Mark 14
14
1Ntyugu mbaṉi vyagaṉô fèti yi Paki ni mpèmba yi re levèn fo y’avegagi gô twa. N’awutag’imiṉisè impôlô n’irèndisi nt’are waô ko kôte Yesu n’avôṉô ayôṉè. 2Konde w’awulyi nè: Aranga gw’egômbe zi fèti, vende dwaṉ’edungu gôr’aṉaga.
3Gw’avegagi Yesu gô Betani, gô nagô yi Simôn y’avegagi ni nkaṉi ya gelô, gw’avegagi yè baru gw’inya, ayingiṉi ômwantô, n’eva z’agali mi nkangô yi nardi mbya yi njôni mpôlô; n’ayôṉi yè eva, ayir’agali gw’ewônjô zi Yesu. 4Aṉag’awèwo w’aṽendi awulyaṉa inè: Mbundakaṉi yiṉo y’agali mi nkangô yi re ntiṉa nde? 5Konde agali miṉo mi nkangô m’arô kôlyô n’inkam̃a s’ifura ntyarô, na vyagaṉô, ko sô pô gôr’ikuge. N’aṽendiṉi waô ômwantô mè. 6Ndô Yesu awulyi nè: Lèkizaṉi yè dyè. Ntiṉa nde yi sôkolya ṉwè yè? Are dendiṉa pa myè ôsam̃u ômbya; 7konde ikuge yi re na ṉwè egômbe zôdu, n’egômby’edu zi re ṉwè ko bela aṉwè ko dendiṉa waô mbya, ndô aṉwè e zele na myè egômbe zôdu. 8Adendi nt’are yè ko jolya; adiwô sagy’ôkuṽi wam̃ agali myè ṽèṉôgô ro. 9Giligili mi bulinya ṉwè inè, mbôry’edu yi be kambiṉô ntyangô mbya gô ntye yôdu, ndaga yiṉo yi r’ômwantô wiṉo denda pa yi be takilyô gw’ijônginyi sè.
10Yudas Iskaryot, ôm̃ori avila gôr’igôm̃i n’aṽaṉi, agèndi gôr’imiṉisè impôlô gô kôtize Yesu gôre waô. 11Gw’ayogyô waô yeṉo, w’ayeṉi mbya, avangaṉa gô pè idolè. N’awutagi Yudas egômb’eṽya zi re yè ko kôtizè.
12Gô ntyugu nônga yi mpèmba yi re levèn fo, gw’ayônyô ômwidombè wi Paki, iṉèngi yi Yesu y’awulinyi yè inè: Ô bela zwè kènda gô kekizo Paki na gweṉi? 13N’arôm̃i yè aṽaṉi avila gôr’iṉèngi yè, awulinya waô inè: Gèndaṉi gô nkala; aṉwè be dataṉa vovo n’ôma wi twaṉe ntyuga y’aṉingô, ko sôngaṉi yè. 14Mbôry’edu yi be jingiṉô yè, wulinyaṉi ôṉivi wi nagô inè: Ôṉènji e bulya inè: mbôra yi re gweṉi yi be nyô myè Paki n’iṉèngi yam̃? 15Gambèṉè e be teva ṉwè nontye mpôlô y’igôṉô, ni yom̃a yôdu keka pa; gekizaṉi Paki vovo gôre zwè. 16N’agènd’iṉèngi yè, aṽya gô nkala, n’alèngi waô isam̃u ga nt’awulinyi yè waô; n’agekizi waô Paki.
17Nkôlô aṽyeṉi yè n’igôm̃i n’aṽaṉi. 18Gw’avegagi waô gô tavulu anyaga. Yesu awulyi nè: Giligili mi bulinya ṉwè inè, ôm̃ori gôre ṉwè, e nya na myè, e be kôtiza myè. 19N’avakilyi waô gô jeṉ’ekèṽa, awulinyè ôm̃ori ôm̃ori inè: Myè? 20N’awiṉizè waô inè: Ôm̃ori gôr’igôm̃i n’aṽaṉi e duṽya na myè ôgo gô ntyèngè. 21Ômwaṉa w’ôma e kènda, ga nt’are tèndô pa g’ômwanji wè. Ndô azile gôr’ôma mè e kôtiz’Ômwaṉa w’ôma! Mbya gôr’ôma mè arwe nè e pa jaṉô.
