Luke 20
20
Sa Tarogi Jisu eso se Ko cei sa Lesi Koya
(Maciu 21.23-27; Marika 11.27-33)
1A sa yaco e na dua na siga ko ya, ni sa vakavulici ira tiko na tamata ko koya e na vale-ni-soro, ka vunautaka nai tukutuku-vinaka, era sa lako mai na bete levu, kei na vunivola, kei na qase, 2a ra sa tarogi koya, ka kaya, “Tukuna mai vei keitou, se ko sa lesi mai vei mo cakava na veika oqo? Se ko cei sa solia vei iko nai lesilesi oqo?” 3A sa vosa ko koya, ka kaya vei ira, “Au na tarogi kemudou talega e na dua na ka. Dou tukuna mai vei au: 4A papitaiso i Joni, sa vu mai lomalagi, se vu mai na tamata?” 5A ra sa veivosakitaka vakai ira, ka kaya, “Kevaka eda na kaya, ‘Mai lomalagi,’ ena qai kaya ko koya, ‘Ia dou sa sega ni vakadinati koya e na vuku ni cava?’ 6Ia kevaka eda na kaya, ‘Mai na tamata,’ era na vakaviriki keda e na vatu ko ira kecega na tamata, ni ra sa vakadinata ni sa parofita ko Joni.” 7A ra sa kaya ni ra sa sega ni kila rawa se sa vu mai vei. 8A sa kaya vei ira ko Jisu, “Au sa sega talega ni tukuna vei kemudou se ka’u sa lesi mai vei me’u kitaka na veika oqo.”
Na Vosa Vakatautauvata ni Vakatau-ni-were Ca
(Maciu 21.33-46; Marika 12.1-12)
9 #
Aisea 5.1
Sa qai tukuna ko koya na vosa vakatautauvata oqo vei ira na tamata: “Sa dua na tamata sa tea e dua na loga-ni-vaini, ka lisitaka vei ira eso nai vakatau-ni-were, ka sa qai lako ki na vanua tani me tiko vakadede kina. 10Ia ni sa yaco na kena gauna, sa tala ko koya e dua na tamata vei ira nai vakatau-ni-were, me ra solia vua eso na vua ni loga-ni-vaini. Ia era sa yaviti koya ko ira nai vakatau-ni-were, ka vakatala tani e na liga-lala. 11Sa qai tala ko koya e dua tale na nona tamata. A ra sa yaviti koya talega, ka vakamaduataka, ka vakatala tani e na liga-lala. 12A sa tala tale ko koya nai katolu. A ra sa vakamavoataki koya talega, ka vakasava tani. 13Sa qai kaya nai taukei ni loga-ni-vaini, ‘A cava me’u kitaka? Au na tala na noqu gone ni toko; era na dokai koya beka ni ra sa raica.’ 14Ia ni ra sa raica ko ira nai vakatau-ni-were, era sa veivosaki vakai ira, ka kaya, ‘O koya oqo sa kenai taukei mai muri, tou vakamatea, ka me noda ga na vanua.’ 15A ra sa biliga ki taudaku ni loga-ni-vaini, ka vakamatea. A cava beka ena qai kitaka nai taukei ni loga-ni-vaini vei ira? 16Ena lako mai ka vakarusai ira nai vakatau-ni-were oqori, ka solia na loga-ni-vaini vei ira na tani.” Ia ni ra sa rogoca, era sa kaya, “Me kakua sara!” 17#Same 118.22Ia sa vakaraici ira ko koya, ka kaya, “A cava oqo sa volai:
‘A vatu era sa cata na matai ni vale
sa yaco me kenai vakadei e na tutu ni vale’?
18 O koya yadua e na lutu ki na vatu oqori ena dasila kina; ia ko koya ena lutuka, ena vurumemea me vaka na nuku.” 19A ra sa vakatovolea ko ira na bete levu kei ira na vunivola me ra vesuki koya e na tiki-ni-siga ko ya, ni ra sa kila sa tukuni ira ko koya e na vosa vakatautauvata ko ya, ia era sa rerevaki ira na tamata.
