Matay 1
1
trungutrungulran ni Yēsu Kiristo
(Luka 3.23-38)
1trungutrungulran ni Yēsu ulra i makalusu:
i Yēsu Kiristo maw trungulran ni Davidē, i Davidē maw trungulran ni Aburaham.
2i Aburaham mialrak kani Isak, i Isak mialrak kani Yakob, i Yakob mialrak kani Yoda zi tu wadiyan na ma'inayan. 3i Yoda zi i Tamar mialrak kani Pēres zi i Zēra, i Pēres mialrak kani Hēsron, i Hēsron mialrak kani Aram, 4i Aram mialrak kani Aminadab, i Aminadab mialrak kani Nasun, i Nasun mialrak kani Salemon, 5i Salemon zi i Rahab mialrak kani Boas, i Boas zi i Rute mialrak kani Obēd, i Obēd mialrak kani Yēsi, 6i Yēsi mialrak kani Davidē na yawan.
i Davidē mukasa tu 'azin ni Uriya mialrak kani Solomon, 7i Solomon mialrak kani Rēhoboam, i Rēhoboam mialrak kani Apiya, i Apiya mialrak kani Asaf, 8i Asaf mialrak kani Yēhosafat, i Yēhosafat mialrak kani Yēhoram, i Yēhoram mialrak kani Uziya, 9i Uziya mialrak kani Yotam, i Yotam mialrak kani Ahas, i Ahas mialrak kani Hēzēkiya, 10i Hēzēkiya mialrak kani Manasē, i Manasē mialrak kani Amon, i Amon mialrak kani Yosiya. 11na Iseraēl 'atayan kihuliyo mukuwa i Babilun azu na wariyan, i Yosiya mialrak kani Yēhoyakin zi tu wadiyan na ma'inayan.
12a kihuliyo mukuwa i Babilun i likuzan mu, i Yēhoyakin mialrak kani Salatiēl, i Salatiēl mialrak kani Zērubabēl, 13i Zērubabēl mialrak kani Abiud, i Abiud mialrak kani Ēliyakim, i Ēliyakim mialrak kani Azor, 14i Azor mialrak kani Sadok, i Sadok mialrak kani Akim, i Akim mialrak kani Ēliud, 15i Ēliud mialrak kani Ēlēazar, i Ēlēazar mialrak kani Matan, i Matan mialrak kani Yakob, 16i Yakob mialrak kani Yosēf, mawna 'azin ni Maliya. izu na Kiristo kinuwa i Yēsu mu pinialrak kemay kani Maliya.
17nu ta aipaw kemani mu, kemay kani Aburaham palru kani Davidē mu muketrep zi pata trungulran, kemay kani Davidē palru za kihuliyo na Iseraēl na trau mukuwa i Babilun mu maw muketrep zi pata trungulran, kemay kana kihuliyo palru za pinialrak i Kiristo mu maw muketrep zi pata trungulran ziya.
na pinialrak i Yēsu Kiristo
(Luka 2.1-7)
18inupanayan ni Yēsu Kiristo tu pinakalrangan mu maw kemani: i tainataw i Maliya kirazuk lra kani Yosēf, mawmu a pare'azin pakangawayan mu, malrazam i Maliya za malii lra kemay kana Vangesar Lu'em. 19tu pulrakarawan i Yosēf patezelr tu katratrau, mawmu 'azi muwai pasiri kantaw i ngawayan kana trau, zi mianger za mulrek puelak kana pare'azinan na kuret. 20a penauwa za kemianganger kanini na lremak i intaw mu, na tēnsi ni Luzu kazu i tiyatiya' pakurena'u kantaw, marengay: <<na trungulran ni Davidē i Yosēf, ikakaud, pi'azinu lra i Maliya, 'alrana tu lii mu maw zuwa kemay kana Vangesar Lu'em. 21uri piaalrak za sasa a ma'inayan i intaw, pungadani kani Yēsu i inu, 'alrana i intaw uri vavaaw kanantu zinekalranan puwaday kanantu pinamelriyan nazu.>>
22ini na mupana ziya na lremak mu maw pula'esi za pakalrang kana patralritralri tu nirengay ni Luzu: 23<<ulra a vulavulayan kalii mialrak. pungadanay kani Imanēli.>> (<<Imanēli>> tu pauwayan mu mawna <<na Viruwa i itras kurekasa kanta>>.)
24a masenekin i Yosēf mu, miturus kanantu ipatalru kana tēnsi ni Luzu kemakuda, mi'azin kani Maliya; 25mawmu a mialrak pakangawayan i intaw mu 'azi ziyan mare'avalr kantaw. mupana izu na alrak, zi tu pungadanay kani Yēsu i Yosēf.
Đang chọn:
Matay 1: TPN
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© The Bible Society in Taiwan, 2023