22Gw’anyeṉagi waô, Yesu awongi mpèmba; n’ayè pa p’akeṽa, am̃oguṉi yô, ava yô gôre waô, awulya inè: Wongaṉi, wiṉo n’ôkuṽi wam̃. 23N’awongi yè imogi kè, n’ayè pa p’akeṽa, aveṉi nyô gôre waô, n’ayongi waôdu gô nyô. 24N’awulinyi yè waô inè: Yiṉo ne ntyiṉi yam̃, ntyiṉa yi njeka, yi pôvizô g’ômwanja w’ awenge. 25Giligili mi bulinya ṉwè inè, mi ze tô jonge nyèṉè ilônda y’ôgoli, kaô gô ntyugu mè yi be jonga myè yô imyoṉa gw’iṉongo ny’Anyambyè.
26Waô jemba p’ôwembô, w’agogwi agènda gô nômba yi yôlivi.
27N’awulinyô waô ne Yesu inè: Aṉwè du aṉwè be sogizô, konde are tèndô pa inè: Mi be bôl’ôvenjavenji w’adombè, ko adombè pazangaṉa. 28Ndô myè tôngwa pa, mi be kènda gô bôsô yaṉi gô Galile. 29Ndô Pyère awulinyi yè inè: Vangaṉe waôdu w’asogizô g’ômwanji wo, my’azogizô du. 30Awulinyô yè ne Yesu inè: Rèti mi bulinyo inè: ṉèṉo wiṉo, vangaṉe ôgwèra wiṉo, njogoṉi gôgaga ro nyongo mbaṉi, ô be danda myè nyongo ntyarô. 31Ndô Pyère ayoliz’igamba pôlô, awulya inè: Vangaṉe my’ajuwa na wè, my’alande wè du. Na waôdu w’awulyi kè yeṉo.
32Agèndi waô gô mbôra yi fweyô inè, Getsemane, n’awulinyi Yesu iṉèngi yè inè: Lwaṉaṉi baru vèṉo, gô kambiṉa myè. 33N’awongi yè na yè Pyère, ni Yakobu, ni Yôan, n’avakilyi yè gô tya ayeṉ’añandi. 34N’awulinyi yè waô inè: Iṉiṉi nyam̃ nyi jeṉ’ekèṽ’eṽe kwanga gw’ijuwa; lwaṉaṉi vèṉo, ko bèmbagaṉi. 35N’agèndi yè gô bôsô kwè, avôswa gô ntye, agambiṉa inè: ja y’ajolyô, igwèra nyiṉo nyi ga vyagaṉe avila gôre yè. 36Awulyi yè inè: Aba, Rera, isam̃u yôdu ko jolyô gôre wè, rômb’imogi nyiṉo avila gôre myè! Ndô aranga nte bela myè, ndô nte belo. 37N’aṽyeṉi yè gôr’iṉèngi, aliṽinya waô gw’antyôviṉô, n’awulinyi yè Pyère inè: Simôn, ô dèwa! W’ayolye bèmb’igwèr’im̃ori? 38Ṽèmbagaṉi ko kambiṉaṉi, ko ṉwè agweṉa gw’idembô; iṉiṉa ny’ajiviri, ndô ôzôṉe wi re dèla. 39N’arô kèndi yè, agambiṉ’ikambiṉa mèmô. 40N’aṽyeṉi yè, arô diṽinya waô gw’antyôviṉô; konde antyo maô m’avegagi dira. Wi re mye nt’are waô ko fwiṉizè. 41N’aṽyeṉi yè nyongo yi ntyarô, awulinya waô inè: Lèwaṉi, ko jowaṉi! Atweṉi kwèkwè! Igwèra ny’abyeṉi; vônaṉi, Ômwaṉa w’ôma akôtizyô gw’ago m’aṉag’aṽe. 42Ṉongwaṉi, azwè ga gèndeṉi; vônaṉi, ayè yi kôtiza myè atweṉi pyèrè.
