Rom 15
15
Nupuma phiyawei yeiti, awhngaw a dä phiyaw bäi
1Nangkei uyum äng chang däktih khälla nini pum jiji a phiyaweyah pak uyum äng näutih khäla ini ku aih saw tawn. 2Awhngaw yumtih khäl pawiyeih saw koong nangkei anih a phiyaw äng khä. Anih uyum äng chang hmawna nangkei bi bi äng khä. 3Iyaäm Krito la ha upum käh lung hluih ei hütah. Kiyam äng mäi, “Ula nanga anang keleih äm, äi khälla Kei a dä khrawng keleih saw.”#Sam 69:9 4Kiyam äng chet däk saw khin äng ibang yoei hütäm, äi nangkei a chokaih saw koong dä yoei hüt saw. Äihi kiyam känäng ini bünei saw chunei khrang la ulyah la nangkei a khanh khrawng pek. 5Chunei khrang la ulyah pektih Hnadaga la Krito Yĕsu huih hngat la hngat äng lungak nini mäyeih saw lung anang pekseh. 6Äihi nangnih nini lung khäl äng awlaw nini mongkhok khäl äng utu mäichula nangkei Boi Yĕsu Krito käh Hnadaga la Paw a nini phiyaw hnängai.
Üküt koong ni sidawng pawi
7Hnadaga käh a wachang koong Krito la nangnih a anang lawkei saw huih nangnih ha hngala hngata lawei khäl. 8Hnadaga la Yudi khäl käh nuchen paw sawk khäl khäka khawmei hütsaw amah hluih yeih koong awlaw Ani che yum phoih mawh ting dawnaih koong Krito Yudi khäl käh chetchaw tih a äthänei hüt. 9Krito la ni huih thänei saw Yudi hiyahtih khälla Hnadaga käh khetjen koong phiyaw ong. Kiyam äng yoei,
“Äi koong üküt Yudi hiyahtih khäl dukäng kei nanga kini phiyaw ai.
Kei nang ming äng phiyaw awi kaw awyei.” #2 Somuel 22:50; Sam 18:49
10Kiyam äng awlaw hawu hmuei,
“Yudi hiyahtih khälo, nangnih Hnadaga käh khrawng khäl ängtu piyaw khäl.”#Ditarnomi 32:43
11Awlaw yoei bala mäi,
“Yudi hiyahtih kheni la Boi a phiyaw khäl,
khrawng khäl kheni la Ani a phiyaw seh u.”#Sam 117:1
12Aijaya la hawu hüt,
“Yesi#15:12 Yesi che mawng Dawut käh paw. Mesaya che Yesi käh chen känäng olo saw. käh chen khäl känäng khrawng hngat lo ai.
Ani la Yudi hiyahtih khäla khiyupai,
anih la Ani äng khanh ini tawkeyei.”#Aijaya 11:10
13Nangnih a khanh anang pektih Hnadaga la nangnih käh yuma awpiyaw la jelkhiyamsa äng anang hluih seh. Äihi Asanh chang Khraw tha la nangnih nini khahnei saw priu sawkai.
Pol la iya koong ni chaw yoksaw
14Kei khanbawn khälo, kei lälä kawhmawt khäh, nangnih awpawi äng awlaw prengiya äng nini luih chak. Äi koong nangnih hngala hngata nini chok nawkei hnäng. 15Äini hngat pai hnih krong nini lung äng kanang khawyalaih koong sengkhri khawiyei ngala koyok saw. Iyaäm Hnadaga la dä kei a khetjen epek saw. 16Kei Yudi hiyahtih khäl khäka bi kibiyeih koong Yĕsu Krito käh hngasaw käthänei. Asanh chang Khraw äng sanh tih Yudi hiyahtih khäla Hnadaga khäka usum vawng tih hlu thänei hmawna kei pujawtih huih Hnadaga käh sidawng pawi anih a kawhiyawk. 17Yĕsu Krito äng sakei ngala Hnadaga bi kibisaw koong kei kawbawriyei hnäng khäh. 18Awhngaw krong khäl äng käkräuvaih saw ulyah kei a mäyah. Äini kei a usumei bala Krito la ibang poh äm, äidä käkräuvaih saw kei a ulyah mäi saw. Kei kawhawu saw la kibisaw äng Ani la kei a usumei bala Yudi hiyahtih khälla Hnadaga a ngeiyal hmawna lawm dawn. 19Äi äng a hmat la, nawmaw nawkaih saw bi, awlaw Hnadaga käh khraw tha äng Yĕlusalem känäng chah ngala Ilkuria täh Krito krong äng hang hang sidawng pawi kawhiyawk hüt. 20Mawnga bang Krito ming hiyawk hmuei hawmah äm, äiya sidawng pawi hiyawkaih saw kei käh lung hlü. Äihi khrawng hngat la sätchän chou äng kei asätaih khiyang nga. 21Kiyam äng yoei bala mäi,
“Ukhäl khäka Ani krong hawu hmuei hawmah äm,
äi khälla ini hmuh ai,
u khälla yawhawm u äm,
äi khälla ini yawk chu ai.”#Aijaya 52:15
Pol Roma chetaih khiyang
22Ni khäl koong nangnih khäka kei lo lah nga saw. 23Äini äi la khäla kei bi käphäih däk. Awbawng khokum khaw känäng nangnih kheni khäka kechetaih khiyang hüt. 24Kei küüm, kei Espen pre a kechet lawma nangnih ängtu kämäyei awlaw Espen pre a kechetaih saw äng anang ku ai. Kei nangnih ängtu tana krachaw koong kawpiyaw ai. 25Äini tua kei Hnadaga käh khrawng khäla ku ai äng Yĕlusalema kechet tun. 26Iyaäm Yĕlusalema käh yumtih sanglaisu khäl koong Mesidoniya la Akhaiya presaw khälla awpiyaw äng uhlu ini pek. 27Anih äi bi äng ini piyaw hüt awlaw ni bi anih la ini biyeih saw tawn hüt khäh. Anih Yudi hi u thän Yudi khäl känäng awkhraw pisih äng käh üphüh ini bünei. Ni khäl koong Yudi khäl ini hengaih koong ühlü saw vawn uku krawn huih pekalaih saw che anih käh bi dä. 28Äihi, kei ni bi phäih ngala uhlu mawmawt chaw aphaw khäh ting kaw hmawt pänäng kei nangnih ängtu tana mäi ngala Espena kechetai. 29Kei kawhmawt khäh nangnih khäka kolo aih khaw a, Krito käh pisih luih äng dä kolo aih saw.
30Khanbawn khälo, Boi Yĕsu Krito käh tha äng awlaw awkhraw la khrawng pek saw khet äng kei khawh ei ngala kanang hnih ei, nangnih kei ängtu Hnadaga khäka kei koong suh tong khäl. 31Yudia a käh yumah tih khäl känäng Hnadaga la kei a aka hmawna awlaw Yĕlusalema käh yumtih khälla kei kolo saw ni awmawn awpiyaw äng lawei hmawna, nangnih suh tong bäichu. 32Äi khaw a Hnadaga sitha äng kei awpiyaw lung äng nangnih khäka kolo hnängai awlaw nangnih a käphäu chaw bünei ngala kulung awpiyaw äng uluih ei. 33Jelkhiyamsa pektih Hnadaga nangnih ängtu mäiseh. Amen.
Поточний вибір:
Rom 15: CSH
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
©️2025 Bible Students Fellowship of Bangladesh