Những câu Kinh Thánh phổ biến từ GENESIS 3

Chia sẻ

Numei in singgah nek theih ahi chih leh mit hiptak ahi chih leh mi pilsak ding a singgah etlahhuai ahi, chih atheih in agah alou a, aneta hi. Akiang a om apasal leng apia a, ama'n leng aneta hi.

Huan TOUPA Pathian in gamsa abawl tengteng lak ah gul agitlouhpil pen hi. Ama'n numei kiang ah, “Pathian in, ‘Huan a singgah himhim na ne ding uh ahi kei chi ahi maw?’ ” achi hi.

Nang leh numei ka hon kidousak ding a, na suante leh asuante leng ka kidousak lai ding. Huai in na lutang asidupsak ding a, nang akhetul na sidupsak ding,” achi hi.

Numei kiang ah, “Na haksatna leh na naupaina nakpi in ka pungsak ding a; haksatak in tate na nei ding. Huan na lunggulh na pasal a ahi ding a, ama'n na tung ah thu anei ding,” achi hi.

Lei a na kik nawn masiah na mai a kho-ul luang puappuap in an na neta ding. Lei a pan lakkhiak na hi; leivui na hi a, leivui ah na kik nawn ding,” achi hi.

Adam kiang ah, “Na zi thu na man a, singgah na ne ding ahi kei, chi a, ka hon thupiak na nek ziak in nang ziak in leitung hamsiat in a-omta. Na damsung teng in gimtak a sem in agah na neta ding.

Ama'n, “Vuaktang na hih kua'n hon hilh ahia? Singgah nek louh ding ka chih ne na hita maw?” achi hi.

Mihingte adelhkheta a; hinna sing lampi veng ding in Eden huan suahlam pang ah cherubte leh mei namsau kilek zualzual a-omsakta hi.

Adam in azi, mihing tengteng' nu ahih ziak in, amin Evi asa hi.