43Gw’agambagi yè, vovo aṽyeṉi Yudas, ôm̃ori avila gôr’igôm̃i n’aṽaṉi, ni nkondo mpôlô na yè, n’ikwara n’iviso, w’arôm̃yô ne imiṉisè impôlô n’irèndisi n’aṉèro. 44Ayè y’agôtizi yè aliwô apeṉi waô elingilyô ziṉo inè: Ayè yi be sombô myè, ne yè; gôtaṉi yè, ko kèndaṉi na yè ngwasi. 45Gw’aṽyeṉi yè, azusi pelè gôre Yesu, awulya inè: Ôṉènji! N’azombyè yè. 46N’aṉaga mèwoṉo w’aralyi ago gôre Yesu, agôtè.
47Ndô ôm̃ori gôre waô w’avegagi vovo gôre, aluri ôkwara agwère nyôngô yi miṉisè mpôlô, asèrè ôrôy nkwe.
48N’awiṉizi Yesu awulinya waô inè: Aṉw’abya n’ikwara n’iviso gô kôta myè, egolaṉi ga gôr’ekuya. 49My’ avegagi ntyugw’edu na ṉwè, nènjaga gô nagô y’Anyambyè, ko ṉwè agôta myè. Ndô yiṉo y’atweṉi inè, irèndo yi ga lwaṉizô.
50Vovo iṉèngi yè yôdu y’arigi yè, awanga.
51N’azôngyô yè n’iwanjo, saguza p’ôṉamba w’ivèla. N’agôti waô yè; 52ndô arigi ôṉambi wè w’ivèla, awanga tele.
53Agèndizi waô Yesu gôre miṉise mpôlo; ayè n’imiṉisè impôlô sôdu, n’aṉèro, n’irèndisi w’alataṉi vovo. 54N’azôngyô yè ne Pyère davadavye, kwanga gw’evungu zi nagô yi miṉisè mpôlô; n’alwaṉi yè baru n’inyôngô, ayogo ôgôṉi.
55Imiṉisè impôlô n’ôvagô wôdu w’awutag’agamba gô sire Yesu, gô jôṉè, ndô wi pa dènga; 56konde awenge w’aṽèrinyi yè, ndô agambi maô mi pa kwezangaṉa. 57Agum̃aṉi awèwo aṽèrinyè, inè: 58Azw’ayogyô yè e bulya inè: Mi be saze nagô y’Anyambyè yiṉo y’aṉôgyô n’ago m’aṉaga, na gô ntyugu ntyarô mi be nôge nyèṉè yi re yi ze nôgô n’ago m’aṉaga. 59Ndô vanga yeṉo agambi maô mi pa kwezangaṉa. 60N’agum̃aṉi miṉisè mpôlô gô garegare y’ôvagô, aṽambye Yesu, awulya inè: Ô pa fwiṉiz’igamba, ôsam̃u nde wi kambô aṉaga wiṉo g’ômwanji wo? 61Ndô Yesu alwaṉi dodo, e pa fwiṉiz’igamba. N’arô bambyô yè ne miṉisè mpôlô inè: Awè ne Krist, y’Ômwaṉa w’Anyambyè? 62Ayiviri Yesu inè: Myè ne yè. N’aṉwè be jeṉ’Ômwaṉa w’ôma baru g’ôgo ôṉôm̃yè wi ngulu w’Anyambyè, e bya gô vindi y’ôrôṽa. 63N’ayôkuṉi miṉisè mpôlô ingoy sè, awulya inè: Azw’are n’isolo nde ny’iyeṉi imyèṉè? 64Aṉw’are jogo p’ipèdya s’Anyambyè. Aṉwè pikilya sèṉi? Waôdu w’ageṽizi yè inè, e ga yuwe. 65N’awèwo w’avakilyi gô tônyè igwaṉa, aliṽiṉè ôzô, awôlè gaṽa, awulinyè inè: Voga! N’inyôngô s’awôli yè asapôga.
66Gw’avegagi Pyère gw’evungu zi ntye, aṽyeṉi nyôngô nyantô mori avila gw’inyôngô inyantô si pengiṉe nagô yi miṉisè mpôlô. 67Gw’ayeṉi yè Pyère e jogo ôgôni, avôni yè, awulinyè inè: Awè kè w’avegagi ni Yesu yi Nazarèt. 68Ndô alandi yè, awulya inè: Mi pa mya; mi pa kôtiza nte bulyo. N’agogwi yè agènda gw’evungu. N’agôgi njogoṉi. 69N’ayenyô yè ne nyôngô nyantô, n’avakilyi gô bulinya mongi w’avegagi vovo inè: Wiṉo n’ôm̃ori gôre waô. 70Ndô arô dandi yè. Na mw’ôlingô pyagaṉa pa, waô w’avegagi vovo w’arô bulinyi Pyère inè: Giligili, awè ôm̃ori gôre waô, konde awè mwô’Galile. 71Ndô avakilyi gô sava na gô tang’irangô inè: Mi pa my’ôma mè wi kambô wè. 72N’agôgi njogoṉi pelè nyongo yi mbaṉi. N’ayônginyi Pyère igamba ny’awulinyô yè ne Yesu inè: Njogoṉi gôgaga ro nyongo mbaṉi, ô be danda myè nyongo ntyarô. Na gw’avikilyi yè nyô, avakilyi gô deṉa.
Đang chọn:
Mark 14: MYE
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.
Mark 14
14
1Ntyugu mbaṉi vyagaṉô fèti yi Paki ni mpèmba yi re levèn fo y’avegagi gô twa. N’awutag’imiṉisè impôlô n’irèndisi nt’are waô ko kôte Yesu n’avôṉô ayôṉè. 2Konde w’awulyi nè: Aranga gw’egômbe zi fèti, vende dwaṉ’edungu gôr’aṉaga.
3Gw’avegagi Yesu gô Betani, gô nagô yi Simôn y’avegagi ni nkaṉi ya gelô, gw’avegagi yè baru gw’inya, ayingiṉi ômwantô, n’eva z’agali mi nkangô yi nardi mbya yi njôni mpôlô; n’ayôṉi yè eva, ayir’agali gw’ewônjô zi Yesu. 4Aṉag’awèwo w’aṽendi awulyaṉa inè: Mbundakaṉi yiṉo y’agali mi nkangô yi re ntiṉa nde? 5Konde agali miṉo mi nkangô m’arô kôlyô n’inkam̃a s’ifura ntyarô, na vyagaṉô, ko sô pô gôr’ikuge. N’aṽendiṉi waô ômwantô mè. 6Ndô Yesu awulyi nè: Lèkizaṉi yè dyè. Ntiṉa nde yi sôkolya ṉwè yè? Are dendiṉa pa myè ôsam̃u ômbya; 7konde ikuge yi re na ṉwè egômbe zôdu, n’egômby’edu zi re ṉwè ko bela aṉwè ko dendiṉa waô mbya, ndô aṉwè e zele na myè egômbe zôdu. 8Adendi nt’are yè ko jolya; adiwô sagy’ôkuṽi wam̃ agali myè ṽèṉôgô ro. 9Giligili mi bulinya ṉwè inè, mbôry’edu yi be kambiṉô ntyangô mbya gô ntye yôdu, ndaga yiṉo yi r’ômwantô wiṉo denda pa yi be takilyô gw’ijônginyi sè.
