Những câu Kinh Thánh phổ biến từ मर्‌कुस 5

Chia sẻ

उपाछु येसुइ उख्राके कहिकेभइल, “ए बाबि, तेर बिस्‍वासेइ नइ तेह्राके निक पार्‌ल बाटइ। आबे सान्‍तिसे जाउक्। तेर रोग निक भउस्।”

उसे मानुससब्‍क भिडयँ बाह्र बर्‌स आघुहिँसे नइ रकत बोहलाहार रोगेइ दुख पाउलि एक्‍टि बेटि पुनु रहि। उहाइ धेरइ बइधेसब्‍कलघि जाइकुन आफ्‍नसाङ भइल सभइ पइसा खर्‌च करिकुन उपचार कर्‌लि, तर निक भइके साटोयँ झन धेरइ मन्‍देल रहि।

ओख्‍निहिँ उक्र देहिकमाटे रकत बुहिके छाड्‌ल, र आफ्‍नि उसे रोगकमाटे निक भइल कुरा उहाइ थाहा पाउलि।

हसे ओनेनेइ छउडिक हाथ धरिकुन कहिकेभइल, “तालिता कुमि!” जोक्र अर्‌थ “ए छउडि उठुक्!”

ओनेन यस्‍न बोरातिनखना सभाघरक सासक्‌क घरसे मानुससब आइकुन याइरसके कहल, “तेउह्र छाहिउ त मोरिसक्‍लि। आबे गुरुके किके दुख देताहाउ?” तर येसुइ उसब्‍क कुरा नसुनिकुन सासक्‌के कहिकेभइल, “झुनडाराउक्, बिस्‍वास मत्‍रइ करुक्।”

किकेकने ओनेनेइ उख्राके, “ए भुत आत्‍मा, उसे मानुसकमाटे निस्‍किकुन बाहार आउक्!” कहिकेभइल रहत। उपाछु येसुइ उख्राके पुछिकेभइल, “तेर नाउ किति हखइ?” हसे उहाइ कहल, “मेर नाउ फउज हखइ, किकेकने हामे धेरइ जेना बाटिहिँ!”