Những câu Kinh Thánh phổ biến từ यूहना 3

Chia sẻ

क्यूंकै परमेसर संसार गै लोगां सागै इतो प्रेम करयो कै आपगो एकलोतो बेटो दे दियो कै झिको कोई बी बिं पर बिस्वास करै बो नास ना होवै पण अनन्त जीवन पावै।

परमेसर आपगै बेटै नै संसार गै लोगां नै सजा देण खातर कोनी भेज्यो पण बिंगै द्वारा संसार गै लोगां नै मुकती मिलज्यै ईंखातर भेज्यो।

यीसू बिनै उतर दियो, “मैं तनै साची साची केऊं जे कोई आत्मिक रूप ऊं नुअं सिरै ऊं जन्म ना लेवै तो बो परमेसर गै राज में भागिदार कोनी बण सकै।”

झिको परमेसर गै बेटै पर बिस्वास करै है बिं पर सजा गी आग्या कोनी होवै पण झिको बिं पर बिस्वास कोनी करै बिनै दोसी बणागे सजा मिलैगी क्यूंकै बण परमेसर गै एकलोतै बेटै पर बिस्वास कोनी करयो।

अर सजा गी आग्या गो कारण ओ है कै परमेसर गो बेटो एक जोती गी तरियां ईं संसार में आयो पण लोग भोत बुरा काम करण आळा हा। ईंखातर लोग जोती गै उपर प्रेम पसंद कोनी करयो पण अंधेरै तरियां पाप करणो पसंद करयो।

जरूरी है कै बो पूरी तरियां ऊं मोटो होवै अर मैं बिंऊं छोटो होऊं।

क्यूंकै झिको कोई बुराई करै है बो जोती नै पसंद कोनी करै अर बो जोती गै कनै कोनी आवै जिंऊं बिंगा बुरा काम सामणै ना आ जावै।

झिको परमेसर गै बेटै पर बिस्वास करै है बिनै ई अनन्त जीवन मिलैगो। पण झिको परमेसर गै बेटै गी आग्या नै कोनी मानै बिनै कदी अनन्त जीवन कोनी मिलैगो पण परमेसर बिं पर रीस कर'गे सजा देवैगो।

जिंया मूसा बन उजाड़ में सांप नै ऊंचो चढायो इंयाई मैं झिको मिनख गो बेटो हूं आपगी जान देण खातर लोग करूस पर चढावैगा।

पिता आपगै बेटै नै प्रेम करै है अर बण सारी चिजां गो अधिकार बिंगै हात में दे दियो है।