10Yudas Iskaryot, ôm̃ori avila gôr’igôm̃i n’aṽaṉi, agèndi gôr’imiṉisè impôlô gô kôtize Yesu gôre waô. 11Gw’ayogyô waô yeṉo, w’ayeṉi mbya, avangaṉa gô pè idolè. N’awutagi Yudas egômb’eṽya zi re yè ko kôtizè.
12Gô ntyugu nônga yi mpèmba yi re levèn fo, gw’ayônyô ômwidombè wi Paki, iṉèngi yi Yesu y’awulinyi yè inè: Ô bela zwè kènda gô kekizo Paki na gweṉi? 13N’arôm̃i yè aṽaṉi avila gôr’iṉèngi yè, awulinya waô inè: Gèndaṉi gô nkala; aṉwè be dataṉa vovo n’ôma wi twaṉe ntyuga y’aṉingô, ko sôngaṉi yè. 14Mbôry’edu yi be jingiṉô yè, wulinyaṉi ôṉivi wi nagô inè: Ôṉènji e bulya inè: mbôra yi re gweṉi yi be nyô myè Paki n’iṉèngi yam̃? 15Gambèṉè e be teva ṉwè nontye mpôlô y’igôṉô, ni yom̃a yôdu keka pa; gekizaṉi Paki vovo gôre zwè. 16N’agènd’iṉèngi yè, aṽya gô nkala, n’alèngi waô isam̃u ga nt’awulinyi yè waô; n’agekizi waô Paki.
17Nkôlô aṽyeṉi yè n’igôm̃i n’aṽaṉi. 18Gw’avegagi waô gô tavulu anyaga. Yesu awulyi nè: Giligili mi bulinya ṉwè inè, ôm̃ori gôre ṉwè, e nya na myè, e be kôtiza myè. 19N’avakilyi waô gô jeṉ’ekèṽa, awulinyè ôm̃ori ôm̃ori inè: Myè? 20N’awiṉizè waô inè: Ôm̃ori gôr’igôm̃i n’aṽaṉi e duṽya na myè ôgo gô ntyèngè. 21Ômwaṉa w’ôma e kènda, ga nt’are tèndô pa g’ômwanji wè. Ndô azile gôr’ôma mè e kôtiz’Ômwaṉa w’ôma! Mbya gôr’ôma mè arwe nè e pa jaṉô.
22Gw’anyeṉagi waô, Yesu awongi mpèmba; n’ayè pa p’akeṽa, am̃oguṉi yô, ava yô gôre waô, awulya inè: Wongaṉi, wiṉo n’ôkuṽi wam̃. 23N’awongi yè imogi kè, n’ayè pa p’akeṽa, aveṉi nyô gôre waô, n’ayongi waôdu gô nyô. 24N’awulinyi yè waô inè: Yiṉo ne ntyiṉi yam̃, ntyiṉa yi njeka, yi pôvizô g’ômwanja w’ awenge. 25Giligili mi bulinya ṉwè inè, mi ze tô jonge nyèṉè ilônda y’ôgoli, kaô gô ntyugu mè yi be jonga myè yô imyoṉa gw’iṉongo ny’Anyambyè.
26Waô jemba p’ôwembô, w’agogwi agènda gô nômba yi yôlivi.
27N’awulinyô waô ne Yesu inè: Aṉwè du aṉwè be sogizô, konde are tèndô pa inè: Mi be bôl’ôvenjavenji w’adombè, ko adombè pazangaṉa. 28Ndô myè tôngwa pa, mi be kènda gô bôsô yaṉi gô Galile. 29Ndô Pyère awulinyi yè inè: Vangaṉe waôdu w’asogizô g’ômwanji wo, my’azogizô du. 30Awulinyô yè ne Yesu inè: Rèti mi bulinyo inè: ṉèṉo wiṉo, vangaṉe ôgwèra wiṉo, njogoṉi gôgaga ro nyongo mbaṉi, ô be danda myè nyongo ntyarô. 31Ndô Pyère ayoliz’igamba pôlô, awulya inè: Vangaṉe my’ajuwa na wè, my’alande wè du. Na waôdu w’awulyi kè yeṉo.
32Agèndi waô gô mbôra yi fweyô inè, Getsemane, n’awulinyi Yesu iṉèngi yè inè: Lwaṉaṉi baru vèṉo, gô kambiṉa myè. 33N’awongi yè na yè Pyère, ni Yakobu, ni Yôan, n’avakilyi yè gô tya ayeṉ’añandi. 34N’awulinyi yè waô inè: Iṉiṉi nyam̃ nyi jeṉ’ekèṽ’eṽe kwanga gw’ijuwa; lwaṉaṉi vèṉo, ko bèmbagaṉi. 35N’agèndi yè gô bôsô kwè, avôswa gô ntye, agambiṉa inè: ja y’ajolyô, igwèra nyiṉo nyi ga vyagaṉe avila gôre yè. 36Awulyi yè inè: Aba, Rera, isam̃u yôdu ko jolyô gôre wè, rômb’imogi nyiṉo avila gôre myè! Ndô aranga nte bela myè, ndô nte belo. 37N’aṽyeṉi yè gôr’iṉèngi, aliṽinya waô gw’antyôviṉô, n’awulinyi yè Pyère inè: Simôn, ô dèwa! W’ayolye bèmb’igwèr’im̃ori? 38Ṽèmbagaṉi ko kambiṉaṉi, ko ṉwè agweṉa gw’idembô; iṉiṉa ny’ajiviri, ndô ôzôṉe wi re dèla. 39N’arô kèndi yè, agambiṉ’ikambiṉa mèmô. 40N’aṽyeṉi yè, arô diṽinya waô gw’antyôviṉô; konde antyo maô m’avegagi dira. Wi re mye nt’are waô ko fwiṉizè. 41N’aṽyeṉi yè nyongo yi ntyarô, awulinya waô inè: Lèwaṉi, ko jowaṉi! Atweṉi kwèkwè! Igwèra ny’abyeṉi; vônaṉi, Ômwaṉa w’ôma akôtizyô gw’ago m’aṉag’aṽe. 42Ṉongwaṉi, azwè ga gèndeṉi; vônaṉi, ayè yi kôtiza myè atweṉi pyèrè.
43Gw’agambagi yè, vovo aṽyeṉi Yudas, ôm̃ori avila gôr’igôm̃i n’aṽaṉi, ni nkondo mpôlô na yè, n’ikwara n’iviso, w’arôm̃yô ne imiṉisè impôlô n’irèndisi n’aṉèro. 44Ayè y’agôtizi yè aliwô apeṉi waô elingilyô ziṉo inè: Ayè yi be sombô myè, ne yè; gôtaṉi yè, ko kèndaṉi na yè ngwasi. 45Gw’aṽyeṉi yè, azusi pelè gôre Yesu, awulya inè: Ôṉènji! N’azombyè yè. 46N’aṉaga mèwoṉo w’aralyi ago gôre Yesu, agôtè.
47Ndô ôm̃ori gôre waô w’avegagi vovo gôre, aluri ôkwara agwère nyôngô yi miṉisè mpôlô, asèrè ôrôy nkwe.
48N’awiṉizi Yesu awulinya waô inè: Aṉw’abya n’ikwara n’iviso gô kôta myè, egolaṉi ga gôr’ekuya. 49My’ avegagi ntyugw’edu na ṉwè, nènjaga gô nagô y’Anyambyè, ko ṉwè agôta myè. Ndô yiṉo y’atweṉi inè, irèndo yi ga lwaṉizô.
50Vovo iṉèngi yè yôdu y’arigi yè, awanga.
