KĨAMBĨRĨRIA 1
1
1O KĨAMBĨRĨRIA-RĨ, Ngai aatũmire kũgĩe matu-inĩ na gũkũ thĩ. 2Nayo thĩ ndĩarĩ ũrĩa yatariĩ; yarĩ o ũguo ũtheri; o nakuo kũu guothe kũriku gũtarĩ gĩturi kwahumbĩtwo no nduma. Na roho wa Ngai aatũire acuhĩrĩire kũu maĩ maarĩ. 3#2 Kor 4.6.Nake Ngai akiuga atĩrĩ, Nĩkũgĩe ũtheri; gũgĩkĩgĩa ũtheri. 4Naguo ũtheri ũcio Ngai akĩwona atĩ nĩ mwega; ningĩ Ngai akĩamũrania ũtheri na nduma. 5Naguo ũtheri ũcio Ngai akĩũtua Mũthenya, nayo nduma akĩmĩtua Ũtukũ. Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũmwe.
6 #
2 Pet 3.5. Ningĩ Ngai akiuga atĩrĩ, Nĩkũgĩe mũtambũrũko wa matu-mairũ gatagatĩ-inĩ ka maĩ, naguo wamũranie maĩ maya na maya mangĩ. 7Nake Ngai agĩĩkĩra mũtambũrũko ũcio, agĩkĩamũrania maĩ marĩa maarĩ thĩ ya mũtambũrũko ũcio na marĩa maarĩ igũrũ rĩaguo; gũgĩtuĩka o ũguo. 8Ngai agĩgĩtua mũtambũrũko ũcio wa matu-mairũ Igũrũ. Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũngĩ, wa kerĩ.
9Ningĩ Ngai akiuga atĩrĩ, Maĩ marĩa me kũu thĩ ya igũrũ rĩu nĩmonganĩrio kũndũ kũmwe, kuoneke kũndũ kũniaru; gũgĩtuĩka o ũguo. 10Ngai agĩgĩtua kũndũ kũu kũniaru Thĩ, namo maĩ macio monganĩte hamwe akĩmatua Maria; Ngai agĩkĩona atĩ ũguo nĩ wega. 11Ningĩ Ngai akiuga atĩrĩ, Thĩ nĩĩmere nyeki, na tũhuti tuothe tũrĩa tũmeraga tũkoimia mbeũ, na mĩtĩ ĩrĩa ĩciaraga maciaro, o mũtĩ ũgaciara ma kĩruka kĩaguo, namo maciaro macio me na mbeũ ciaguo thĩinĩ wamo, mĩthemba ĩo yothe ĩgĩe thĩ; gũgĩtuĩka o ũguo. 12Nayo thĩ ĩkĩmera nyeki, na tũhuti tũu tũmeraga tũkoimia mbeũ, o kahuti gakoimia cia kĩruka gĩako, na mĩtĩ ĩrĩa ĩciaraga maciaro, o mũtĩ ũgaciara ma kĩruka kĩaguo, namo maciaro macio me na mbeũ ciaguo thĩinĩ wamo. Ngai agĩkĩona atĩ ũguo nĩ wega. 13Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũngĩ, wa gatatũ.
14Ningĩ Ngai akiuga atĩrĩ, Nĩkũgĩe imũrĩ mũtambũrũko-inĩ ũcio wa matu-mairũ ma igũrũ cia kwamũrania mũthenya na ũtukũ; nacio ituĩke imenyithia cia maũndũ, na cia mahinda, na cia matukũ na mĩaka; 15ningĩ ituĩke imũrĩ mũtambũrũko-inĩ ũcio wa matu-mairũ ma igũrũ cia gũtũmaga thĩ ĩgĩe na ũtheri; gũgĩtuĩka o ũguo. 16Ngai agĩkĩũmba imũrĩ iria igĩrĩ nene, kĩmũrĩ kĩrĩa kĩnene gũkĩra kĩu kĩngĩ gĩathage mũthenya, nakĩo kĩmũrĩ kĩu kĩnyinyanyinyi gĩathage ũtukũ; na akĩũmba njata o nacio. 17We Ngai agĩkĩiga imũrĩ icio mũtambũrũko inĩ ũcio wa matu-mairũ ma igũrũ itũmage thĩ ĩgĩe ũtheri, 18na ciathage mũthenya na ũtukũ, na ciamũranagie ũtheri na nduma; nake Ngai akĩona atĩ ũguo nĩ wega. 19Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũngĩ, wa kana.
