Những câu Kinh Thánh phổ biến từ Mataayo 12

Chia sẻ

Mbe, enibhabhwira ati, ku‑rusuku rurya rwa indamu, abhaanu bharisoosya obhukumi inguru ya bhuri musango omubhiibhi gunu ꞉bhaayikire. Nyamuwanga arikubhara ati, uri murengeresi okuruubhana na emisango jaawo ja ekisi, amwi arikubhara ati, uri mubhiibhi okuruubhana na emisango jaawo emibhiibhi.”

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Omuunu wa ebhikorwa bhya ekisi kaayika ja ekisi okusooka mu‑ja ekisi jinu jiijuuye mu‑mwoyo gwaye. Nawe omuunu omubhiibhi kaayika emisango emibhiibhi jinu jiijuuye mu‑mwoyo gwaye.

Kurwa ejo, enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone, noorwo araabha bhaariga nibhamwifumirisya. Nawe atarifwira echigongo abhaanu bhanu abheefumirisya Mwoyo Mweru.

“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya.