Luk Mebandu me sanguvu ye Luke
Mebandu me sanguvu ye Luke
Luke eke dze zwifi. Wangu eke dze tima ye betuma be Zezu Klisti iku ne bole, ni wangu esukudzeke ni pole se midzunga myedzi ne uyamene wangu se dzandza dzedzi. Luke ni we vele tende sanguvu ye medzandza me betuma. Se sanguvu yi Luke abanda ne utanda ati, wangu efumba ni tanda mamvu mesi mesuta ne Zezu umve umve. Luke etende mamvu mene ni ne bezwifi ne ne batu be mekaka moko, yayu bangu beyiba ati, me belakise bangu medzi ni umbu. Luke atanda mamvu meyitsi me itondo dze Zezu: Itondo dze Zezu, etondo batu be unkuuna, be bileme, batu ne benzenze.
Sanguvu yi, bakabene yangu biliyi untsami:
Liyi ye wika ndzii ne ye unyole: Luke awowe nda bedziya Zambatisi ne Zezu. Wangu atanda nda Maliya, Zakali ne Simeyon bekumise Nzambi ne nda bangu benene.
Liyi ye unsatu ndzii ne ye unayi: Wangu alaka nda Zambatisi eya yebise peyi ye Zezu, nda Zan ekaba Zezu meteme, nda Satan emaama Zezu.
Liyi ye unayi ndzii ne ye bitanyi ne binayi: Wangu alaka me Zezu epika se ngundu ye Galile: Zezu alakise iwowe dze Nzambi, alungise ne mibedzu.
Liyi ye bitanyi ne binayi ndzii ye iku ne bitanyi ne binayi: Wangu alaka ati Zezu ateme Galile ne utse Zeluzalemi. Se liyi ye sanguvu yedzi, Luke awowe ne mamvu moko meyitsi me nde se bisanguvu byoko, ne moko meyitsi me Zezu elakise ne milivile mye nda mutu we samali we mamvu meve, mutu we untamvu we wuka, ne nwana we ibaka we nyongo bayene.
Liyi ye iku ne bitanyi ne binayi ndzii ne ye meku mole ne yotu: Wangu awowe ne me Zezu epika Zeluzalemi ne medzi elakise wayu.
Liyi ye meku mole ne byole, ndzii ne ye meku mole ne bisatu: Wangu awowe ne membaba ne liku le Zezu. Yedzi ewowe ne dze binyusili bye Zezu, ne nda wangu elaka nyulu ne bebingi bedzi.
Liyi ye meku mole ne binayi: Luke amana tende sanguvu yedzi atanda nda Zezu ebita ikulu.
Đang chọn:
Luk Mebandu me sanguvu ye Luke: WUM
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES