Chivkeeb 1
1
Zaj Uas Hais Txog Kev Tsim Ntiajteb Thiab Lub Ntuj
1Thaum chivkeeb, Vajtswv tsim lub ntuj thiab lub ntiajteb,#1:1: Thaum chivkeeb… lub ntuj thiab lub ntiajteb; lossis Thaum chivkeeb Vajtswv tsim lub ntuj thiab lub ntiajteb; lossis Thaum Vajtswv pib tsim lub ntuj thiab lub ntiajteb. 2lub ntiajteb yeej tsis tau tsheejxeeb thiab nyob docuas xwb; saum tej nplaimdej hiavtxwv yeej tsausntuj nti, thiab Vajtswv tus Ntsujplig#1:2: Vajtswv tus Ntsujplig; lossis Vajtswv lub hwjchim; lossis Vajtswv li cua; lossis ib nthwv cua uas muaj hwjchim. yuj mus yuj los saum nplaimdej. 3Vajtswv thiaj xaaj hais tias, “Ciali muaj qhov kaj,” ces txawm muaj qhov kaj. #2Klt 4:6; 1:6-8 4Vajtswv pom tias qhov kaj ntawd zoo; ces Nws txawm muab qhov kaj cais tawm ntawm qhov tsaus, 5thiab Nws tis npe rau qhov kaj hu ua “Nruabhnub” thiab qhov tsaus hu ua “Hmontuj.” Hmontuj dhau mus lawm ces nruabhnub tawm tuaj, ntawd yog hnub thib ib.
6-7Vajtswv hais tias, “Cia muaj ib txheej huabcua los quas dej thiab muab tej dej ntawd cais kom nyias nyob nyias.” Yogli ntawd, Vajtswv thiaj tsim lub ntuj thiab muab tej dej uas nyob hauv qabntuj thiab saum nruabntug cais nyias nyob nyias. Ces txawm muaj li ntawd. 8Vajtswv tis npe rau txheej ntawd hu ua “Ntuj.” Hmontuj dhau mus lawm ces nruabhnub tawm tuaj, ntawd yog hnub thib ob.
9Vajtswv hais tias, “Cia tej dej uas nyob hauv qabntuj sibsau los nyob ib qho chaw uake, kom av thiaj yuav tawm tuaj,” ces txawm muaj li ntawd. 10Vajtswv tis npe rau av hu ua “Ntiajteb,” thiab tej dej uas los sibsau uake hu ua “Hiavtxwv.” Vajtswv pom tias qhov ntawd zoo lawm. 11Ces Vajtswv thiaj xaaj hais tias, “Cia ntiajteb muaj nrojtsuag, txhiamxws, thiab qoobloo; yog tej qoobloo uas muaj noob thiab tej xyoob ntoo uas muaj txiv thiab muaj noob rawsli nyias hom,” ces txawm muaj li ntawd. 12Yogli ntawd, lub ntiajteb thiaj muaj nrojtsuag, txhiamxws, thiab qoobloo uas muaj noob rawsli nws hom, thiab tej xyoob ntoo uas txitxiv thiab muaj noob rawsli nyias hom. Vajtswv pom tias qhov ntawd zoo lawm. 13Hmontuj dhau mus lawm ces nruabhnub tawm tuaj, ntawd yog hnub thib peb.
14Vajtswv hais tias, “Cia kom muaj tej lub ci-ci tshwm rau saum nruabntug los quas nruabhnub tawm ntawm hmontuj, thiab ua cim qhia txog caijnyoog, hnub, thiab xyoo; 15tej ntawd yuav ci saum ntuj los rau ntiajteb no kom pomkev,” ces txawm muaj li ntawd. 16Yogli ntawd, Vajtswv thiaj tsim ob lub ci-ci uas loj heev; lub uas ci tshaj cia kav nruabhnub thiab lub ci tsis heev cia kav hmontuj; Nws tsim tej hnubqub huv tibsi thiab. 17Vajtswv muab tej uas ci-ci ntawd teeb rau saum ntuj kom ci rau ntiajteb, 18kom kav nruabhnub thiab hmontuj, thiab muab qhov kaj cais tawm ntawm qhov tsaus. Vajtswv pom tias qhov ntawd zoo lawm. 19Hmontuj dhau mus lawm ces nruabhnub tawm tuaj, ntawd yog hnub thib plaub.
