Mark 15
15
1Bunya, imiṉisè impôlô, n’aṉèro, n’irèndisi, n’ôvagô wôdu w’awôndi môndo pelè. Waô kôra pe Yesu w’agèndi na yè, aṉozè gôre Pilatu.
2N’aṽambyô yè ne Pilatu inè: Awè n’ôga w’Iju? 3Ayiviryô yè ne Yesu inè: Èñ, nt’abulyo. N’imiṉisè impôlô s’azozi yè isam̃u imyenge. 4N’arô bambyô yè ne Pilatu inè: Ô pa fwiṉiz’igamba? Vôn’isam̃u imyenge yi soziza waô wè. 5Ndô Yesu e pa tô fwiṉize du igamba; yeṉo am̃ami Pilatu.
6Gô fèty’edu, avuruṉagi waô ôkôte, w’aṽambyô yè n’aṉaga. 7Avegagi ôma gô ntyôgô, ini nyè ne Barabas, ayè na mongi w’alataṉi na yè gô pang’igoṽi, w’aliwô w’ajôṉi aṉaga gw’igoṽi mè. 8N’avandi aṉaga, n’avakilyi waô gô bambyè gô denda nte dendiṉè waô pèkèpèkè. 9N’awiṉizyô waô ne Pilatu inè: Aṉwè bela nè, mi ga vuruṉe ṉwè ôga w’Iju? 10Konde amyeṉi nè, imiṉisè impôlô s’aliwô s’akôti yè ni ñandi. 11Ndô imiṉisè impôlô s’azory’aṉaga inè, Pilatu e ga vuruṉe waô Barabas. 12N’arô fwiṉizi Pilatu, awulinya waô inè: Sambô aṉwè bela myè gô denda sèṉi gôre yè yi fweyô ṉwè inè, ôga w’Iju? 13W’arô tôngi nè: Ṽanyè gô krosi! 14N’awulinyô waô ne Pilatu inè: Ntiṉa nde, ôsam̃u nde ômbe wi re yè denda pa? N’arô tôngi waô vyagaṉô pôlô inè: Ṽanyè gô krosi! 15Ndô Pilatu aṽeli gô tondy’aṉaga, yeṉo avuruṉi yè waô Barabas; n’ayè siṽa pe Yesu, aveṉi yè gô banyô gô krosi.
16Isozè s’agèndyi Yesu gô mbôra yi fweyô inè, ñanja, n’alatizi waô isozè sôdu. 17N’aworizi waô yè ngoy ya gelô, n’aṉôgi waô kôrôṽa y’arèndè, aworizè yô. 18N’avakilyi waô gô sanguṉè inè: Mbôlô, ôga w’Iju! 19N’awôli waô yè gw’ewônjô ni nkogu, arônyè igwaṉa, alôṽ’akotolo, azaviṉè. 20Waô sèlyè pa, w’arômbi yè ngoy ya gelô, arô borizè ingoy sèmè, n’agèndyi waô yè gô banyô gô krosi.
21Aṽangatyi waô Simôn, ya mwô’Sirèn, rerè y’Alekisandri ni Rufus, aṽyeṉigi avila g’ômpindi, gôre yè gô twaṉe krosi yi Yesu; 22n’agèndyi waô Yesu gô mbôra yi fweyô inè, Golgôta, nyô bènguṉô pa nyi pivya nè, mbôra yi nkèli. 23N’aveṉi waô yè ivè, keziṉô pa ni mira gô jonga, ndô e pa bonga nyô.
24Aṽanyi waô yè, ager’ingoy sè, avung’ezôga gô sô gô mya nte be dèng’ôm’edu. 25Gw’aṽanyi waô yè gô krosi avegagi agwèr’ararô.
26N’irèndo y’arevi ntiṉa y’aṽanyô yè gô krosi y’avegagi nè: Ôga w’Iju.
