Những câu Kinh Thánh phổ biến từ लूकाल 9

Chia sẻ

पजा येसु अंटोर लोकुल्‍कुन इल्‍हा इत्‍तोर. “ओक्‍कला बोरन्‍ना मनकल नावा पज्जो वायना इत्‍ते, ओर ओना पूरा इस्‍टाल्क होळसिसि, दररोज सतता क्रुस तेह्‍कुंचि नावा पज्जो वायिर.

बोर ओना जीवातुन पिसागोटालय हूळंतोर, ओर ओना जीवातुन पोगोटकुंतोर, ओन्क बस्केळक पिस्सना पिस्वर दोर्को गानि नावाहाटीं बोर अय्ते जीवा हींतोर, ओन्क बस्केळक पिस्सना पिस्वर दोर्कंता.

अस्‍के येसु ओन इत्‍तोर, “पज्जो वांतन इंचि पेय्सि, मर्रा पजोळ्क मल्सि हूळना मनकल पेनदा राज्येमता सेवा कियनालायक हिल्‍लोर,” इंचि इत्‍तोर.

ओक्‍कला मनकल पूरा दुनियातुन संपलिच्‍चि, जीवा पोगोटकुत्‍ते हिलाकोंटे नासडेम आते, ओन्क बता पायदा आंता?

बोर अय्ते नाकुन, नावा पोल्‍लेन वेहालय सिग्गु अर्रंतोर, मनकना रूपमते पुटतोन नना बस्के अय्ते नावा महिमाते, नावा बाबाना महिमाते, पवित्र पेनदा दूताना महिमाते वांतन, अस्‍के असोंटा मनकन नावोर इनालय ननागुडा सिग्गु अर्रंतन.

अस्‍के येसु ओन इल्‍हा इत्‍तोर, “नक्‍कांक बारे मनालय सोर्रें मंतां, पिट्‍टेंक मनालय गूडां मंतां, गानि मनकना रूपमते पुटतोन नाकु मात्रम तल्‍ला इर्रालयगुडा जेगा हिल्‍ले.”

निल्‍हाचि, “बोर अय्ते ई सिना पेडनसंटोन नावा पोरोलते स्विकार कींतोर ओर नाकुन स्विकार कीतापे. अल्‍हेने बोर अय्ते नाकुन स्विकार कींतोर ओर नाकुन लोहता पेनदुन इंका स्विकार कींतोर. अदुनहाटीं बोर अय्ते मीलोप्‍पो अंटोर्कन्‍ना सिन्‍ना मंतोर, ओरे अंटोर्कन्‍ना पेद्‍दोड आंदुर,” इंचि येसु ओर्कुन इत्‍तोर.