20Vajtswv hais tias, “Cia kom muaj ntau yam tsiaj muaj sia txawm puvnpo rau nruabdeg, thiab cia kom muaj noog ya puvnpo saum nruabntug.” 21Yogli ntawd, Vajtswv thiaj tsim tej tsiaj uas loj tshajplaws nyob hauv hiavtxwv, thiab tsim txhua yam tsiaj nyob hauv nruabdeg rawsli nyias hom, thiab txhua yam noog rawsli nyias hom huv tibsi. Vajtswv pom tias qhov ntawd zoo lawm. 22Vajtswv tau foom koobhmoov rau tej tsiaj uas nyob hauv nruabdeg kom huamvam mus puv hiavtxwv, thiab kom tej noog huamvam mus puv ntiajteb. 23Hmontuj dhau mus lawm ces nruabhnub tawm tuaj, ntawd yog hnub thib tsib.
24Vajtswv hais tias, “Cia kom lub ntiajteb txawm muaj txhua yam tsiajtxhu uas muaj sia rawsli nws hom: tsiaj nyeg thiab tsiaj qus, tsiaj loj thiab tsiaj me, nab, qav, kab, thiab ntsaum rawsli nyias hom,” ces txawm muaj li ntawd. 25Yogli ntawd, Vajtswv thiaj tsim txhua yam tsiaj rawsli nyias hom. Vajtswv pom tias qhov ntawd zoo lawm.
26Vajtswv hais tias, “Zaumno cia peb tsim tibneeg zooli peb tus hwvxyeej, thiab rawsli peb tus yamntxwv. Lawv yuav muaj hwjchim kav tej ntses hauv hiavtxwv, tej noog saum nruabntug, thiab kav tagnrho tej tsiaj nyeg, tsiaj qus, tsiaj loj tsiaj me uas nyob thoobplaws lub ntiajteb no.” #1Klt 11:7 27Yogli ntawd, Vajtswv thiaj tsim tibneeg kom muaj hwvxyeej zooli Nws. Nws tsim muaj txivneej thiab pojniam. #Math 19:4; Malak 10:6; 1:27-28 #Chiv 5:1, 2
28Vajtswv foom koobhmoov rau nkawd thiab hais tias, “Neb ciali muaj tub muaj ki kom coob, kom neb tej xeebntxwv thiaj yuav huamvam mus nyob thoobplaws txhua qhov chaw hauv ntiajteb thiab lawv yuav kav lub ntiajteb. Kuv tsa neb kav tej ntses hauv hiavtxwv, tej noog saum nruabntug, thiab txhua yam tsiaj uas nyob hauv ntiajteb. 29Kuv muab txhua yam qoobloo uas muaj noob nyob thoob ntiajteb thiab txhua yam ntoo uas txitxiv muaj noob rau neb tau noj, 30tiamsis Kuv tsim tej nrojtsuag thiab nplooj hmab nplooj ntoos ua zaub rau tej noog thiab tej tsiaj uas muaj sia nyob hauv lub ntiajteb no tau noj.” Ces txawm muaj li ntawd. 31Vajtswv saib ibpuas tsavyam uas Nws tsim ntawd mas Nws pom tias zoo kawg li! Hmontuj dhau mus lawm ces nruabhnub tawm tuaj, ntawd yog hnub thib rau.
Đang chọn:
Chivkeeb 1: MWW2022
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2022 United Bible Societies. All rights reserved.