27W’aṽanyi kuya ṽaṉi na yè gô krosi, ôm̃ori g’ôgo wè ôṉôm̃yè, n’ôm̃ori g’ôgo wè ônyantwè. 28[Yeṉo alwaṉizô ga nte buly’Irèndo inè: Arangyô gô ntangô y’ivavisi.]
29Waô w’avyagaṉi w’aroṽi yè, awizawize wônjô yaô, awulya inè: Èñ, awè yi saze nagô y’Anyambyè, arô nôga yô ni ntyugu ntyarô, 30zungiṉ’ôkuṽi womè, ko sum̃iṉa avila gô krosi! 31Imiṉisè impôlô kè, n’irèndisi, w’azèlyi waô na waô, awulya inè: Azungiṉi am̃ori, ko yè ayolya gô sungiṉ’ôkuṽi wèmè. 32Krist, y’ôga w’Israèl, e ga zum̃iṉe vèṉo avila gô krosi, ko zwè jeṉa aṽekelya! Waô w’aṽanyô na yè gô krosi w’aroṽi yè kè.
33Gw’ageki agwèr’ôrôṽa, arweṉi mpiri gô ntye yôdu, kwanga gw’agwèr’eṉôgôm̃i. 34Na gw’igwèra ny’eṉôgôm̃i, Yesu arôngi n’inyôy ivôlô ine: Elôy, Elôy, lama sabaktaṉi? Nyô bènguṉô pa nyi pivya nè: Anyambyè yam̃, Anyambyè yam̃, ntiṉa nde yi re wè fala pa myè? 35Awèwo gôre waô w’avegagi vovo, gw’ayogyô waô yeṉo, w’awulyi nè: Vôna, e fwey’Eliya. 36N’ôm̃ori gôre waô avali mangô ayônye eponzi ni vinègre awela yô gô nkogu, ayonjè yô, awulya inè: Rigareṉi dyè, azwè ga yeṉeṉi twa pa Eliya e be bya gô sônyè.
37Ndô Yesu arôngi n’inyôy ivôlô, azul’ômwèy.
38Ayarwi ôṉamba wi re diṽiṉô pa wi nagô y’Anyambyè mbwa avila gw’igôṉô kwanga gô ntye.
39Gw’ayeṉi ewônjô z’isozè, avegagi swaswo ni Yesu nt’azuli yè ômwèy yeṉo, awulyi nè: Giligili, ôma wiṉo n’Ômwaṉa w’Anyambyè.
40Avegagi kè antô w’avônagi davadavye. Gôre waô avegagi wa Marya yi Magdala, ni Marya, yi ngwè yi Yakobu nyangô, na yi Yôsès, ni Salôme; 41wiṉo w’azôngagi yè ayanjiṉègè gw’avegagi yè gô Galile, n’antô awèṉè awenge w’avandi na yè gô Yerusalèm, w’avônagi vovo.
42Nkôlô, gô re nè avegagi ntyugu y’ikekiza yi sôngô soṉo, 43aṽyeṉi Yôsèf y’Arimate, ôma w’inyanga g’ôvagô w’Iju, ayèmè kè awôndag’iṉongo ny’Anyambyè. Aṽyeṉi ni nkagandè gôre Pilatu gô bambya ebende zi Yesu. 44N’am̃ami Pilatu inè, asunge juwa yeṉo; n’aweyi yè ôma w’avegagi gw’ewônjô z’isozè, aṽambyè twa pa adingi ni juwa. 45Na gw’amyezô yè n’ewônjô z’isozè, aveṉi ebende gôre Yôsèf. 46N’agôli Yôsèf ivèl’iṽya, azônye Yesu avila gô krosi, avingè n’ivèla, awelè g’ôrôngiṉô w’avegagi tôkô pa gw’idô. N’agaṽalyi yè idô g’ômpômbala w’ôrôngiṉô. 47Marya yi Magdala ni Marya, ngwè yi Yôsès, w’avônagi mbôra y’alimbinyô yè.
Đang chọn:
Mark 15: MYE
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.
