Những câu Kinh Thánh phổ biến từ योहान 3

Chia sẻ

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

परमेश्वर तेरा पुऱ्या काजे जोगोमा इनान कोरता नि मूकल्यु कि जोगो पोर दोंडोन आग्या आपे बाकीन एरेन कोरता कि कोवजुग तेरे लारे छुटकारू ली लेये

येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

एने दोंडोन आग्यान वोजह यो छे कि विजावो जोगोमा आवलो छे एने माणसे आंदारला काजे विजावासी जादा मोंग कोऱ्या काहाकि तिंदरा काम भुंडला होता.

जोरुरी छे कि चू बोढे एने मे घोटो.

काहाकि जू कुदु भुंडलो कोरतेलू चू विजावो पोर दुष्मोनी कोरतेलु एने विजावो साते नी आवतेलु, ओसो नि होये कि तेरा कामो पोर गुणू लागाळाय जाय.

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

एने जिना रितीसी मुसा बोयळामा घोळसा काजे उपोर चोळाव्यू, इनी रितीसी जोरुरी छे कि माणसोन पुऱ्यु उचला पोर चोळाय जाय

बास पुऱ्या काजे मोंग कोरतेलु, एने चू आखा चीजे तेरा हातोमा आप देदलु छे.