اِنجیلِ مَتّی 6
6
صَدقه هادائَن
1شِمِه حَواس دَوو شی خِبِ اعمالِ مَردِنی چِشی وَر هَین نِیَّتی هَمرا اَنجام نَدین گه بَوینِن و شِمِه جا تَعریف هاکِنِن، چون اَزما اَجری شی پیری وَر گه آسِمونی دِلِه دَرِه، نارِنی.
2«پَس هر وَخت یَتِه مِحتاجِ کِمَک کِنِنی اونِه ساز و کِرنایی هَمرا جار نَزِنین، اونجور گه دُروئِن یَهودیِنی عِبادَتگاه و کَرِ کوچِه ای دِلِه کِنِنِه تا بَقیِه وِشونی جا تَعریف هاکِنِن. حَیقَتاً شِمارِ گِمِه وِشون شی اَجرِ بَیتِنِه! 3ولی تو هر وَخت صَدقِه دِنی، نِل تی چَپِ دَس اونچی ای جا گه تی راسِ دَس کِنِّه خَوَردار بَوو. 4تا تی کِمَک جاهادا بَمونِّه و تی آسِمونی پیر گه جاهادا چیرِه وینِّه، تِرِه اَجر دِنِه.
دِعا هاکِردَن
5«وختی دِعا کِنّی دُروئِنی تَرا نَواش. وِشون دوس دارِنِه یَهودیِنی عبادتگاه و کَرِ کوچِه ای سَر هِرِسِن و دِعا هاکِنِن تا مَردِن وِشونِه بَوینِن. حَیقَتاً شِمارِ گِمِه وِشون شی اَجرِ بَیتِنِه. 6هر وَخت تو دِعا کِنّی شی اِتاقی دِلِه بور و دَرِ دَوِن و شی نَئی پیری وَر دِعا هاکِن، تی آسمونی پیر گه دِشتِه جاهادا چیرِه وینِّه، تِرِه اَجر دِنِه.
7«وختی دِعا کِنّی، بِت پَرَسِنی تَرا هِی بی مَعنی وِرد نُو؛ وِشون گِمون کِنِنِه زیادِ بُتنی هَمرا وِشونی دِعا بِشنُس وونِه. 8پَس وِشونی تَرا نَووئین، چون شِمِه آسِمونی پیر شِمِه اِحتیاجِ پِش از اونگِه ویجا بَخواین دِنِّه.
9«پَس شِما هَینجور دِعا هاکِنین:
«اِی اَمِه پیر گه آسِمونی دِلِه دَری،
تی اِسم مِقَدَّس ووئِه.
10تی پادشاهی بیئِه.
تی خواسِّه هَمونجور گه آسِمونی دِلِه اِجرا وونِه،
زَمینی سَر هَم اِجرا بَوو.
11اَمِه هر روزِ نونِ اَمرِز اَمارِه هادِه.
12اَمِه خَطاها رِه بِبَخش،
هَمونجور گه اَما هَم تی تَرا اونانیگه اَمارِه خَطا هاکِردِنِه رِه بِبَخشیمی.
13اَمارِه آزمودی دِلِه نیار،
بَلگی اَمارِه شِیطانی جا رَهایی هادِه،
14«چون اگه شِما مَردِنی خَطارِه بِبَخشین، شِمِه آسِمونی پیر هَم شِمارِ بَخشِنِه. 15ولی اگه شِما مَردِنی خَطارِه نِبَخشین، شِمِه آسِمونی پیر هَم شِمِه خَطارِه نِبَخشِنِه.
روزِه بَیتَن
16«وختی روزِه گیرنی، دُروئِنی تَرا شِرِه بیزِن نَکِن. وِشون شی قیافِه رِه عَوَض کِنِنِه تا شی روزِه داری رِه مَردِنی دید بیارِن. حیقَتاً شِمارِ گِمِه وِشون شی اَجرِ بَیتِنِه! 17ولی تو وختی روزِه گیرنی، شی کَلِّه ای می رِه روغَن بَزِن و شی دیمِ بَشور، 18تا مَردِن نِفَهمِن تو روزِه دارنی، بَلگی فقط تی پیر گه پِنهونِه اونِه دِنِّه، پیری گه هیچی وی دیدی جا قایِم نیِه، تِرِه اَجر دِنِه.
آسِمونی گَنج
19«شی گَنجیشونِه زَمینی سَر اَمبار نَکِنین، جایی گه لِمِک و زَنگ وِرِه از بِین وَرنِه و جایی گه دِزّیشون اِنِنِه و گَنجِ دِزِّنِنِه. 20بَلگی شی گَنجیشونِه آسمونی دِلِه اَمبار هاکِنین، جایی گه نا لِمِک زَنِّه، نا زَنگ وِرِه از بِین وَرنِه. جایی گه دِزّیشون نیِنِنِه و نَدِزِّنِنِه. 21چون هر جا تی گَنج دَرِه، تی دِل هَم اوجِه دَرِه.
22«چِش تَنی چِراغِ. اگه تی چِش خار ووئِه، دِشتِه تی وِجود روشِنِه، 23ولی اگه تی چِش بَد ووئِه، دِشته تی وجود تاریکی ای جا پِرِ. پَس اگه هون نوری گه تی دِلِه دَرِه تاریکیه، هون چی گَتِ تاریکی ایِه!
24«هیچکی نَتِنِّه دِتا اَربابِ خِدَمت هاکِنِه، چون یا اَوَّلی ای جا وِرِه بَد اِنِه و دِوّمی رِه دوس دارنِه، و یا اوَّلی رِه وَفادارِ و دِوّمی رِه کِچیک اِشمارنِه. شِما نَتِنِّنی هَم خِدایی غِلام ووئین و هَم پولی غِلام.
نِگَرون نَووئین
25«پس شِمارِ گِمِه، شی زندگی ای سِه نِگَرون نَووئین، گه چی بَخارین و چی بَنوشین، و نا شی تَنی سِه گه چی دَکِنین، چون زندِگی خِراکی جا و تَن جِمِه ای جا بااِرزِشتَرِه. 26پَرندِه هارِه هارشین، وِشون نا کارِنِه، نا تاشِنِنِه و نا اَمباری دِلِه کِپا کِنِنِه، با هَین وجود شِمِه آسِمونی پیر وِشونی روزی رِه دِنِه. مَگِه شِمِه اِرزِش وِشونی جا ویشتَر نیِه؟ 27کِدیم یَتِه از شِما بَتِنِّه نِگَرونی ای هَمرا یَه ساعَت شی عِمرِ اِضاف هاکِنِه؟
28«چه جِمِه ای سِه نِگَرونِنی؟ صَحرایی سوسَنیشونِه هارشین و بَوینین چِتی لُو کَشِنِنِه؛ وِشون نا زَحمَت کَشِنِنِه و نا بافِنِنِه. 29ولی شِمارِ گِمِه حتّی سِلِیمونِ پادشاه هَم هون هَمه شِکوهی هَمرا یَتِه از وِشونی تَرا بَزَک نَوِه. 30پَس اگه خِدا صحرایی واشِ گه اَمرِز دَرِه و فَردا تَنیری دِلِه بَشِنی وونِه، هَینجور قَشَنگ کِنِّه، شِمارِ، اِی سِس ایمونیشون، خِیلی بِهتَر نَپوشانِّه؟
31«پَس نِگَرون نَووئین و نُئین گه چی بَخاریم یا چی بَنوشیم یا چی دَکِنیم؟ 32چون هَین دِنیایی دِشتِه قوم هَین چیایی دِمال دَرِنِه، ولی شِمِه آسِمونی پیر دِنِّه گه شِما دِشتِه هَین چیارِه اِحتیاج دارِنی. 33پس شِما پِش از هر چی خِدایی پادشاهی ای بَرقراری ای سِه و اَنجامِ وی خواسِّه تَقَلّا هاکِنین؛ اَزما دِشتِه هَین چیا شِمارِ هادا وونِه. 34پَس فَردایی نِگَرون نَووئین؛ چون فَردا شی نِگَرونی رِه دارنِه. اَمرِزی مِشکِلات اَمرِزی سِه وَسِّه.
