مَتّیٰ 4
4
عیسی ایمتِحانلانیار
مَرقُس ۱:۱۲-۱۳؛ لوقا ۴:۱-۱۳
1سُنگرا عیسی شِیطان طارافیندان ایمتِحان بُلماق اوچین مُقادِّس روح سِبَبی بیابانا اَکیدیلدی. 2عیسی قیرق گیجه-گوندیز آرازا توتاندان سُنگرا آجیقدی. 3شُل واقت اُنونگ یانینا شِیطان گِلیپ: «اِگِر سِن خودایینگ اُغلی بُلیان بُلسانگ، اُندا شو داشلارینگ چُرِگه اُورولمِگینی بویور» دییدی. 4اِمّا عیسی اُنگا: «”اینسان یِکه چُرِک بیلِن یاشامایار، اُندان باشغا خودایینگ آغزیندان چیقان هِر بیر سُز بیلِن هِم یاشایاندیر“ دییّپ یازیلاندیر» دییّپ جُغاپ بِردی.#قایتادان ۸:۳
5سُنگرا شِیطان عیسانی مُقادِّس شَهره گِتیردی. اُنی عیباداتخانانینگ دِپه‌سینه چیقاریپ: 6«اِگِر سِن خودایینگ اُغلی بُلسانگ، اُزونگی آشاق اُقلا. چونکی شِیله یازیلاندیر: اُل پِریشده‌لِرینه سِن باباتدا دِستور بِرِر، آیاغینگ داشا بودریمِز یالی، اُلار سِنی اِل‍لِرینده گُتِرِر» دییدی.#زِبور ۹۱:۱۱-۱۲ 7عیسی اُنگا: «”تانگری خودایینگیزی ایمتِحان اِتمَنگ“ دییّپ هِم یازیلاندیر» دییدی.#قایتادان ۶:۱۶
8شِیطان بو گِزِک عیسانی اولی بیر داغینگ باشینا چیقاردی. اُنگا دونیَه‌نینگ هِمّه پادیشاهلیقلارینی و اُلارینگ بِییکلیگینی گُرکِزیپ: 9«اِگِر دیزینگا چُکوپ، مانگا سِجده اِتسِنگ، بولارینگ بارینی سانگا بِرِیین» دییدی. 10عیسی اُنگا: «یُق بُل، شِیطان! ”تانگری خودایینگیزا سِجده اِدینگ، یِکه اُنگا خیدمات اِدینگ“ دییّپ یازیلاندیر» دییدی.#قایتادان ۶:۱۳
11شوندان سُنگ شِیطان عیسانی قُیوپ گیتدی. پِریشده‌لِر گِلیپ، عیسی خیدمات اِتدیلِر.
عیسی خوش خاباری اِعلان اِتمَگه باشلایار
مَرقُس ۱:۱۴-۱۵؛ لوقا ۴:۱۴-۱۵
12عیسی یحیانینگ زیندان اِدیلِندیگینی اِشیدِنده، جلیلَه دُلانیپ گِلدی. 13اُل اَوَّل ناصِره شَهرینه گِلدی، اِمّا اُل یِرده اوزاق اِگلِنمَن، زِبولون بیلِن نَفتالی وِلایاتیندَکی جلیل دِریانینگ کِناریندا یِرلِشیَن کَفَرناحوم‌دا جایلاشدی. 14شونلوقدا، اِشعیا پیغامبارینگ اوستو بیلِن آیدیلان شو سُز بِرجای بُلدی:
15«اِی زِبولون و نَفتالی یوردی،
دِریا یُلونینگ تُوِرِگیندَکی،
اُردُن آرناسینینگ گوندُغاریندَکی یورت،
بیگانه میلِّتلِرینگ یاشایان یِری بُلان جلیل‌سی!
16قارانگقیلیقدا باریان خالق اولاقان نور گُردی،
اُلوم کُلِگه‌ده یاشایانلارینگ اوستونه نور سِچیلدی.»#اِشعیا ۹:۱-۲
17شُل واقتدان باشلاپ، عیسی: «توبا اِدینگ! آسمانینگ پادیشاهلیغی قُلایلادی» دییّپ، واغیظ اِتمَگه باشلادی.
عیسی اَوَّلکی شَگیرتلِرینی سایلایار
مَرقُس ۱:۱۶-۲۰
18عیسی جلیل دِریانینگ کِناریندان گِچیپ باریارقا، ایکی دُغانینگ دِریایا تُر زینگیپ دورانلارینی گُردی. اُلارینگ بیری پِطرُس لاقابی شمعون، بِیلِکیسی هِم آندرِیاسدی. اُلار بالیقچیدیلار. 19عیسی اُلارا: «مِنینگ ایزیما دوشونگ، مِن سیزی اینسان توتیان بالیقچیلار یالی اِدِرین» دییدی. 20اُلار هِم شُل واقتینگ اُزونده تُرلارینی قُیوپ، اُنونگ ایزینا دوشدولِر.
21بیرآز یُرییِنلِریندِن سُنگ، عیسی باشغا ایکی دُغانی، زِبِدینینگ اُغول‍لاری یعقوب بیلِن یوحنانی گُردی. اُلار قاییقینگ ایچینده آتالاری زِبِدی بیلِن تُرلارینی بِجِریپ اُتیردیلار. عیسی اُلاری چاغیردی. 22اُلار هِم دِرِّو قاییق بیلِن آتالاری زِبِدینی تِرک اِدیپ، عیسانینگ ایزینا دوشدولِر.
عیسی مِریضلِری شِفا بِریَر
23عیسی هِمّه جلیلی آیلانیپ چیقدی، اُل یِردَکی کِنیسه‌لِرده تَعلیم بِردی و آسمانینگ پادیشاهلیغینینگ خوش خابارینی واغیظ اِتدی، خالقینگ آراسینداقی هِر هیلی دِردلِری و مِریضچیلیکلِری شِفا بِردی. 24اُنونگ آد-آوازاسی هِمّه سوریه یایرادی، هِر هیلی دِردلِره دوچار بُلان هِمّه مِریضلِری، دیوانالاری، توتماغلیلاری و فِلِجلِری عیسانینگ یانینا گِتیردیلِر، اُل هِم اُلاری شِفا بِردی. 25جلیل‌دِن، دِکاپولیسدِن، اورشلیمدِن، یهودیه‌دِن و اُردُنینگ گوندُغار طارافیندان اولی جِماغات اُنونگ ایزینا دوشدی.
Đang chọn:
مَتّیٰ 4: TUKIR
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Turkmen Truth