Những câu Kinh Thánh phổ biến từ Juan 3

Chia sẻ

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Ñanderuete ningo nomboúi ita’ýrape ko yvy ape ári ombojovake hag̃ua kuimba’e ha kuñakuérape, osalva hag̃ua uvei opavave ojeroviávape guive hese.

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.

Ha’e oñembotuichaveva’erã ohóvo, che katu añemomichĩveva’erã (añyñýi) ahávo.

Umi ojapóva mba’evai ndohayhúi pe tesape, ha nog̃uahẽi tesape rendýpe, ani hag̃ua ojehecha hembiapo vaikuéra.

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Ha Moises omopu’ã haguéicha peteĩ mbói ra’ãnga desiértope, upéicha oñemopu’ãva’erã avei pe yvyarigua Ra’y

Ñanderuete ohayhu Ita’ýra Hesu Crístope, ha omoĩma opaite mba’e ipópe.