Mark 15
15
1Bunya, imiṉisè impôlô, n’aṉèro, n’irèndisi, n’ôvagô wôdu w’awôndi môndo pelè. Waô kôra pe Yesu w’agèndi na yè, aṉozè gôre Pilatu.
2N’aṽambyô yè ne Pilatu inè: Awè n’ôga w’Iju? 3Ayiviryô yè ne Yesu inè: Èñ, nt’abulyo. N’imiṉisè impôlô s’azozi yè isam̃u imyenge. 4N’arô bambyô yè ne Pilatu inè: Ô pa fwiṉiz’igamba? Vôn’isam̃u imyenge yi soziza waô wè. 5Ndô Yesu e pa tô fwiṉize du igamba; yeṉo am̃ami Pilatu.
6Gô fèty’edu, avuruṉagi waô ôkôte, w’aṽambyô yè n’aṉaga. 7Avegagi ôma gô ntyôgô, ini nyè ne Barabas, ayè na mongi w’alataṉi na yè gô pang’igoṽi, w’aliwô w’ajôṉi aṉaga gw’igoṽi mè. 8N’avandi aṉaga, n’avakilyi waô gô bambyè gô denda nte dendiṉè waô pèkèpèkè. 9N’awiṉizyô waô ne Pilatu inè: Aṉwè bela nè, mi ga vuruṉe ṉwè ôga w’Iju? 10Konde amyeṉi nè, imiṉisè impôlô s’aliwô s’akôti yè ni ñandi. 11Ndô imiṉisè impôlô s’azory’aṉaga inè, Pilatu e ga vuruṉe waô Barabas. 12N’arô fwiṉizi Pilatu, awulinya waô inè: Sambô aṉwè bela myè gô denda sèṉi gôre yè yi fweyô ṉwè inè, ôga w’Iju? 13W’arô tôngi nè: Ṽanyè gô krosi! 14N’awulinyô waô ne Pilatu inè: Ntiṉa nde, ôsam̃u nde ômbe wi re yè denda pa? N’arô tôngi waô vyagaṉô pôlô inè: Ṽanyè gô krosi! 15Ndô Pilatu aṽeli gô tondy’aṉaga, yeṉo avuruṉi yè waô Barabas; n’ayè siṽa pe Yesu, aveṉi yè gô banyô gô krosi.
16Isozè s’agèndyi Yesu gô mbôra yi fweyô inè, ñanja, n’alatizi waô isozè sôdu. 17N’aworizi waô yè ngoy ya gelô, n’aṉôgi waô kôrôṽa y’arèndè, aworizè yô. 18N’avakilyi waô gô sanguṉè inè: Mbôlô, ôga w’Iju! 19N’awôli waô yè gw’ewônjô ni nkogu, arônyè igwaṉa, alôṽ’akotolo, azaviṉè. 20Waô sèlyè pa, w’arômbi yè ngoy ya gelô, arô borizè ingoy sèmè, n’agèndyi waô yè gô banyô gô krosi.
21Aṽangatyi waô Simôn, ya mwô’Sirèn, rerè y’Alekisandri ni Rufus, aṽyeṉigi avila g’ômpindi, gôre yè gô twaṉe krosi yi Yesu; 22n’agèndyi waô Yesu gô mbôra yi fweyô inè, Golgôta, nyô bènguṉô pa nyi pivya nè, mbôra yi nkèli. 23N’aveṉi waô yè ivè, keziṉô pa ni mira gô jonga, ndô e pa bonga nyô.
24Aṽanyi waô yè, ager’ingoy sè, avung’ezôga gô sô gô mya nte be dèng’ôm’edu. 25Gw’aṽanyi waô yè gô krosi avegagi agwèr’ararô.
26N’irèndo y’arevi ntiṉa y’aṽanyô yè gô krosi y’avegagi nè: Ôga w’Iju.
