Na Sailm 16
16
Salm 16.
Conserva mo, Domine.
1Cuṁdaiġ mé, a Ḋia: ós ionat a ċuir mé mo ḋóċas.
2A ṁʼanam, is é dúirt tú leis an Tiarna: is tú mo Ḋia, níl ní dá ḟeaḃas agam is fearr ná tú.
3Ní ḃíonn dúil agam aċ sna naoiṁ, a ḃíos ar an talaṁ: agus sa dream is fearr suáilce.
4Aċ an dream a ḃíos ag riṫ i ndiaiḋ Dé eile: is mór an buaireaṁ a ṫiocfas orṫu.
5Ní ṫairgfiḋ mé íobairtí fuilteaċa mar ḋéanas siad: ní luafaiḋ mo ḃéal a n‑ainmneaċa.
6Is é an Tiarna féin mo ċuid ranna, agus cuid mo ċailíse: cosnóiḋ tú féin mo ċeart.
7Ṫit mo ċrannsa ar ḟearann fíorálainn: ṫit oiḋreaċt ṡárṁaiṫ orm.
8Taḃarfaiḋ mé buíoċas don Tiarna go dtug sé raḃaḋ dom: bíonn mo ḋuáin ag cur smaċta orm san oíċe.
9Ḃínn i gcónaí do mo ċur féin i láṫair Dé: bíonn sé ar mo láiṁ ḋeas, agus ní ṫitfiḋ mé dá ḃrí sin.
10Mar sin bíonn lúċáir ar mo ċroí, agus áṫas ar mo ġlóir: agus beiḋ dóċas agam nuair a ṫéann mo ċolainn a luí.
11Agus cad ċuige? Ar an áḃar naċ ḃfágfaiḋ tú mʼanam in ifreann: agus naċ ligfiḋ tú do do naoṁ an truailliú a ḟeiceáil.
12Taispeánfaiḋ tú dom cosán na beaṫa: is lánsólás é aċ ḃeiṫ i do láṫair: agus is aoiḃneas síoraí a ḃeiṫ ar do láiṁ ḋeas.
Đang chọn:
Na Sailm 16: OC1965G
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Cumann Gaelach na hEaglaise (Irish Guild of the Church) 1965