Na Taro me Baleta na Soli Vakacavacava
(Maciu 22.15-22; Marika 12.13-17)
20A ra sa vakaraici koya, ka tala na tamata eso me ra veretaka, me ra vaka era sa yalododonu, me ra rogoca na nona vosa eso, me ra soli koya kina vua na kovana me lewai koya ka veitaliataki koya. 21A ra sa tarogi koya, ka kaya, “Vakavuvuli, keitou sa kila kemuni sa vosataka na ka e dodonu ka vakatavuvulitaka tiko, a sa sega e dua ko ni sa vinakata walega, ia ko sa vakatavuvulitaka vakaidina nai valavala sa vinaka vua na Kalou. 22Sa tara me da soli vakacavacava vei Sisa, se segai?” 23A sa kila na nodra i lawaki ko koya, ka kaya vei ira, 24“Vakaraitaka mai vei au e dua na pene. A mata i cei kei na yaca i cei sa volai tu kina?” A ra sa vosa, ka kaya, “A nei Sisa.” 25A sa kaya vei ira ko koya, “Mo dou qai solia vei Sisa na veika sa nei Sisa, vua talega na Kalou na veika sa nona na Kalou.” 26A sa sega e dua na nona vosa me ra vesuki koya rawa kina e matadra na tamata, ia era sa kurabui e na nona vosa ka ra sa galu ga.
Na Taro me Baleta na Tucake Tale mai na Mate
(Maciu 22.23-33; Marika 12.18-27)
27 #
Caka 23.8
Era sa qai lako mai eso nai tokani i Setoki, ko ira era kaya sa sega na tucake tale mai na mate, ka ra sa tarogi koya, 28#Vrua 25.5ka kaya, “Vakavuvuli, sa vola vei keda ko Mosese ni kevaka sa mate e dua na tamata vakawati, ia ka sega na luvena, me qai vakawati kei na nona yada ko tuakana se tacina, me vakaivakawa kina vua na tuakana se tacina ka mate. 29Ia ka sa tiko na veitacini eratou lewe vitu. A sa vakawati ko koya sa qase, a sa mate ka sega na luvena. 30Erau sa qai veiwatini kei na yada nai karua, a sa mate ka sega na luvena, 31erau sa qai veiwatini kaya nai katolu, ka sa vaka talega kina ko iratou na lewe vitu, eratou sa mate ka sega na luvedratou. 32Sa qai mate talega e muri na yalewa. 33Ni sa tucake tale na mate, ena wati cei ko koya oqo? Ni ratou lewe vitu sa veiwatini kaya.”
34A sa vosa ko Jisu, ka kaya vei ira, “Era sa vakawati ka veimusumusukitaki me ra vakawati na gone ni vuravura oqo; 35ia ko ira era vakabau me ra yaga me nodra na bula ko ya kei na tucake tale mai na mate, era sa sega ni vakawati se veimusumusukitaki me ra vakawati. 36Ka ra na sega ni mate rawa tale, ni ra sa tautauvata kei ira na agilosi, ka ra sa luve ni Kalou, ni ra sa luve ni tucake tale mai na mate. 37#Lako 3.6Ia na kena vakaturi cake tale ko ira na mate, sa vakatakila oqo ko Mosese, mai na vunikau kama, ni sa vakatoka na Turaga, Na Kalou i Eparaama, kei na Kalou i Aisake, kei na Kalou i Jekope. 38Ni sa sega ni nodra Kalou na mate ko koya, a nodra ga era sa bula tiko; ni ra sa bula kecega vei koya.” 39Sa qai vosa eso na vunivola, ka kaya, “Vakavuvuli, sa vinaka na nomuni vosa.” 40A ra sa sega ni doudou e muri me ra taroga tale e dua na ka.
Na Taro me Baleta na Mesaia
(Maciu 22.41-46; Marika 12.35-37)
41Sa qai tarogi ira ko koya, “Sa kainaki vakaevei ni sa luve i Tevita na Karisito? 42#Same 110.1Ni sa kaya ko Tevita e nai vola ni Same,
‘Sa kaya na Turaga vua na noqu Turaga,
Mo tiko e na ligaqu i matau,
43 me yacova ni'u sa vakamalumalumutaki ira mada na nomu meca mei tutu-ni-yavamu.” ’
44 Ia sa vakatokai koya ko Tevita me Turaga; sa qai luvena kina vakaevei?”
Qarauni Kemudou mai vei Ira na Vunivola
(Maciu 23.1-36; Marika 12.38-40)
45Sa qai vosa ko koya vei ira na nona tisaipeli, ni sa rogoca tiko ko ira kecega na tamata, 46“Dou qarauni kemudou mai vei ira na vunivola, era sa vinakata na lako voli e nai sulu balavu, ka sa vinakata na veikidavaki e na veirara ni veivoli, kei nai tikotiko ni qase e na veivalenilotu, kei nai tikotiko vakaturaga e na kana vata, 47era sa kovea na nodra i yau na yada, ka ra sa ia na masu balavu me veivakaisini. Ko ira oqo era na cudruvi vakalevu cake.”
Đang chọn:
Luke 20: FRV21
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập