस्कार दैनै बारे को सेवा को काम 3:1–12
ईसु को जल संस्कार और परखनो 3:13—4:11
गलील मै ईसु की सेवा 4:12—18:25
गलील सै ऐरूसलेम तक यातरा 19:1—20:34
ऐरूसलेम मै आखरी हप्ता 21:1—27:66
परभु ईसु को जी उठनो और बाको दिखाई देनो 28:1–20
Поточний вибір:
मत्ती परिचै: TKB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
New Life Compute Institute [NLCI] - CC BY-NC-ND 4.0