Những câu Kinh Thánh phổ biến từ JONI 1

Chia sẻ

Ia eso vei ira sa ciqomi koya ka vakabauti koya; sa solia kina vei ira o koya na dodonu me ra yaco rawa me ra luve ni Kalou.

Ena i vakatekivu a sa bula tu kina na Vosa; a sa tiko vata kei na Kalou na Vosa, ka sa Kalou o koya na Vosa.

Sa cilava na butobuto na rarama, ia sa sega ni tabonaka rawa na rarama o ya na butobuto.

A sa yaco me tamata na Vosa, sa sinai ena lolomasavu kei na dina, ka sa bula ena keda maliwa. Keitou a raica na nona i serau, na i serau sa ciqoma o koya me vaka ni Luvena sa duabau ga ka a vakatuburi mai vei Tamana.

A sa bulia ka vakatubura na Kalou na ka kecega ena vukuna; sa sega ni dua na ka e buli me a sega ni cakava o koya. Sa i vurevure ni bula na Vosa, ka sa kauta mai na rarama ki na tamata na bula oqo.

Ena siga ka tarava, sa raici Jisu sara o Joni ni lako tiko yani vua, ka a kaya sara, “Raica na Lami ni Kalou, o koya sa kauta tani na nodra i valavala ca na kai vuravura!

A sa tiko e vuravura na Vosa, ka dina ga ni sa bulia na vuravura na Kalou ena vukuna, ia sa sega ga ni kilai koya o vuravura. E a lako mai o koya ki na nona vanua, ia era a sega ni ciqomi koya o ira na kai nona.

Sa i koya ga oqo na rarama dina, na rarama sa lako mai ki vuravura ka sa cilava na tamata kecega.

Na Kalou sa solia vei Mosese na nona Lawa, ia sa yaco mai na lolomasavu kei na dina mai vei Jisu Karisito.