27W’aṽanyi kuya ṽaṉi na yè gô krosi, ôm̃ori g’ôgo wè ôṉôm̃yè, n’ôm̃ori g’ôgo wè ônyantwè. 28[Yeṉo alwaṉizô ga nte buly’Irèndo inè: Arangyô gô ntangô y’ivavisi.]
29Waô w’avyagaṉi w’aroṽi yè, awizawize wônjô yaô, awulya inè: Èñ, awè yi saze nagô y’Anyambyè, arô nôga yô ni ntyugu ntyarô, 30zungiṉ’ôkuṽi womè, ko sum̃iṉa avila gô krosi! 31Imiṉisè impôlô kè, n’irèndisi, w’azèlyi waô na waô, awulya inè: Azungiṉi am̃ori, ko yè ayolya gô sungiṉ’ôkuṽi wèmè. 32Krist, y’ôga w’Israèl, e ga zum̃iṉe vèṉo avila gô krosi, ko zwè jeṉa aṽekelya! Waô w’aṽanyô na yè gô krosi w’aroṽi yè kè.
33Gw’ageki agwèr’ôrôṽa, arweṉi mpiri gô ntye yôdu, kwanga gw’agwèr’eṉôgôm̃i. 34Na gw’igwèra ny’eṉôgôm̃i, Yesu arôngi n’inyôy ivôlô ine: Elôy, Elôy, lama sabaktaṉi? Nyô bènguṉô pa nyi pivya nè: Anyambyè yam̃, Anyambyè yam̃, ntiṉa nde yi re wè fala pa myè? 35Awèwo gôre waô w’avegagi vovo, gw’ayogyô waô yeṉo, w’awulyi nè: Vôna, e fwey’Eliya. 36N’ôm̃ori gôre waô avali mangô ayônye eponzi ni vinègre awela yô gô nkogu, ayonjè yô, awulya inè: Rigareṉi dyè, azwè ga yeṉeṉi twa pa Eliya e be bya gô sônyè.
37Ndô Yesu arôngi n’inyôy ivôlô, azul’ômwèy.
38Ayarwi ôṉamba wi re diṽiṉô pa wi nagô y’Anyambyè mbwa avila gw’igôṉô kwanga gô ntye.
39Gw’ayeṉi ewônjô z’isozè, avegagi swaswo ni Yesu nt’azuli yè ômwèy yeṉo, awulyi nè: Giligili, ôma wiṉo n’Ômwaṉa w’Anyambyè.
40Avegagi kè antô w’avônagi davadavye. Gôre waô avegagi wa Marya yi Magdala, ni Marya, yi ngwè yi Yakobu nyangô, na yi Yôsès, ni Salôme; 41wiṉo w’azôngagi yè ayanjiṉègè gw’avegagi yè gô Galile, n’antô awèṉè awenge w’avandi na yè gô Yerusalèm, w’avônagi vovo.
42Nkôlô, gô re nè avegagi ntyugu y’ikekiza yi sôngô soṉo, 43aṽyeṉi Yôsèf y’Arimate, ôma w’inyanga g’ôvagô w’Iju, ayèmè kè awôndag’iṉongo ny’Anyambyè. Aṽyeṉi ni nkagandè gôre Pilatu gô bambya ebende zi Yesu. 44N’am̃ami Pilatu inè, asunge juwa yeṉo; n’aweyi yè ôma w’avegagi gw’ewônjô z’isozè, aṽambyè twa pa adingi ni juwa. 45Na gw’amyezô yè n’ewônjô z’isozè, aveṉi ebende gôre Yôsèf. 46N’agôli Yôsèf ivèl’iṽya, azônye Yesu avila gô krosi, avingè n’ivèla, awelè g’ôrôngiṉô w’avegagi tôkô pa gw’idô. N’agaṽalyi yè idô g’ômpômbala w’ôrôngiṉô. 47Marya yi Magdala ni Marya, ngwè yi Yôsès, w’avônagi mbôra y’alimbinyô yè.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Published by the British and Foreign Bible Society in 1927.