51N’azôngyô yè n’iwanjo, saguza p’ôṉamba w’ivèla. N’agôti waô yè; 52ndô arigi ôṉambi wè w’ivèla, awanga tele.
53Agèndizi waô Yesu gôre miṉise mpôlo; ayè n’imiṉisè impôlô sôdu, n’aṉèro, n’irèndisi w’alataṉi vovo. 54N’azôngyô yè ne Pyère davadavye, kwanga gw’evungu zi nagô yi miṉisè mpôlô; n’alwaṉi yè baru n’inyôngô, ayogo ôgôṉi.
55Imiṉisè impôlô n’ôvagô wôdu w’awutag’agamba gô sire Yesu, gô jôṉè, ndô wi pa dènga; 56konde awenge w’aṽèrinyi yè, ndô agambi maô mi pa kwezangaṉa. 57Agum̃aṉi awèwo aṽèrinyè, inè: 58Azw’ayogyô yè e bulya inè: Mi be saze nagô y’Anyambyè yiṉo y’aṉôgyô n’ago m’aṉaga, na gô ntyugu ntyarô mi be nôge nyèṉè yi re yi ze nôgô n’ago m’aṉaga. 59Ndô vanga yeṉo agambi maô mi pa kwezangaṉa. 60N’agum̃aṉi miṉisè mpôlô gô garegare y’ôvagô, aṽambye Yesu, awulya inè: Ô pa fwiṉiz’igamba, ôsam̃u nde wi kambô aṉaga wiṉo g’ômwanji wo? 61Ndô Yesu alwaṉi dodo, e pa fwiṉiz’igamba. N’arô bambyô yè ne miṉisè mpôlô inè: Awè ne Krist, y’Ômwaṉa w’Anyambyè? 62Ayiviri Yesu inè: Myè ne yè. N’aṉwè be jeṉ’Ômwaṉa w’ôma baru g’ôgo ôṉôm̃yè wi ngulu w’Anyambyè, e bya gô vindi y’ôrôṽa. 63N’ayôkuṉi miṉisè mpôlô ingoy sè, awulya inè: Azw’are n’isolo nde ny’iyeṉi imyèṉè? 64Aṉw’are jogo p’ipèdya s’Anyambyè. Aṉwè pikilya sèṉi? Waôdu w’ageṽizi yè inè, e ga yuwe. 65N’awèwo w’avakilyi gô tônyè igwaṉa, aliṽiṉè ôzô, awôlè gaṽa, awulinyè inè: Voga! N’inyôngô s’awôli yè asapôga.
66Gw’avegagi Pyère gw’evungu zi ntye, aṽyeṉi nyôngô nyantô mori avila gw’inyôngô inyantô si pengiṉe nagô yi miṉisè mpôlô. 67Gw’ayeṉi yè Pyère e jogo ôgôni, avôni yè, awulinyè inè: Awè kè w’avegagi ni Yesu yi Nazarèt. 68Ndô alandi yè, awulya inè: Mi pa mya; mi pa kôtiza nte bulyo. N’agogwi yè agènda gw’evungu. N’agôgi njogoṉi. 69N’ayenyô yè ne nyôngô nyantô, n’avakilyi gô bulinya mongi w’avegagi vovo inè: Wiṉo n’ôm̃ori gôre waô. 70Ndô arô dandi yè. Na mw’ôlingô pyagaṉa pa, waô w’avegagi vovo w’arô bulinyi Pyère inè: Giligili, awè ôm̃ori gôre waô, konde awè mwô’Galile. 71Ndô avakilyi gô sava na gô tang’irangô inè: Mi pa my’ôma mè wi kambô wè. 72N’agôgi njogoṉi pelè nyongo yi mbaṉi. N’ayônginyi Pyère igamba ny’awulinyô yè ne Yesu inè: Njogoṉi gôgaga ro nyongo mbaṉi, ô be danda myè nyongo ntyarô. Na gw’avikilyi yè nyô, avakilyi gô deṉa.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.