Những câu Kinh Thánh phổ biến từ Jɔn 1

Chia sẻ

Ko daare balo maama na sɛ‑o to, o ma pa-ba chwoŋa se ba ji Wɛ bia. Banto ye balo na dɛ o yere ŋwaane ba ke ba wo-dedoa ded‑o to mo.

Boboa ne ye kolokolo daa ta tera to, de Botara kam maŋe ka wora mo. Ka maŋe ka wo Wɛ tei ne. Wolo na ye Botara kam to de Wɛ maama ye bedwe mo.

Pwooni dem konto na tu to, de zeili lim. Lim daa ware pwooni dem konto de zeili.

Konto to, Botara kam déem jigi nabiinu. O ma ba o zoore debam nabiina wone. Dé ma na o dam na mae tei. O dam dem daga lanyerane, o na ye dé Kwo Wɛ Bu-doa kam to ŋwaane. Wɛ zaane de chega maama tiini te wo o tei ne.

Baŋa Wɛ déem dɛ wonto ŋwaane mo o ke wonnu maama. Kolokolo nam tera Wɛ na kea, ye ko wo zege wonto yera ne. Wonto mo pɛ nabiina na ŋwea. Ŋwea kam konto nam ta mo pae nabiina na pwooni.

Tega na poore to, Jɔn ma na Yezu na vei o maa beene o tei. O ma ta de balo na wora to o we, “Nii-na Wɛ Pipeila kalo na saare nabiina wɛleera to.

O déem ma ba logo baŋa o wora. Wɛ ya dɛ o ŋwaane mo o ke logo baŋa. De konto de, nabiina daa ta wo lɔre‑o. O ma ba o tete teo, ye o dwi tiina wo jeeri‑o lanyerane.

Jɔn na wora konto to, wolo wom na ye pwooni dem chekke to déem lage o nwoŋi Wɛ tei mo o ba logo baŋa. Wonto mo pae nabiina maama na pwooni se ba yia wane ba poore.

Ko ná ye Wɛ nia yam, o déem pɛ ya tɔge Moses jeŋa mo ya ba debam tei. Ko nam ná ye Wɛ zaane de o chega kam, o pɛ te tɔge o Bu Yezu Krista jeŋa mo te ba.