20Ningĩ Ngai akiuga atĩrĩ, Maĩ-rĩ, nĩmahunje o kũhunja ciũmbe ii muoyo iria thiangi rũitũ, ningĩ nyamũ ii njoya nĩciũmbũkage igũrũ rĩa thĩ itheri-inĩ rĩa mũtambũrũko wa matu-mairũ ma igũrũ. 21Ningĩ Ngai agĩtũma kũgĩe nyamũ iria nene mũno cia iria rĩrĩa inene, na kĩũmbe o gĩothe kĩrĩ muoyo kĩrĩa kĩongoyaga, maĩ magĩkĩhunjwo nĩcio mũno, o nyamũ kĩruka kĩayo, o na akĩũmba nyamũ ciothe cia mathagu iria ii njoya, o nyamũ kĩruka kĩayo; nake Ngai akĩona atĩ ũguo nĩ wega. 22We Ngai agĩgĩcirathima, akiuga atĩrĩ, Ciarai mũno, mũthegee, mũiyũre maĩ-inĩ marĩa marĩ maria-inĩ, nacio nyamũ iria ii njoya nĩithegee thĩ. 23Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũngĩ, wa gatano.
24Ningĩ Ngai akiuga atĩrĩ, Thĩ nĩĩrute ciũmbe irĩ muoyo, o kĩũmbe kĩruka gĩakĩo, nacio nĩ mahiũ, na tũnyamũ tũrĩa tũtambaga, na nyamũ cia werũ, o nyamũ kĩruka kĩayo; gũgĩtuĩka o ũguo. 25We Ngai agĩkĩũmba nyamũ cia werũ, o nyamũ kĩruka kĩayo, o namo mahiũ iruka ciamo, o nako kanyamũ o gothe karĩa gatambaga thĩ, o kanyamũ kĩruka gĩako; nake Ngai akĩona atĩ ũguo nĩ wega. 26#1 Kor 11.7.Ningĩ Ngai akiuga atĩrĩ, Nĩtũũmbeni andũ matariĩ ta mũhianĩre witũ, mahaanane na ithuĩ; nao maathage ciũngũyũ cia iria-inĩ, na nyamũ iria irĩ na njoya cia rĩera-inĩ, na nyamũ cia magũrũ mana, na nyamũ ciothe cia gũkũ thĩ, o gwata kanyamũ o gothe gatambi karĩa gatambaga thĩ. 27#Kĩam 5.1,2.#Mat 19.4; Mar 10.6.We Ngai agĩgĩtũma kũgĩe andũ, matariĩ ta mũhianĩre wake we mwene, agĩgĩtũma magĩe na mũhianĩre o ta wa Ngai; agĩtũma magĩe kuo marĩ mũndũ mũrũme na mũndũ mũka. 28Nake Ngai agĩkĩmarathima, akĩmera atĩrĩ, Ciarai mũno, mũthegee, mũiyũre thĩ, na mũmĩtorie; ningĩ mwathage ciũngũyũ cia iria, na nyamũ iria irĩ njoya cia rĩera-inĩ, o na nyamũ o yothe ĩrĩa ĩthiangaga thĩ. 29Ningĩ Ngai akiuga atĩrĩ, Ta onei, nĩndĩmũheete kahuti o gothe karĩa kagĩaga handũ o na ha thĩ yothe, o harĩa yakinya, o karĩa koimagia mbeũ, o na ningĩ mũtĩ o wothe ũrĩa wĩ na maciaro marĩa me mbeũ thĩinĩ wamo; mĩthemba ĩo yothe-rĩ, ĩgũtuĩka ya irio cianyu; 30nayo nyamũ o yothe ya werũ, o na nyamũ o yothe ĩrĩ njoya ya rĩera-inĩ, na kanyamũ o gothe karĩa gatambaga thĩ, o icio ciothe ii muoyo-rĩ, nĩndĩciheete kahuti o gothe karĩa karuraga, gatuĩke irio ciacio; gũgĩtuĩka o ũguo. 31Ngai agĩkĩona atĩ kĩndũ o gĩothe kĩrĩa ombĩte nĩ kĩega mũno. Nakuo gũkĩgĩa hwaĩ-inĩ, na gũkĩgĩa rũcinĩ; ũcio ũgĩtuĩka mũthenya ũngĩ, wa gatandatũ.
Đang chọn:
KĨAMBĨRĨRIA 1: OGKBIBLE
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©Bible Society of Kenya, 2019