Поточний вибір:
اِنجیلِ مَتّی 6: WMB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
@ 2024 Korpu Company
اِنجیلِ مَتّی 6
6
صَدقه هادائَن
1شِمِه حَواس دَوو شی خِبِ اعمالِ مَردِنی چِشی وَر هَین نِیَّتی هَمرا اَنجام نَدین گه بَوینِن و شِمِه جا تَعریف هاکِنِن، چون اَزما اَجری شی پیری وَر گه آسِمونی دِلِه دَرِه، نارِنی.
2«پَس هر وَخت یَتِه مِحتاجِ کِمَک کِنِنی اونِه ساز و کِرنایی هَمرا جار نَزِنین، اونجور گه دُروئِن یَهودیِنی عِبادَتگاه و کَرِ کوچِه ای دِلِه کِنِنِه تا بَقیِه وِشونی جا تَعریف هاکِنِن. حَیقَتاً شِمارِ گِمِه وِشون شی اَجرِ بَیتِنِه! 3ولی تو هر وَخت صَدقِه دِنی، نِل تی چَپِ دَس اونچی ای جا گه تی راسِ دَس کِنِّه خَوَردار بَوو. 4تا تی کِمَک جاهادا بَمونِّه و تی آسِمونی پیر گه جاهادا چیرِه وینِّه، تِرِه اَجر دِنِه.
دِعا هاکِردَن
5«وختی دِعا کِنّی دُروئِنی تَرا نَواش. وِشون دوس دارِنِه یَهودیِنی عبادتگاه و کَرِ کوچِه ای سَر هِرِسِن و دِعا هاکِنِن تا مَردِن وِشونِه بَوینِن. حَیقَتاً شِمارِ گِمِه وِشون شی اَجرِ بَیتِنِه. 6هر وَخت تو دِعا کِنّی شی اِتاقی دِلِه بور و دَرِ دَوِن و شی نَئی پیری وَر دِعا هاکِن، تی آسمونی پیر گه دِشتِه جاهادا چیرِه وینِّه، تِرِه اَجر دِنِه.
7«وختی دِعا کِنّی، بِت پَرَسِنی تَرا هِی بی مَعنی وِرد نُو؛ وِشون گِمون کِنِنِه زیادِ بُتنی هَمرا وِشونی دِعا بِشنُس وونِه. 8پَس وِشونی تَرا نَووئین، چون شِمِه آسِمونی پیر شِمِه اِحتیاجِ پِش از اونگِه ویجا بَخواین دِنِّه.
9«پَس شِما هَینجور دِعا هاکِنین:
«اِی اَمِه پیر گه آسِمونی دِلِه دَری،
تی اِسم مِقَدَّس ووئِه.
10تی پادشاهی بیئِه.
تی خواسِّه هَمونجور گه آسِمونی دِلِه اِجرا وونِه،
زَمینی سَر هَم اِجرا بَوو.
11اَمِه هر روزِ نونِ اَمرِز اَمارِه هادِه.
12اَمِه خَطاها رِه بِبَخش،
هَمونجور گه اَما هَم تی تَرا اونانیگه اَمارِه خَطا هاکِردِنِه رِه بِبَخشیمی.
13اَمارِه آزمودی دِلِه نیار،
بَلگی اَمارِه شِیطانی جا رَهایی هادِه،
14«چون اگه شِما مَردِنی خَطارِه بِبَخشین، شِمِه آسِمونی پیر هَم شِمارِ بَخشِنِه. 15ولی اگه شِما مَردِنی خَطارِه نِبَخشین، شِمِه آسِمونی پیر هَم شِمِه خَطارِه نِبَخشِنِه.
روزِه بَیتَن
16«وختی روزِه گیرنی، دُروئِنی تَرا شِرِه بیزِن نَکِن. وِشون شی قیافِه رِه عَوَض کِنِنِه تا شی روزِه داری رِه مَردِنی دید بیارِن. حیقَتاً شِمارِ گِمِه وِشون شی اَجرِ بَیتِنِه! 17ولی تو وختی روزِه گیرنی، شی کَلِّه ای می رِه روغَن بَزِن و شی دیمِ بَشور، 18تا مَردِن نِفَهمِن تو روزِه دارنی، بَلگی فقط تی پیر گه پِنهونِه اونِه دِنِّه، پیری گه هیچی وی دیدی جا قایِم نیِه، تِرِه اَجر دِنِه.
آسِمونی گَنج
19«شی گَنجیشونِه زَمینی سَر اَمبار نَکِنین، جایی گه لِمِک و زَنگ وِرِه از بِین وَرنِه و جایی گه دِزّیشون اِنِنِه و گَنجِ دِزِّنِنِه. 20بَلگی شی گَنجیشونِه آسمونی دِلِه اَمبار هاکِنین، جایی گه نا لِمِک زَنِّه، نا زَنگ وِرِه از بِین وَرنِه. جایی گه دِزّیشون نیِنِنِه و نَدِزِّنِنِه. 21چون هر جا تی گَنج دَرِه، تی دِل هَم اوجِه دَرِه.
22«چِش تَنی چِراغِ. اگه تی چِش خار ووئِه، دِشتِه تی وِجود روشِنِه، 23ولی اگه تی چِش بَد ووئِه، دِشته تی وجود تاریکی ای جا پِرِ. پَس اگه هون نوری گه تی دِلِه دَرِه تاریکیه، هون چی گَتِ تاریکی ایِه!
24«هیچکی نَتِنِّه دِتا اَربابِ خِدَمت هاکِنِه، چون یا اَوَّلی ای جا وِرِه بَد اِنِه و دِوّمی رِه دوس دارنِه، و یا اوَّلی رِه وَفادارِ و دِوّمی رِه کِچیک اِشمارنِه. شِما نَتِنِّنی هَم خِدایی غِلام ووئین و هَم پولی غِلام.
نِگَرون نَووئین
25«پس شِمارِ گِمِه، شی زندگی ای سِه نِگَرون نَووئین، گه چی بَخارین و چی بَنوشین، و نا شی تَنی سِه گه چی دَکِنین، چون زندِگی خِراکی جا و تَن جِمِه ای جا بااِرزِشتَرِه. 26پَرندِه هارِه هارشین، وِشون نا کارِنِه، نا تاشِنِنِه و نا اَمباری دِلِه کِپا کِنِنِه، با هَین وجود شِمِه آسِمونی پیر وِشونی روزی رِه دِنِه. مَگِه شِمِه اِرزِش وِشونی جا ویشتَر نیِه؟ 27کِدیم یَتِه از شِما بَتِنِّه نِگَرونی ای هَمرا یَه ساعَت شی عِمرِ اِضاف هاکِنِه؟
28«چه جِمِه ای سِه نِگَرونِنی؟ صَحرایی سوسَنیشونِه هارشین و بَوینین چِتی لُو کَشِنِنِه؛ وِشون نا زَحمَت کَشِنِنِه و نا بافِنِنِه. 29ولی شِمارِ گِمِه حتّی سِلِیمونِ پادشاه هَم هون هَمه شِکوهی هَمرا یَتِه از وِشونی تَرا بَزَک نَوِه. 30پَس اگه خِدا صحرایی واشِ گه اَمرِز دَرِه و فَردا تَنیری دِلِه بَشِنی وونِه، هَینجور قَشَنگ کِنِّه، شِمارِ، اِی سِس ایمونیشون، خِیلی بِهتَر نَپوشانِّه؟
31«پَس نِگَرون نَووئین و نُئین گه چی بَخاریم یا چی بَنوشیم یا چی دَکِنیم؟ 32چون هَین دِنیایی دِشتِه قوم هَین چیایی دِمال دَرِنِه، ولی شِمِه آسِمونی پیر دِنِّه گه شِما دِشتِه هَین چیارِه اِحتیاج دارِنی. 33پس شِما پِش از هر چی خِدایی پادشاهی ای بَرقراری ای سِه و اَنجامِ وی خواسِّه تَقَلّا هاکِنین؛ اَزما دِشتِه هَین چیا شِمارِ هادا وونِه. 34پَس فَردایی نِگَرون نَووئین؛ چون فَردا شی نِگَرونی رِه دارنِه. اَمرِزی مِشکِلات اَمرِزی سِه وَسِّه.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
@ 2024 Korpu Company