Malaki 4
4
Elija mbayoosika kukubambila bantu lubeta
1Nkaambo ncobeni kuyoosika buzuba bupya mbuli ceengelo, elyo boonse balisumpula aboonse bacitazibi bayooba buungu. Buzuba obo buboola buyoobatenta, mbwaamba Jehova wamakamu, akutabasiila nuuba muyanda nuuba mutabi. 2#Lk 1:78; Ef 5:14; 2 Pet 1:19Pele inywe numulemeka izina lyangu, izuba lyabululami liyoomupaswida, lileza anguzu zyakuponya mumababa aalyo. Lino muyooinka busotauka mbuli boombe bazwa mucimpati. 3#Mik 7:10Nkabela muyoolyataula basizibi, nkaambo bayooba mulota kunsi lyazituta zyamaulu aanu mubuzuba obo mbwenti cite makani aya, mbwaamba Jehova wamakamu.
4 #
Dt 4:10
Amwiingisile mulao wa-Musa mulanda wangu, milazyo ambeta nzindakamulailila mu-Horebu kuti azyaabile ba-Israyeli boonse.
5 #
Joel 2:31; Mt 11:14; 17:10-13; Mk 9:11-13; Lk 1:17; Joh 1:21 Amubone! Nzoomutumina Eliya musinsimi, buzuba bupati buyoosya bwa-Jehova nibutana kusika, 6#Lk 1:17; Dan 9:26; Lk 19:27,43; 21:20; Mk 13:14nkabela uyoosandula myoyo yabamawisi kubana babo, amyoyo yabana kumawisi, kuti ntasiki kuzooumya nyika lutuko.
موجودہ انتخاب:
Malaki 4: Ibbaib63
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.