Những câu Kinh Thánh phổ biến từ Maariko 1

Chia sẻ

Mwejo yende‑ko mu‑ruguru Yeesu ˆneemuka, ˆnaagenda orubhaara runu abhaanu bhaariga bhatari, ˆnaamba okusabhwa.

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Omwanya gunu Yeesu aariinyaga okusooka mu‑manji, awoawo ˆnaarora orwire nirwiguka, na Mwoyo Mweru ˆneeka inguru yaaye rwa echiguuti. Obhuraka okusooka mu‑rwire nibhwayika ati, “Awe naawe Omwana waani omwendwa! Naawe owunkondisya!”

Anye enibhabhatiija mu‑manji, nawe omwene aribhabhatiija kwa Mwoyo Mweru.”

Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.” Awoawo, nibhasiga amagoobhe geebhwe, nibhamuruubha.

Abhaanu bhoone bhanu bhaariga nibhamutegeresya, nibharuguurira muno ameeyigisyo gaaye. Okubha eeyigisyaga rwa omuunu owa obhuturo, aariga atakwiyigisya rwa kutyo abheeyigisya bheebhwe bha ebhiraagiro bhya Muusa bheeyigisyaga.